Ertu maður eða motta?

Menn standa upp fyrir rétti sínum  þegar þeir eru beittir ranglæti og grunnöryggisþörfum þeirra ógnað. Mottur eru þeir sem láta ganga yfir sig endalaust og allan sinn mannlega rétt án þess að æmta eða skræmta.

Sem betur fer hefur hver maður val.

Mig langar að benda öllum sem vilja sjá með eigin augum á þetta myndband hér og hvet um leið fréttastofur landsins til að sýna þetta myndband óklippt í fréttatímum sínum. Um leið gefst þeim sem hafa farið um bloggheima og kaffistofur landsins með hrópum og köllum um skrílslæti og ofbeldi þeirra sem mótmæla tilefni til að biðja þetta fólk afsökunar á ummælum sínum.

Ég lýsi hér með aðdáun minni á þessu flotta fólki og lögreglunni. Þið voruð okkur öllum til sóma. Ef þetta unga fólk sem þarna var saman komið er framtíð okkar hef ég ekki áhyggjur. Ég hef hins vegar þungar áhyggjur af þeim öflum sem sitja fyrir því að breytingarnar sem við viljum sjá verði að raunveruleika.

Svo sendi ég samstöðukveðjur til allar manna sem mótmæla og þora að standa gegn óréttlætinu og spillingunni sem hér viðgengst...við skulum hvergi hvika!!!!

Motturnar mega svo liggja eins lengi og þeim sjálfum hugnast.

 

Það er linkur beint á myndbandið í athugasemd númer tvö!!!

 

Athugasemdir

[Hólmdís Hjartardóttir, 2.12.2008 kl. 14:47]

Við gefumst ekkert upp

[oktober, 2.12.2008 kl. 14:55]

Hæ katrín. Hér er krækja sem hægt er að smella á.

Borgaravaktin/Oktober - Sannar sögur úr Seðlabankanum - Myndband

[Katrín Snæhólm Baldursdóttir, 2.12.2008 kl. 14:58]

Takk Oktober..ég VERÐ að fara að læra að setja inn linka

[Heiða B. Heiðars, 2.12.2008 kl. 16:31]

Hahahaha ekkert mál segir kreppukall!!! Hann gleymir að taka fram hver kenndi honum það!!

Tölvuséníið sjálft...moi!! :)

Frábært myndband

[Ásdís Sigurðardóttir, 2.12.2008 kl. 16:49]

Semsagt þér finnst ég þá motta þar sem ég hef aðrar skoðanir en þú á þessum mótmælum, gott og vel, ég er þá jólamotta og ein sú hamingjusamasta norðar alpafjalla.  Það er ekki þar með sagt að þó maður vilji ekki sama og þið að maður viti ekki hvað maður vill, hver hefur sína baráttuaðferð og ég má vera á móti þessu ef mér sýnist svo og þú mátt vera með þessu, en ekki uppnefna fólk.  Orðin skríll og múgur eru gömul íslensk orð sem lýsa hópi manna sem kemur saman til einhverra hluta, ekkert ljótt við þau orð.

[Heiða B. Heiðars, 2.12.2008 kl. 16:56]

Æi nei.... alveg rétt.... það var hin aðferðin... ég er ekki eins klár og ég hélt.... það er ekki hægt að linka svona eins og Arnar lýsir í öllum "vöfrum". En það er hægt í Mozilla Katrín

[Rakel Sigurgeirsdóttir, 2.12.2008 kl. 16:59]

Tek undir það með þér Katrín að það var flott fólk sem mótmælti fyrir framan Seðlabankann. Ég leyfi mér að dást að því fyrir þolgæði þess og stillingu. Lögreglan á eflaust hrós skilið líka. Mér finnst það liggja í augum uppi að ef þeir hefðu beitt úða og kylfum á þennan friðsama hóp þá hefði verið um hreint ofbeldisverk að ræða.

Það fyllti mig hins vegar gleði að þeir voru tilbúnir til að hörfa og leyfa þessu fólki að fara óáreittu. Lögreglan sýndi þar umtalsvert meiri reisn en Davíð og aðrir stjórar í Seðlabankanum sem létu ekki sjá heldur kusu að hundsa hópinn gjörsamlega.

[Heiða B. Heiðars, 2.12.2008 kl. 17:04]

Ásdís; Þekkir þú einhvern í /* Font Definitions */ @font-face {font-family:"Cambria Math"; panose-1:2 4 5 3 5 4 6 3 2 4; mso-font-charset:1; mso-generic-font-family:roman; mso-font-format:other; mso-font-pitch:variable; mso-font-signature:0 0 0 0 0 0;} @font-face {font-family:Calibri; panose-1:2 15 5 2 2 2 4 3 2 4; mso-font-charset:0; mso-generic-font-family:swiss; mso-font-pitch:variable; mso-font-signature:-1610611985 1073750139 0 0 159 0;} /* Style Definitions */ p.MsoNormal, li.MsoNormal, div.MsoNormal {mso-style-unhide:no; mso-style-qformat:yes; mso-style-parent:""; margin-top:0cm; margin-right:0cm; margin-bottom:10.0pt; margin-left:0cm; mso-pagination:widow-orphan; font-size:11.0pt; font-family:"Calibri","sans-serif"; mso-ascii-font-family:Calibri; mso-ascii-theme-font:minor-latin; mso-fareast-font-family:Calibri; mso-fareast-theme-font:minor-latin; mso-hansi-font-family:Calibri; mso-hansi-theme-font:minor-latin; mso-bidi-font-family:"Times New Roman"; mso-bidi-theme-font:minor-bidi; mso-fareast-language:EN-US;} a:link, span.MsoHyperlink {mso-style-priority:99; color:blue; text-decoration:underline; text-underline:single;} a:visited, span.MsoHyperlinkFollowed {mso-style-noshow:yes; mso-style-priority:99; color:purple; mso-themecolor:followedhyperlink; text-decoration:underline; text-underline:single;} .MsoChpDefault {mso-style-type:export-only; mso-default-props:yes; mso-ascii-font-family:Calibri; mso-ascii-theme-font:minor-latin; mso-fareast-font-family:Calibri; mso-fareast-theme-font:minor-latin; mso-hansi-font-family:Calibri; mso-hansi-theme-font:minor-latin; mso-bidi-font-family:"Times New Roman"; mso-bidi-theme-font:minor-bidi; mso-fareast-language:EN-US;} .MsoPapDefault {mso-style-type:export-only; margin-bottom:10.0pt;} @page Section1 {size:595.3pt 841.9pt; margin:70.85pt 70.85pt 70.85pt 70.85pt; mso-header-margin:35.4pt; mso-footer-margin:35.4pt; mso-paper-source:0;} div.Section1 {page:Section1;} -->

þessum sporum?

Það er nú fínt að þú skulir vera hamingjusamasta mottan norðan Alpafjalla. Þú útskýrir þá kannski fyrir þessari af hverju hún á að bíða róleg á meðan fólk vinnur "í friði" að því að hún geti orðið jafn hamingjusöm motta og þú

[Heiða B. Heiðars, 2.12.2008 kl. 17:05]

huh? Hvað gerðist eiginlega :)

kv Heiða séní

[Katrín Snæhólm Baldursdóttir, 2.12.2008 kl. 17:24]

Motta er líka gamalt og gott íslenskt orð. Sumt fólk leyfir öðrum að labba yfir sig á skítugum skóm og er þá orðið oft notað í því samhengi að þeir sem það leyfi séu eins og mottur.

Hins vegar er ljótt að kalla fólk sem hvorki beitir ofbeldi né er með skrílslæti skríl og ofbeldisfólk..um leið og birtar eru af því myndir. Ef þú skoðar myndbandið um innrásina í seðlabankann séðu hvað ég á við. Þar er hvorki um skrílslæti að ræða né ofbeldi heldur samskipti sem eru alveg til fyrirmyndar og mættu nú margir ráðamenn taka þau sér til fyrirmyndar.

Markmið mitt með þessari færslu er að slá á þann hamgang og skrílsorðanotkun fólks sem hefur hvergi nærri atburðum komið svo það geti séð með eigin augum hvað er raunverulega í gangi. Því miður hafa fjölmiðlar verið duglegir við að búa til ímyndir sem fyllt hafa höfuð fólksins sem trúir öllu sem það sér í sjónvarpinu. Það er ekki réttlátt og það er ekki lýðræðislegt. Svo held ég að það þurfi að hafa kúrs lýðræði 101 sem skyldu fyrir hvern íslending svo við höfum á hreinu hvað það þýðir að búa í lýðræðisríki. Af því sem maður les og heyrir vantar mjög mikið uppá að fólk skilji hvað hugtakið þýðir....því miður.

Ég kalla engan mottu persónulega Ásdís mín og leitt að þú skulir taka það til þín enda finnst mér þú alls ekki vera nein undirlægja af þeim viðkynnum sem ég haf haft af þér. Þvert á móti.

Þetta eru mínar hugleiðingar um hvað það er fyrir mér að vera manneskja og berjast fyrir rétti sínum og mótmæla því sem mér finnst hróplegt óréttlæti gagnvart þessari þjóð og Væntanlega liggur munurinn í því að við upplifum og skiljum sama ástandið á mismunandi hátt. Og það má. 

En mér svíður það óréttlæti sem hefur mætt mótmælendum..rangar tölur um fjölda stöðugt nefndar og lítið gert úr friðsamlegum mótmælum þúsunda og við kölluð skríll og ofbeldisfólk. Og þetta myndband sýnir það t.d svart á hvítu. Og þó ég hafi ekki verið þarna við seðlabandkann svíður mig samt að það er ekki rétt sem kemur fram í fjölmiðlunum.

Þannig er nú það.

[Jenný Anna Baldursdóttir, 2.12.2008 kl. 20:00]

Ég er í kasti Heiða yfir yfirhalningunni á þessu óskiljanlega tungumáli.  Djö... þú ert svo klár á tölvur.  LOL.

Katrín: Flottur pistill.

[Ásdís Sigurðardóttir, 2.12.2008 kl. 20:07]

Nei, nei Katrín mín, motta er ég ekki það er svo af og frá, en ég skil núna hvað þú meinar, það er vaðið yfir mottur á skítugum skónum, en ég hef aldrei leyft neinum að vaða yfir mig.  Ég einfaldlega trúi ekki á ykkar aðferðir, það sem ég geri til að ná fram réttlæti og sanngirni er mitt mál og skilar að mínu mati meiru en ykkar aðferð. Heiða, ég skal senda þessari konu pening því þrátt fyrir öll mín lágu laun þá er ég alltaf aflögufær, er með eindæmum sparsöm. Ég hef stundum tekið að mér fjölskyldur þar sem allt er komið í hönk og svo tek ég ár í að hjálpa fólki að koma sér upp aftur, sé um reikninga, greiði, sem ofl. ofl. ég læt verkin tala. 

[Heiða B. Heiðars, 2.12.2008 kl. 20:27]

Jenný: farðu út í úlpu

Ásdís: Frábært...ég held að hún, eins og þúsundir annarra, vildu frekar fá að halda þeim rétti sínum að vinna sér inn sína eigin peninga.

[Hrönn Sigurðardóttir, 2.12.2008 kl. 22:27]

Ég er í kasti yfir Skessu og því hvað hún er algjörlega óskiljanleg á tölvumáli.........

[Katrín Snæhólm Baldursdóttir, 2.12.2008 kl. 22:44]

Svona er hún bara....þessi elska Liggur svo margt áhajrta og alltaf að flýta sér.

[Heiða B. Heiðars, 2.12.2008 kl. 23:04]

hehe....bjánar

[Katrín Snæhólm Baldursdóttir, 3.12.2008 kl. 10:40]

Það sem er kannski aðalatriðið hér er ekki hver telur sig vera mann eða motta..heldur það að þeir sem æpa hvað hæst og hafa horft þangað sem þeim var sagt að horfa..þ.e á örfá egg og ofbeldi skrílsins og taka upp þá skoðun að þannig séu einmitt mótmælin..horfi á þetta myndband og segi svo hvað þeim finnst. Hvort þau geti enn haldið því fram að þarna sé á ferðinni eggjakastandi skríll. En það er svo skrítið að þeir sem hafa hæst virðast einmitt ekki gefa sér tíma til að skoða hvað er hvað. Hafa bara ákveðið að halda sig við fyrri skoðanir sem eru búnar til af ímyndarmyndandi fjölmiðlum....Það sem kemur fram á þessu myndbandi er ekkert mín skoðun. Þar tala staðreyndirnar fyrir sig sjálfar. En kannski eru þær hreint aukaatriði hjá sumum. Hvað veit ég?? Ég hef eins og þúsindir annarra aldrei kastað eggi eða skvett málningu en það virðist vera eina ímyundin sem situr föst í hausum þeirra sem hvað hæst hafa í mótmælum sínum gegn mótmælunum. Sorglegt.

[Heidi Strand, 3.12.2008 kl. 14:39]

Ég get ekkert gert annað vegna samvisku mína en að mótmæla. Þetta er eina aðferðin sem ég hef í núverandi stöðu.
Við getum að minnsta kosti sagt við barnabörnin okkar þegar þau verða að greiða fyrir sukkið.. Við mótmæltum!