Draumalandið fyrir vaknandi þjóð...ekki hægt að sofa vært eftir áhorfið!

Við fórum nokkur saman að sjá Draumalandið í bíó og ég verð að segja að myndin snertir við manni. Sumir þurftu snýtiklúta í lokin og aðrir þurrkuðu tár af hvörmum. Hvet ykkur eindregið til að sjá myndina og taka vel eftir því sem þar kemur fram. Mjög vel. 

Athugasemdir

[Árni Gunnarsson, 10.4.2009 kl. 19:47]

Eftir þriggja daga sýningu á þessai mynd er þögnin um hana ærandi.

Enda hafa aldrei jafn margir Íslendingar úr æðstu stöðum verið hýddir jafn rækilega.

[Katrín Snæhólm Baldursdóttir, 10.4.2009 kl. 21:01]

Segðu!

[Jóna Kolbrún Garðarsdóttir, 11.4.2009 kl. 01:24]

Ég ætla að sjá myndina við fyrsta tækifæri. 

[Sigurður Hreiðar, 11.4.2009 kl. 10:32]

Ég tek undir með þér, Katrín, þessa mynd ættu allir Íslendingar að sjá. Það er magnað að sjá svona verk sem bersýnilega er sett upp sem einhliða áróður og fer ekkert í launkofa með það. Mér lá við að taka upp vasaklútin í lokin, þegar myndavélin hundelti veslings hreindýrin þrjú svo ég hélt þau myndu springa. Og kannski hafa þau gert það.

[Steinunn Helga Sigurðardóttir, 11.4.2009 kl. 11:33]

[Jenný Stefanía Jensdóttir, 11.4.2009 kl. 11:48]

Mun reyna að verða mér úti um þessa mynd á DVD við fyrsta tækifæri.  Vil frekar sjá hana í einrúmi, hrædd um að tilfinningar beri mann ofurliði.  Bendi líka á frábært viðtal við Sigurð Gísla framleiðanda myndarinnar í Fréttablaðinu í dag.  Orð hans hafa mikið vægi, sérstaklega í ljósi þess að hann er ímynd auðmannsins sem varð ekki af aurum api.

[Katrín Snæhólm Baldursdóttir, 11.4.2009 kl. 15:56]

Held að myndavélar séu kannski ekki það sem náttúran okkar og hreindýrin þurfa að óttast mest Sigurður Hreiðar. Viðtalið við Sigurð Gísla er líka virkilega gott sem og þáttur Hallgríms Thorst á Rúv í morgun. Vil hvetja alla sem láta sig framtíð okkar varða að skoða vel þessi mál núna og gera skýra kröfu um að allri leynd verði nú aflétt svo við getum gengið til kosninga vitandi hvar hvað. Hvers vegna ríkir þessa mikla leynd um orkuverð til stóru erlendu fyrirtækjana, hvers vegna ríkir þessi leynd yfir skilyrðum AGS og hvenær fáum við að vita hversu stórar skuldir okkar raunverulega eru. Og eigum við ekki rétt á að vita allt þetta áður en við kjósum?

En látið ekki þessa mynd framhjá ykkur fara..bara alls ekki!!!

[Katrín Snæhólm Baldursdóttir, 11.4.2009 kl. 18:59]

linkur á viðtalið við Sigurð Gísla hjá Halla Torst í morgun...mjög gott viðtal en Sigurður er einn af framleiðendum Draumalandsins.

http://dagskra.ruv.is/ras1/streymi/
 

[Aprílrós, 14.4.2009 kl. 06:45]

Hef ekki séð þessa mynd og veit ekki hvort ég fari á hana ;)

[Ásthildur Cesil Þórðardóttir, 14.4.2009 kl. 11:05]

Ég er hugsandi yfir þessari mynd.  Ég er ekki viss um að ég þoli að sjá hana.  Ég er svo yfirfull af reiði og sorg ennþá yfir ´Kárahnjúkum og umhverfinu þar.  Svo hugsa ég líka oft um hvernig Valgerður Sverrisdóttir getur haldið haus og horft framan í nokkurn mann eftir aðkomu sína að þessu glæpaverki.  Hvernig ætli henni líði í sálinni þegar þessi mynd er komin fram og dregur upp svarta mynd af hennar starfi sem iðnaðarráðherra?  Vonandi hefur hún samviskubit hún má það alveg mín vegna. 

[Katrín Snæhólm Baldursdóttir, 14.4.2009 kl. 23:07]

Ásthildur mín...veistu að það eru margir sem geta ekki haldið haus eftir að hulunni hefur verið svipt af þeim í Draumalandinu.....fann eiginlega til með sumum sem þarna komu fram eða voru hreinlega afhjúpaðir. 

Ekki öfunda ég þessar manneskjur að þurfa að lifa með þessum verkum sínum og í sögu þessarar þjóðar með gerðir sínar í eftirdragi um alla tíð.

En myndina verða allir að sjá FYRIR kosningar...!!!