Hið kvenlega innsæi og flest allt sem byrjar á k...

Ég er bara slök í dag og hugsi. Það er oft ágætt að stoppa og líta yfir farinn veg og ígrunda hvað hefur gerst og hvernig það hefur haft á mann áhrif og hvert ferðinni sé heitið héðan. Það verður nú að segjast að síðastliðnir 5 mánuðir hafa heldur betur verið magnaðir á margan hátt og öllum undirstöðum verið kippt undan fótum okkar og við farið í boga um loftin blá og erum enn að velta fyrir okkur hvernig og hvar lendingin verður.

Ég segi nú fyrir mig að ég ætla að reyna að stýra henni sjálf eins vel og mér er unnt enda á fáa aðra að treysta nema sjálfa sig þegar upp er staðið..ekki satt?

Ekki ætla ég að treysta á vatnsgreidda vel flokks uppalda pabbadrengi til að hafa það í sér að grípa mig eins og ég vil vera gripin. Ef ég lendi standandi sem ég er nokkuð viss um að ég geri..enda eins og kötturinn í liðleika og kænsku..... þá kem ég undir mig fótunum með vitinu mínu eina og hinu margrómaða kvenlega innsæi sem svo mikill skortur er á hjá karlpeningi þessa lands. Sem segir sig eðlilega sjálft

Þar komum við sterkar inn stelpur!!!   Á kvenlega innsæinu sem er næstum göldrótt og karlmönnum algerlega hulið. Á þessu innsæi munum við fara svo langt sem augað eygir og sækja nýjar hugmyndir  sem enginn hefur enn séð og munu breyta öllu landslagi í hugsunum  og framkomu hér á þessari plánetu.

Annars er ég mest að spá í hvernig ég vilji klæða mig fyrir daginn og hvers kyns flíkur hæfa erindum mínum sem eru mikilvæg eins og alltaf. Vera kurteis, kjarnyrt, kaldhæðin, kærulaus, kafloðin, kerlingarleg, kvensnift, kappsöm, kynóð, karllæg, kvenremba, kjörkuð, kúnstug, kraftmikil, kenjótt, kaldlynd, kærleiksrík, kasólétt og ...æ, bara allt sem byrjar á k eins og nafnið mitt Katrín.  Þetta er svona bloggfærsla sem verður til þegar kona er andlaus og klæðalaus og lætur innsæi sitt ráða ferðinni út í buskann.

Eigið góðan dag

 

Athugasemdir

[Aðalheiður Ámundadóttir, 27.2.2009 kl. 12:17]

Know the feeling... Ég fór í jogging, ullarsokka (girta vel utanyfir), bómullarbol (ofþveginn á 90°) og lopapeysu. Svo hellti ég upp á kaffi sem má skera í sneiðar og settist við skriftir og stúderíngar.

Þetta er meirenlítið huggulegt og ég er svo saliróleg að ég kippi mér ekki einu sinni uppvið þó Davíð ætli í framboð! Ekkert kemur minni kvennlegu ró úr jafnvægi

[Soffía Valdimarsdóttir, 27.2.2009 kl. 12:26]

Ég er einmitt líka í jogginggalla og lopapeysu í augnablikinu. Þar að auki er ég að lesa bók sem fjallar um tengsl klæða, líkama og samfelags (The fashioned Body).

Góðan dag góður konur!

[Katrín Snæhólm Baldursdóttir, 27.2.2009 kl. 12:26]

Ætlar Davíð í framboð.....ahaaa! Ekki kippi ég mér upp við það heldur.

En ég myndi kippa mér upp við það að ég ætlaði í framboð. Þá hefði nú mitt kvenlega innsæi illilega brugðist mér. Enda er ég mun meira fyrir skemmtileg heimboð....eða spennandi skilaboð að handan.

[Hrönn Sigurðardóttir, 27.2.2009 kl. 13:44]

Ég fór í rauðar sokkarbuxur og rautt pífupils innan undir skokkinn með sportröndunum ;)

Ég er líklega klædd fyrir öskudaginn........

[Óskar Þorkelsson, 27.2.2009 kl. 13:53]

hvurslags álit hefuru á manni  

[Katrín Snæhólm Baldursdóttir, 27.2.2009 kl. 13:56]

Þetta er ekki mitt persónulega álit Óskar minn..þetta er bara ein af staðreyndum lífsins að það fer mjög lítið fyrir kvenlegu innsæi karlmanna...sorry! Væri náttla geðveikt að karlar hefðu kvenlegt innsæi líka..þá væri nú heimurinn skárri..ef ekki bara miklu betri..ha?

[Arinbjörn Kúld, 27.2.2009 kl. 14:16]

í dag er ég í bláum bómullarsokkum, bláum snjáðum flauelsbuxum, ljósum og bláum langermabol og fjólubláum pólóbol. Er eitthvað svo blue og rólegur í dag. (tók þó sterkt fram að ég er EKKI sjálfstæðismaður)  Annars hefði ég ekkert á móti því að þið konur tækjuð alveg við samfélaginu. Þá fengi ég meiri tíma til að leika mér í golfi og kannski stöku veiðitúr líka

[Katrín Snæhólm Baldursdóttir, 27.2.2009 kl. 14:29]

Iss nei..það væri ekkert skemmtilegt að bara konur væru að framapotast og hafa allt eftir sínu höfði...

Það þarf bara góða blöndu af almennilegu fólki með innsæi og visku og framkvæmdakraft og ýmislegt fleira gott. Ekki gæti ég hugsað mér veröld án karla. Nema kannski sumra. Þumba. En þeir eru ekki í fjólubláum pólóbolum...!!

[Jóhanna Magnúsar- og Völudóttir , 27.2.2009 kl. 15:37]

Ég er í kolsvörtu síðu pilsi, enda pilsadagur í vinnunni, svörtum bol með pífu og brúnyrjóttu vesti yfir...  og í svörtum lakkskóm, mjög svo kvenlegum, eiginlega tangóskór! ...

Var ekki annars spurningin örugglega, í hverju ertu?

[Aðalheiður Ámundadóttir, 27.2.2009 kl. 15:51]

Hvernig er það, ætli fólk gangi meira í svörtu eftir hrunið? 

[Ásthildur Cesil Þórðardóttir, 27.2.2009 kl. 22:03]

Er að spá í að rölta allsber niður Laugaveginn til að vita hvort ég fæ einhverja umfjöllun hehehehe

[Þórarinn Þ Gíslason (IP-tala skráð) 28.2.2009 kl. 02:44]

Sæl Katrín.

Kúnstug er K-lýsingin.

Takk fyrir skemmtilega pistla.

Kveðja.

[Jenný Anna Baldursdóttir, 28.2.2009 kl. 09:23]

Síðustu fimm mánuðir hafa verið frábærir í þínum félagsskap elsku vinkona.

Og í næstu viku tökum við maraþon við eldhúsborðið ég og þú.

Elska þig.

[Guðný Anna Arnþórsdóttir, 3.3.2009 kl. 21:36]

Katrín mín, hef ég sagt þér nýlega, hvað þú ert í miklu uppáhaldi hjá mér???

[Katrín Snæhólm Baldursdóttir, 4.3.2009 kl. 09:40]

Nei ekki nýlega en það er voða notalegt að fá svona póst... Takk takk!!!