Himnabullur og leirljóð

 

Ég er með ljóðadellu þessa dagana og geri fátt annað en semja alls konar skringileg ljóð.

Hér er eitt þeirra.

 

Fagur fagur fiskur á himni

Með himnasól í maganum

og undur undir ugga.

Slær um sig með sporðinum

siglir lítil dugga

kemur hreyfingu á skýin

sem hylja hina nýju vitund

er stefnir beint í iður jarðar

 og yður.

 

 

 

Athugasemdir

[Hrönn Sigurðardóttir, 20.7.2007 kl. 13:23]

 sniðug notkun á orðum

[Kristín Katla Árnadóttir, 20.7.2007 kl. 13:49]

þú ert skáld.

[Steinunn Helga Sigurðardóttir, 20.7.2007 kl. 14:15]

ljós til þín

steina 

[Jóna Á. Gísladóttir, 20.7.2007 kl. 20:43]

Ég féll fyrir myndinni.

[Svava frá Strandbergi , 21.7.2007 kl. 18:14]

Vá, flott mynd og sniðug vísa.

[Ásgeir Rúnar Helgason, 21.7.2007 kl. 21:25]

Lesblindur sem ég er þá hef ég lesið þessa "Himnabullu" á ótal magrgvíslega vegu.

Því miður Katrín - þetta er ekki eitt af þínum bestu verkum, eða svo er það ég sem er fattlaus (sem er jú mun líklegra) :

Myndin er falleg:

[Katrín Snæhólm Baldursdóttir, 22.7.2007 kl. 09:09]

Jú þetta er svo sannarlega eitt af mínum verkum..bestu eða verstu verður svo hver að finna ut fyrir sig. Sömu orð geta sagt fólki svo mismunandi og margvíslegar sögur. Hver og einn að kemur að orðum á sinn eigin hátt sjáðu til.

Fiskurinn hefur ákveðið trúarlegt gildi. Himnasól er röðull í maga fisksins og undir uggum sínum ber hann undur og stórmerki. Á sundi sínu um himinhvolfin verður til hreyfing og eitthvað sem hefur verið falið á bak við hulu ..t.d skýjahulu. verður sýnilegt og stefnir inn í miðju Móður Jarðar sem þarfnast þessarar heilunar sem og maðurinn.

Eða þannig sé ég þetta ljóð og vegna þeirrar sýnar þykir mér það fallegt og sterkt.

[Katrín Snæhólm Baldursdóttir, 22.7.2007 kl. 09:33]

Svo blundar í mér smá uppreisn að ljóð eða hver önnur sköpun skuli vera á einhvern sérstakan hátt...svona er bara mín sköpun. Og myndin sem fylgir ljóðinu er mín sýn af Móður Jörð.

Hef meira að segja tilfinningu fyrir að allt sem við köllums list muni á einhvern undarlegan hátt umbreytast og taka á sig áður óþekkt form. Þá verða allir "listamenn" eða skaparar

[Guðný Anna Arnþórsdóttir, 22.7.2007 kl. 22:28]

Yndislegt....finn alls kyns samsvaranir....

[www.zordis.com, 23.7.2007 kl. 18:25]

Frábært!  Ég er hrifin af myndunum þínum og það að hver hafi sína upplifun er eitthvað sem ég þakka fyrir á hverjum degi!  Ég held að sköpun sé ein sú mesta blessun sem hverjum manni / konu er veitt.

Takk fyrir fegurðina sem þú sýnir okkur .....

[Katrín Snæhólm Baldursdóttir, 24.7.2007 kl. 18:26]

Óskar minn ég kannast ekki við neinar hrakningar eða ósæmilega hegðun af þinni hálfu...vertu alltaf velkominn!!!

[Ingibjörg R Þengilsdóttir, 24.7.2007 kl. 22:54]

er ég las þessar athugasemdir datt mér eftirfarandi í hug:

góð er lesningin og falleg orðin

sem allir geta lesið

en hver er skilningurinn

jú hann er hvers og eins

og alltaf réttur

hvort sem það er þú eða ég

kveðja og góða nótt

Ingibjörg Þ