Ímyndir

28.8.2007 | 21:41

Til að reyna að gleyma.......

....RISAKÖNGULÓNNI sem hljóp hérna yfir gólfið áðan og passaði ekki einu sinni í glasið sem eiginmannshetjan skutlaði yfir hana og fór með alveg út í enda á okkar garði og henti yfir í garð nágrannans ætla ég að rifja upp gleði dagsins áður en ég fer að sofa.

Eins og þið vitið fékk ég mér göngu með nokkrum skópörum um bæinn. Það skemmtilega var að fólk virtist ekkert kippa sér upp við þessa samferðamenn mína og létu..a.m.k þegar ég sá til...eins og það væri eðlilegasti hlutur að verða vitni að eftirfarandi.

Skópör að hanga í trjám

Virða fyrir sér list í gamalli steinkirkju

Fara með hljóða bæn og kveikja á kerti fyrir hrjáða veröld

Og hafa gaman með Jacob sem var þarna á göngu með ömmu sinni.

Ganga um á meðal rósa

og finna höfgan ilminn.

Enduðum svo á kaffihúsinu eftir viðburðaríkan dag og þjóninn kom með kappúsínó handa öllum meðan stígvélin lásu matseðilinn.

Höfðum svo sellufund í garðinum. Það rigndi smá en það var allt í lagi.

Þetta var góður dagur.

Flokkur: Bloggar | Facebook

Athugasemdir

Brilljant.

Jenný Anna Baldursdóttir, 28.8.2007 kl. 21:46

DÝRLEGAR MYNDIR!!! Þetta er efni í skemmtilega barnabók, eins og einhver bloggvinur sagði um daginn. Algjör snilld!

Guðríður Haraldsdóttir, 28.8.2007 kl. 21:47

Gott fyrir svefninn. Vona bara að nágranninn fatti ekki að köngurlóin kom frá þér.....

Hrönn Sigurðardóttir, 28.8.2007 kl. 21:54

Aha....það er verið að safna efni og setja saman...er mjög spennt yfir útkomunni. Skondin og skemmtileg saga að verða til....Nú er bara að sjá hvort útgáfa Harry Potter bókanna stekkur ekki á tilboðið sem ég ætla að bjóða þeim um einkaréttinn Tími 700 blaðsíðmna bókanna er liðinn. Manimalisminn tekinn við. Lesendur munu fagna.

Katrín Snæhólm Baldursdóttir, 28.8.2007 kl. 21:54

Krúttleg færsla, fékk mig til að brosa og ég brosi enn .... Eiginlega bara frábær færsla, sé þig í andanum úti að ganga með skófatnaði, spjalla, spekulera og njóta lífsins ....

Góða nótt krúttlega kona!

www.zordis.com, 28.8.2007 kl. 21:58

Yndislegar myndir, það sem þú hefur skemmtileg sjónarhorn á öllu. Algjör snilla eins og einhver segir. Keep up the good work.

Ásdís Sigurðardóttir, 28.8.2007 kl. 22:03

Æðislegar myndir! Væri alveg til í að kaupa barnabókina þína!

Vilborg, 28.8.2007 kl. 22:46

Hver verður titillin á skóbókinni ?????

ÞAÐ FER EKKI HVER SEM ER Í SKÓNA HENNAR KATRÍNAR

Hulda Bergrós Stefánsdóttir, 28.8.2007 kl. 22:49

Snilld

Marta B Helgadóttir, 28.8.2007 kl. 22:57

Roslega hefur verið gaman hjá skónum og Katrínu

Lýst vel á kaffihúsið

Í hvaða skóm gengur Kartín á þessum skóskemmtiferðum?

Kær kveðja

Guðrún Þorleifs, 29.8.2007 kl. 06:13

Þetta er bara næstum eins og verkið hennar Eleanor Antin, 100 boots en það er eitt af mínum uppáhalds, finnst það svo frábært.

Getur séð eitthvað af því hérna.

Algjör snilld.

Ragga (IP-tala skráð) 29.8.2007 kl. 06:59

Takk Ragga..kíkti á verkin hennar Elanor. Alveg frábær. Ekki ósvipuð hugmynd svona í grunninn. Ég er einmitt á leið með skónum til Brighton til að fara á ströndina og svo getur verið að við förum til London.

Já þetta er kaffihúsið mitt og ég vil helst hvergi sitja yfir mínu daglega kappúsínói en í rauða sófanum þar sem maður hefur yfirsýn yfir allt. Ef einhver situr á mínum stað þegar ég mæti stari ég bara fast í þriðja augað á þeim og það bregst ekki að þau standa upp og fara eða færa sig eftir smá stund.

Ég geng í ltlum ljósbrúnum sandölum með risagimsteinum á bandinu sem liggur yfir tábergið.

Katrín Snæhólm Baldursdóttir, 29.8.2007 kl. 08:21

Ótrúlega krúttileg færsla! Ég er búin að láta alla í vinnunni kíkja á hana.

Ibba Sig., 29.8.2007 kl. 09:57

Já, í fylgd með svona skóm duga ekkert annað en alvöruskór

Góða ferð!

Guðrún Þorleifs, 29.8.2007 kl. 10:19

Frábær færsla hjá þér Katrín, fyndinn og skemmtileg. Frábærar myndir.

Ásthildur Cesil Þórðardóttir, 29.8.2007 kl. 11:35

Þú ert svo mikill gleðigjafi, frú Snæhólm. Óborganlegar myndirnar af skónum. They are meant for walking OG gleðja augað. Knús til þín. Takk fyrir styrkinn sem þú sýnir mér með orðum þínum.

Hugarfluga, 29.8.2007 kl. 19:03