Að opna sér nýja leið.....

Nú er kona komin heim eftir ævintýralega ferð í bæinn. Meðferðis hafði ég nokkur pör af skóm í pokum merktum Harrods þeirri fínu og flottu verslun í London. Hefði mátt halda að ég hefði verið að gera stórinnkaup á merkjafatnaði fyrir morð fjár. Svo var þó ekki. Ég og skópörin fórum í gamla kaþólska kirkju og skoðuðum listaverk og kveiktum á kerti fyrir heiminn, klifruðum í hundrað ára gömlum trjám og gengum um á meðal ilmandi rósa í kirkjugarðinum. Við hittum líka barn sem lék með okkur og skríkti af kátínu yfir öllum þessum bráðskemmtilegu skóm sem voru til í allt. Lamdi meira að segja frú Mary Poppins í tánna með trjágrein.Hún meiddi sig ekkert enda gerð úr vönduðu og fínu skóleðri frá Ítalíu.

 Seinnipartinn ætlum við svo að bregða okkur aftur af bæ og kíkja á kaffihús og eiga menningarlegar samræður og þaðan förum við hugsanlega í skógargöngu í ljósaskiptunum. Hvað við gerum svo með allt þetta mun bara koma í ljós

Er þetta ekki yndislega fallegt orðtæki í málinu..að koma í ljós!!!

Mitt uppáhald þessa dagana. 

 Komdu í ljós!!!!

Þegar ein leiðin lokast ekki örvænta.

 Það hefur opnast leið fyrir nýtt útsýni og aðra leið í staðinn.

Það kemur allt í ljós að lokum.

Athugasemdir

[Björg F (IP-tala skráð) 28.8.2007 kl. 12:37]

ohhh.................. æðislegur gluggi..

Ljós til þín

[Guðríður Haraldsdóttir, 28.8.2007 kl. 13:36]

Ummmm, koma í ljós! Frábært. Já, og æðislegur gluggi. Hef svipað útsýni en nú er rigning, mjög krúttleg eins og allt annað hér á Skaganum.

[www.zordis.com, 28.8.2007 kl. 15:35]

Og það varð ljós!  Yndislegt ljósið er umvefur okkur öll ....  Ég sit hér inni í hitanum með dregið fyrir sólu á leið niður í kjallarann að leita að listaljósinu mínu .... já sittlítið af hverju er gott gott.

[Hrönn Sigurðardóttir, 28.8.2007 kl. 21:00]

 Orð fá ekki lýst aðdáun minni á þér....