Alheimurinn smellir ljúfum kossi á kinn....

Svona líður mér í dag..og trúi því einlæglega að sumarið sé komið, læt glepjast af sólinni fyrir utan gluggann minn og horfi bara nógu hátt til að sjá ekki snjósletturnar hér og þar. Er komin í Mary Poppins skóna mína og ætla að halda í leiðangur alkomin heim. Loksins!!!

Hitti mann í gær sem er dularfullur orkukall sem sagði að ég hefði gleymt að lenda á fótunum þegar ég kom aftur heim og tengdi mig svo við alíslenska jörð. í gegnum klakabrynjur og gangstéttahellur hafa nú ræturnar fundið sitt og krækt sér í glóandi eldhnullunga þarna niðri og orkan í mér eftir því.

Og ég er orðin ég og þarf núna að skjótast og kíkja á fermingarservíettur og eins og eitt krúttlegt kaffihús þar sem ég ætla að skrifa lista yfir alla þá sem vilja gefa mér péning meðan ég drekk kaffið mitt. Sko í skiptum fyrir dolltið sem ég ætla að gera. Svona orkuskipti..ég vinn og þú borgar. Getið svo notað helgina í að velta fyrir ykkur verkinu eða vinnunni..hehe.

Alltaf gaman að labba með Mary Poppins......því eitt er víst,og það er að hún ratar alltaf í stjórnlaus ævintýr sem enginn getur séð fyrir og hver veit hvar ég enda þennan alheimsdag eftir ferð um sólríka borg með brúnar silkireimar í brosandi galdrakonuskóm.

Knús!! 

 

Athugasemdir

[Jenný Anna Baldursdóttir, 14.3.2008 kl. 16:19]

Knús á þig.

[Guðrún Þorleifs, 14.3.2008 kl. 17:25]

Góða ferð á kaffihúsið. Er ákveðin í að skella mér eins og eitt eða tvö þegar ég kem

[Ásthildur Cesil Þórðardóttir, 14.3.2008 kl. 17:31]

Já Mary Poppins er góður félagi Katrín mín.

[Ásdís Sigurðardóttir, 14.3.2008 kl. 17:52]

Mary Poppins er yndisleg, hún var með mér út í bæ í dag á röltinu, erfitt var að sjá hvor okkar var glaðari í vorinu. Ég er eins og lítið lamb í haga í dag, skoppa um af gleði. Kær kveðja til þín og læt mig hlakka til að fá gula tréið. 

[Hulda Bergrós Stefánsdóttir, 14.3.2008 kl. 19:45]

VELKOMIN HEIM

[Ía Jóhannsdóttir, 15.3.2008 kl. 08:12]

Kveðja inn í daginn.

[Guðný Anna Arnþórsdóttir, 15.3.2008 kl. 09:27]

Gott ef þú ert búin að ná jarðsambandi á Íslandi; það getur verið erfitt að hafa það ekki .... ! Og þó, hvað veit maður svosem. Yndisleg færsla hjá þér að venju, gangi þér vel í einu og öllu.

[Marta B Helgadóttir, 15.3.2008 kl. 10:10]

Falleg færsla og njóttu vel

[www.zordis.com, 15.3.2008 kl. 13:52]

Svo mikilvægt að finna sig og skynja tenginguna!  Þú hefur verið flott á Poppins skónum þínum.

Njóttu helgarinnar og hvað og hvar á að borga???

[Steingerður Steinarsdóttir, 16.3.2008 kl. 20:15]

Fékk líka þennan yndislega vorfíling í dag. Hafðu það gott.

[Svava frá Strandbergi , 16.3.2008 kl. 23:52]

Ég trúi því líka að sumarið sé komið. Er búin að kaupa vorlauka, dalíur og begónuíur og planta í potta úti á sólsvolum. Keypti líka anemónur sem ég set niður í beð í garðinum í maí.

[Þórarinn Þ Gíslason (IP-tala skráð) 17.3.2008 kl. 04:27]

Alltaf gaman að lesa þig.Bregst ekki.

Vorið er að koma-Kona.

Gangi vel í öllu til alls!