Ímyndir

22.4.2009 | 08:48

Augu heimsins hvíla á okkur núna

Við vorum með framboðskynningu á Borgarspítalanum í vikunni og þar var hópur frá London að taka upp efni og fylgjast með því sem hér er að gerast. Þau voru nýkomin til landsins til að gera heimildamynd um kosningarnar hérna og telja að þetta séu einar mikilvægustu kosningarnar í heiminum i dag þar sem við erum fyrsta landið til að fara í kosningar eftir svona hrikalegt hrun.

Þau tóku við mig viðtal og það var mjög gaman að spjalla við þau. Þau eru líka sérstaklega að skoða hvernig framboð það eru sem spretta upp í svona umhverfi og aðstæðum eins og hér hafa verið síðan í október og hvert stefnan sé tekin. Það eru fjölmargir erlendir fréttamenn staddir hér núna og fylgjast grannt með öllu sem við erum að gera..bæði frambjóðendur sem og kjósendur.

Svo ég hvet ykkur til að vera almennileg, GÓÐ OG SÆT EINS OG VANALEGA....kannski við náum að bæta ímynd okkar fyrir umheiminum sem ég er eiginlega alveg viss um að við gerum, því íslendingar eru upp til hópa heiðarlegt og gott fólk og á hreint ekki skilinn þann stimpill sem hefur verið komið á okkur af örfáum manneskjum sem kunnu ekki fótum sínum forráð og gátu hvergi hamið græðgi sína.

Það var mikið um að vera á kosningaskrifstofunni okkar í gær og greinilegt að nú þegar Borgarahreyfingin er orðin mjög raunverulegur valmöguleiki með að mölbrjóta hinn illræmda 5% múr að þá er fólk virkilega að skoða það og margir jafnvel að ákveða að kjósa okkur.

Ég segi nú bara atkvæði greitt Borgarahreyfingunni er LIFANDI atkvæði en autt er dautt.

Þegar fólk spyr mig hvað það eigi að kjósa segi ég alltaf.."Maður á að kjósa frá hjartanu og út frá sinni innstu sannfæringu...þá verður útkoman rétt fyrir samfélagið.

Alls ekki láta glepjast af glansmyndauglýsingum og fagurgala heldur horfa ískalt á verkin og dæma svo.

Og ég hvet þig líka til að gera það kæri bloggari.

Ekki hafði ég hugmynd um hvað þess vetur bæri í skauti sér þegar ég fór að mæta alltaf á Austurvöll í vetur af því að ég gat hreinlega ekki setið heima hjá mér og ekki mótmælt því sem hrundi yfir okkur og líf okkar allra.

Nú eru 3 dagar til kosninga og ég sit hér og skrifa ræðu sem ég ætla að vera með í sjónvarpinu annað kvöld. Það er óhætt að segja að maður læri eitthvað nýtt á hverjum degi og sé stöðugt að henda sér út fyrir þægindamörkin sín..en það er víst bara gott og hollt og ekki síst þroskandi að gera það reglulega. Koningabarátta er einmitt kjörin fyrir svona þanþol.. Kissing

Eigið góðan dag í rokinu og regninu...og munið að það er heitt á könnunni hjá okkur á Laugaveginum og volg vínarbrauð á bakka og heimurinn er að horfa á okkur öll!

www.borgarahreyfingin.is

Flokkur: Bloggar | Breytt s.d. kl. 08:55 | Facebook

Athugasemdir

Gangi þér vel á morgun Katrín

Hrönn Sigurðardóttir, 22.4.2009 kl. 09:46

Hólmdís Hjartardóttir, 22.4.2009 kl. 10:06

Gangi ykkur vel mín kæra. Vonandi náum við að breyta einhverju hér eftir kosningar. Það er bara málið að fólk er svo rosalega íhaldsamt og tregt til að breyta til. Ef við værum víðsýnni og fljótari til að tileinka okkur það besta, þá byggjum við öll í kúluhúsum.

Ásthildur Cesil Þórðardóttir, 22.4.2009 kl. 10:15

Ætli Ásthildur hafi verið að meina kúlulánahúsum?

corvus corax, 22.4.2009 kl. 15:03

Gangi ykkur vel á morgun og alla aðra daga. Þú verður frábær, enginn vafi í mínu hjarta.

www.zordis.com, 22.4.2009 kl. 20:05

Þið eruð búin að fá mitt atkvæði sem endar í Kraganum. XO

Neo, 22.4.2009 kl. 21:37

Gangi þér vel Katrín mín...á hvaða sjónvarpsstöð?

Sigrún Jónsdóttir, 22.4.2009 kl. 22:30

Gangi þér vel á morgun, á hvaða stöð á maður að stilla og klukkan hvað? Ég vil endilega sjá þáttinn. Það eru gleðitíðindi hversu vel Borgarahreyfingin virðist ganga í skoðanakönnunum undanfarinna daga.

Jóna Kolbrún Garðarsdóttir, 23.4.2009 kl. 02:16

Úps Það eru gleðitíðindi hversu vel Borgarahreyfingunni virðist ganga átti að standa þarna í síðustu athugasemd.

Jóna Kolbrún Garðarsdóttir, 23.4.2009 kl. 02:17

Já það eru gleðitíðindi...í nýjustu könnuninni fær Borgarahreyfingin 10.2 % í kraganum sem er meiriháttar og vígi sjálfstæðismanna þar virðist vera fallið.

Ég verð í kosningasjónvarpi stöðvar tvö í kvöld strax á eftir fréttum. Þetta eru rosalega spennandi síðustu dagar og nú getur allt gerst og landslagið er að breytast hratt í íslenskri pólitík:)

Katrín Snæhólm Baldursdóttir, 23.4.2009 kl. 09:09