Ótrúleg saga....um það sem eitt konuhjarta getur afrekað!!

Sáuð þið viðtalið við Þórunni Helgadóttur hjá Evu Maríu í kvöld ????

Ég á ekki orð yfir þessari stórfenglegu konu sem hún Þórunn er. Lifir og starfar í Kenýa við erfiðistu  aðstæður sem hægt er að hugsa sér og bjargar þar börnum í hundraðatali. Kona sem fer eftir innri sannfæringu og tilfinningu og með Guðs hjálp eins og hún segir sjálf lyftir grettistökum. Segiði svo eftir að hafa hlustað á sögu hennar og hvernig allt gerðist að það séu til tilviljanir. Saga hennar sýnir það hvernig lífið vinnur með þeim sem taka ákvarðanir og treysta því að það sem þeir þurfa komi til þeirra. Ekkert er ómögulegt. Ekkert!!

Vona að þessi þáttur sé sýndur á netinu..þið sem misstuð af honum bara verið að horfa og sjá með eigin augum hversu fólk er megnugt þegar það fylgir sannfæringu sinni og köllun til góðra verka í lífinu. Ég ætla bara rétt að vona að sem flestir sjái sér fært að styrkja þessi góðu verk sem þarna eru unnin og taki að sér barn hjá ABC hjálparstarfi.  Eva María fær líka þakkir fyrir frábæra þætti.

Þórunn Helgadóttir gangi þér vel og gakktu áfram þína frábæru leið í lífinu.

Á morgun mánudag ætla tvær sérstakar konur að koma í þáttinn minn Maddama kerling fröken frú á útvarpi Sögu 99.4.

 Steinunn Helga sem hefur vakið athygli fyrir sín fallegu og kærleiksríku skrif á blogginu ætlar að spjalla við mig í gegnum símann og segja okkur frá lífi sínu og starfi í Danmörku og Jóna Ingibjörg Jónsdóttir kynfræðingur verður svo gestur minn í stúdíói og við ætlum að spjalla um hennar merkilegu vinnu, nýja fyrirtækið hennar og ýmislegt fleira skemmtilegt. Allar þessar konur sem koma við sögu í þessu bloggi mínu eiga það sameiginlegt að trúa á það sem þær eru að gera og eru hver um sig  kraftmiklar og hugaðar, og koma draumum sínum í framkvæmd og eru okkur hinum áminning og fyrirmyndir í að láta ekki okkar eftir liggja.

Þær áhyggjur sem ég var að burðast með á mínum herðum hafa nú minnkað svo mikið að þær hafa hreinlega horfið og orðið að engu eftir að ég hlustaði og horfði á Þórunni í kvöld. Nú er ég helst að hugsa um ..Hvar kem ég að mestu gagni í lífinu og fyrir hverja???

 

 

Athugasemdir

[Guðný Anna Arnþórsdóttir, 25.5.2008 kl. 21:14]

Satt segirðu, Þórunn er hreint út sagt ótrúleg kona. Ég hef fylgst með henni um skeið og sá viðtalsþátt við hana fyrir 1 - 2 árum. Frábært að svona fólk skuli vera á meðal vor.

Ég er voðalega spæld með að geta aldrei hlustað á þáttinn þinn. Ég hefði sko viljað heyra í þeim stöllum báðum, Steinu og Jónu Ingibjörgu. Verður eitthvað hægt að hlusta á þætti Sögu á netinu á næstunni?

Gangi þér vel, ljósa man!

[Katrín Snæhólm Baldursdóttir, 25.5.2008 kl. 21:18]

Ég veit ekki hvort eða hvenær þeir koma á netið en þátturinn minn er endurfluttur alla sunnudaga klukkan 13.00. Það er hægt að hlusta í beinni á netinu www.útvarpsaga.is.

Þórunn er bara inspiration fyrir okkur hin. Það er sko fullt hægt að gera í þessari veröld og láta mikið gott af sér leiða..bara ef maður vill og er ekki týndur í naflanum á sjálfum sér.

[Ásthildur Cesil Þórðardóttir, 25.5.2008 kl. 21:53]

Verð að finna mér tíma til að hlusta, takk fyrir að benda á þetta viðtal Katrín mín.

[Katrín Snæhólm Baldursdóttir, 25.5.2008 kl. 22:17]

Þórunn Helgadóttir í Kenía

Flestir láta einhvern tíma hvarfla að sér að bjarga heiminum. Fæstir gera eitthvað í því.

En Þórunn Helgadóttir, sem er gestur Evu Maríu að þessu sinni, gekk skrefi lengra og flutti búferlum til Nairobi í Kenýa, eftir að hafa kynnst götubörnum þar.

Nú er hún gift 5 barna móðir og rekur heimili fyrir rúmlega tvöhundruð börn í borg, þar sem átök hafa verið daglegt brauð og fátæktin er gríðarlega mikil.

Þetta er óvenjuleg saga um Reykjavíkurdömu sem vildi gera eitthvað meira við líf sitt og lifa fyrir annað en eigin ánægju.

Sýnt: Í kvöld 19.40

Endursýnt: Í kvöld 01.20, Á morgun 15.55

[Fanney Björg Karlsdóttir, 25.5.2008 kl. 22:40]

Ég sá þetta viðtal og varð djúpt snortin...... allveg mögnuð kona ....

[Þorsteinn Sverrisson, 25.5.2008 kl. 22:53]

Sá viðtalið.  Maður getur ekki annað en dáðst að svona fólki.

[Jenný Anna Baldursdóttir, 26.5.2008 kl. 00:02]

Hlusta á morgun og kíki á þáttinn fljótlega.  Var bissí í kvöld.

Takk fyrir fallegan pistil.

[Laufey Ólafsdóttir, 26.5.2008 kl. 03:23]

Ég sá einmitt viðtal við hana í kompási fyrir rúmu ári síðan og heillaðist af dugnaði hennar. Alveg frábær kona.

...og takk fyrir síðast! 

[Marinó G. Njálsson, 26.5.2008 kl. 11:35]

"Þórunn er af öðrum heimi, send hingað til að hjálpa."  Þannig var henni fyrir langa löngu lýst í mín eyru.  Ég held að þetta sé satt.  Mér finnst alveg einstakt hvað hún hefur fundið sig vel í þessu starfi í Kenía sem hentar henni alveg fullkokmlega.  Ég sá hana aldrei fyrir mér í brauðstritinu hér heima.

[Bjarki Tryggvason, 27.5.2008 kl. 13:22]

Þórunn kom í barnastarfið hjá okkur í minni kirkju að kynna fyrir börnunum ABC og sýna okkur heimildarmyndina sem hún tók fyrir ABC. Hún er alveg frábær og hreint ótrúlegt hvað hún hefur gert þarna!

Takk fyrir þessa færslu vinkona!