Uppáhalds eða ekki.....

Þessi mynd er fyrir mér um tjáningu. Gula ljósið kemur út frá hálsstöðinni og segir það sem þarf að segja. Fyndið að fáum öðrum en  mér finnst þessi mynd sérstök.  Það hefur engin kommentað á hana í galleríinu t.d . Þetta er samt ein uppáhaldsmyndin mín enda eyddi ég óralöngum tíma í hana.

Vatnslitir á pappír.

Man eftir frábærum rithöfundi sem skrifaði bókina "War of art"sem ætti að vera skildulesning fyrir alla sem vilja eiga við Egóið í sjálfum sér....... Höf. Steven Pressfield.

 Hann segir að uppáhaldsbókin hans sem hann skrifaði hafi ekki fallið neinum öðrum í geð. Kannski er það eins með sumar myndirnar mínar. Bara bestar fyrir mig.

Athugasemdir

[www.zordis.com, 27.8.2007 kl. 07:52]

Þessi mynd finst mér mjög sérstök og falleg.  Ég upplifði hana á þann máta er þú lýsir hér.  Mögnuð mynd svo ekki verði meira sagt!

Það er merkilegt hvað verður uppáhalds hjá konu.  Ég á nokkrar myndir sem bíða yfirmálunar þar sem mér finst þær svo afleitar, þá kemur einhver og dásamar akkúrat þessar sem ég var búin að ákveða að láta hverfa ...... Misjafn er smekkur!

[Ásthildur Cesil Þórðardóttir, 27.8.2007 kl. 08:57]

Sem betur fer er smekkur manna misjafn.  Mér finnst þessi mynd þín afskaplega falleg og gefandi eins og aðrar myndir þínar.  Hún er ef til vill skýrar afmörkuð en margar aðrar sem eru meira draumkenndar. 

[Ásdís Sigurðardóttir, 27.8.2007 kl. 09:04]

Mér finnst þessi mynd bera með sér lífsandann. EInhvernvegin eins og hún blási lífi í mann. Mikið flæði í brjóstholinu og svo ljósið.

[Ásdís Sigurðardóttir, 27.8.2007 kl. 09:05]

[Guðsteinn Haukur Barkarson, 27.8.2007 kl. 09:49]

Katrín, ég sé margt útúr þessari mynd, og mæli ég með nafninu "móðurumhyggja" á hana. Það er eins og kærleikur geisli úr hálsakotinu frá henni, og getur það táknað söknuð vegna barns eða bara ást.

Myndin er ekki bara best fyrir þig, þú ert greinilega með talsverða hæfileika og á ekki að stinga þeim undir borð þar sem enginn sér. Ég hef upplifað það sama, en ég oft rekið mig á að það sem Ásthildur benti réttilega á, misjafn er smekkur manna, þess vegna er vettvangur eins og bloggið rétti staðurinntil þess að sýna þetta. 

[Einar Clausen (IP-tala skráð) 27.8.2007 kl. 13:53]

Hæ.

 Ég er bara að gera grein fyrir mér. Mér finnst myndin mögnuð.

 Takk.

 P.s.: Ingi Geir "Sarcasticbastard" (/"I repudiate your petulant expostulations") Hreinsson þekkir mig. :o)

Einar Clausen

[Steinunn Helga Sigurðardóttir, 27.8.2007 kl. 16:22]

það skiptir í raun engu máli hvað aðrir segja um það sem maður gerir í myndlist, maður getur aldrei gert öllum til geðs, þess vegna á maður alltaf að bera sig saman við sjálfan sig.

bera sig saman við það sem maður gerði síðast !

það er best !

þú ert einlæg í því sem þú gerir upplifi ég, og það er fallegt

[Steinunn Helga Sigurðardóttir, 27.8.2007 kl. 16:22]

AlheimsLjós til þín

steina

[Anna Ólafsdóttir (anno) (IP-tala skráð) 27.8.2007 kl. 16:42]

Ég deili því með þér að finnast þessi mynd góð. Mér finnst formið fallegt og blái liturinn, sérstaklega þegar hann fer út í fjólublátt gefur henni eitthvert alltumvefjandi element. Get ekki útskýrt, finnst það bara - takk

[björn (IP-tala skráð) 27.8.2007 kl. 17:20]

Ekki sé ég hversvegna svo löngum tíma sem um er talad hefur verid sóad í thessa mynd.Hvad fynnst thér  merkilegt vid thessa mynd?Séu gaumgaefdar thúsundir sambaerilegar myndir,thá er eins & thessi sé ordvana.Thessi mynd segir mér ekki neitt,nema thá helst ad höfundurinn finni sér ekki almennilega útrás & vilji rugla listaskyn samborgara sinna sér til vidurkenningar.Litir geta audvitad verid fallegir & thad er therra edli.Horfi ég á thessa mynd,fyllist ég tómleika & vantrú á mannkynsinns börnum.Ein gód til ad ylja sér á í arinninum!

[Katrín Snæhólm Baldursdóttir, 27.8.2007 kl. 17:33]

Veistu að þessi skrif þín breyta engu um hvað mér þykir vænt um þessa mynd Björn. Ertu artþerapisti?? 

[Marta B Helgadóttir, 27.8.2007 kl. 20:43]

Einlægnin skín úr verkinu Katrín