Leita í fréttum mbl.is

Bloggfærslur mánaðarins, maí 2007

Barátta vondu stjörnumerkjanna við góðu stjörnumerkin

86008608æ,kækkkkkllluntitled´fklgdfkhuntitledækækuntitledbadtaurusuntitledflgkædfljuntitledgeminiuntitledleoountitledvm m

Hér eru hinar neikvæðu hliðar stjörnumerkjanna..þetta eru púkarnir sem sitja á annarri öxlinni ykkar og reyna að telja ykkur trú um að þið séuð ekki nógu góð, eða klár og allt bullið sem neikvæðu hliðinni dettur í huga að þylja upp úr sér.

Sem betur fer eru svo stjörnumerkjaenglarnir á hinni öxlinni og þar er sko annað hljóð i strokknum.

Hér koma þessar elskur og munið að trúa frekar á þá en bræður þeirra og systur hér fyrir ofan. En ekki gleyma að baráttan er alltaf í gangi og maður verður að vera duglegur að velja hvern einasta dag hvoru megin maður ætlar að vera...munið það!!!

untitledytruntitledlluntitledljojojuntitledlklj 8383dkddk8377untitledædfgdfgkuntitleddkkguntitledleoEP-8372good gemini

Þið megið líka alveg segja okkur hvaða eiginleika þið hafið úr báðum hópunum. Ég trúi því samt ekki upp á einn einasta bloggvin minn að hann hafi eitthvað neikvætt til að bera. Bara alls ekki!!!!


Tími til að......?

Eftir langan dag kemur nótt og eftir langa nótt kemur dagur.  Í draumi morgunsins mundi ég svo margt.  Ef ekki núna þá á morgun. Það er alltaf þar. Svarið. Eins og ég hef leitað lengi þá rann upp fyrir mér ljós að það er hér. Gömlu vitringarnir sem ég hef hitt í lífinu eru endurspeglun á draumnum um þá Gömlu sem biðu mín alltaf á bókasafni alvisku veraldarinnar. Og drógu fram doðrantana um allt sem er og ég skildi ekkert . Ekki einu sinni þegar ég vaknaði. Bara þegar ég fór að lifa og skilja varð mér ljós leyndardómurinn í orðum þeirra og kennslu. Að allt er á sínum stað sama hvernig það lítur út. Sjáðu í gegnum dulargervið. Sögðu alltaf..."kemur stelpan" og kenndu mér allt. Vitandi að minningin yrði ekki á lífi fyrr en að henni kæmi. Leyfðu mér að finna út sjálfri hvað er hvað. 

 Já svoleiðis er lífið.

70010225

Svo mikil sköpun í sjálfu sér. Endalaus orka á hreyfingu ...viltu hvað?

Viltu ekki hvað?

Þegar ég hitti Kóreubardagamanninn með skrítnu augun sem var tilbúinn að berjast fyrir minni lífsorku og setja hana á sinn stað svo ég gæti orðið. Hef ekki verið söm síðan. Las í Rúnabókinni...ekki hreyfa þig þegar þú gengur í fæðingastofuna...Bíddu!!! Og svo nú er rétti tíminn. Hann hvæsti og ýtti á punkta sem höfu sofnað og hleypti drekanum af stað aftur. það er ekkert sem getur verið til án kærleikans og kærleikurinn þrífst ekki án krafts. Kraftur og kærleikur. Að geta sett í form það sem býr í hjartanu.

Hljómar þetta eins og ævintýri?

 Lífið er ævintýri en sofandi fólk hefur talið sér trú um að þannig sé það bara og eigi að vera. Hentu tímanum í ruslið og hvar ertu þá? Tíminn stelur athyglinni og setur þig framhjá því sem er að gerast beint fyrir framan þig og krefst athygli þinnar.

Annars væri það ekki þar.

60000412

Týndur í tímaleysi er maðurinn. Hvar er tíminn sem ég hef til að vera?

Má ekki vera að því að hugsa og spá...eða finna til...geri það á morgun eða hinn.

Þar með hefst hinn endalausi eltingarleikur við hið góða. Vertu með mér líf..Bíddu!!!

Ég ætla að sjá þig á morgun og muna eftir að staldra við áður en ég dey .

Og muna hvað skiptir mig máli. Í dag má ég bara ekki vera að því... því ég þarf að halda mér á lífi til að geta hitt þig einn góðan veðurdag og sagt þér hvað ég vil gera þegar ég hef tímann með mér.

Gerðu það bíddu..Tími. Líf!

Ég á enn eftir að finna tíma til að minnast  minna og segja það sem ég ætlaði að segja þegar tíminn væri réttur.

 Allt þetta um væntumþykjuna og ástina. Og þig!

Ég á enn eftir að gera svo margt áður en ég næ þér. Halda í mér lífinu þar til ég get byrjað að lifa eins og ég ætlaði alltaf.

Það var mín mesta gæfa að komast af þessu hjóli tímans og sjá að hann er blekkingin.

Lifi bara NÚNA. Það er enginn annar tími til þess.

Hættu að bíða...lífið er að gerast akkúrat núna.

Þú veist aldrei hvað verður á morgun.

Gerðu það NÚNA!!!

200513603-001

 

 

Sjáðu í gegnum fingur þér með það sem skiptir ekki máli.

 


Kortaverslun Katrínar

Kæru bloggvinir.

Mig langar að bjóða ykkur á opnun nýju kortaverslunarinnar minnar.

Það er ekki langt að fara. Smellið bara á Tækifæris og gjafakort hér fyrir neðan.

http://www.katrinsnaeholm.blog.is/album/Taekifaerisoggjafakort/

Hér eru nokkur sýnishorn.

Ástarkort

ástin2

   Megi ástin ykkar dafna sem hin fegurstu blóm, óskir ykkar og væntingar rætast í öllum litum regnbogans,

vinátta ykkar eiga sér rætur sem stóra eikin á enginu,

skilningur og umburðarlyndi setjast að í hjörtum ykkar

ásamt virðingu og trausti til hvors annars.

Megið þið lesa ástina sem lýsir úr augum ykkar sem ljóð um samkennd á erfiðum stundum

og englar flytja ykkur hugrekki og styrk þegar þið þurfið á að halda. 

Gangið saman gæfunnar veg kæru hjón.

   Heart 

Til hamingju með nýja heimilið

Takið eftir litla sæta húsinu innan í konunni

new home2

Á þessu heimili skal ríkja ómæld gleði, hamingja og auðlegð.

Megi sólskin skína hér sérhvern dag og tilveran verða litrík og skemmtileg fyrir þá sem hér búa.

Kærleikur í hverri krús, hlátur í hverju horni, og litlir blómálfar flögra um í hverju blómi

og syngja fjörlega morgunsöngva fyrir alla sem hingað koma.

Heart

Þú ert einstök

Þetta er tilvalið kort til að færa systur sinni. vinkonu eða ástinni sinni.

 

Þú ert einstökEins og fallegt blóm sem vex upp úr grýttum jarðvegi og teygir sig í átt til sólar.

Eins og stjarna sem vísar vegvilltum leiðina heim.  

Eins og ilmurinn sem fyllir vit hins hungraða. 

Þannig ert þú!

Heart

Fáið ykkur Katarina kampavín í tilefni dagsins

og það er epladjús frammi fyrir þá sem eru á bíl.

ChampagneJacquart-katarinaHD31BX1VH7DFL__SS500_

Svo koma frægar ballerínur og skemmta ykkur með yndisfögrum dans.

 

Velkomin á opnun Kortaverslunar Katrínar

og eigið frábæra stund kæru vinir!!

Þætti væntum að fá komment á kortin og textana í albúminu hér við hliðina!

 


Morgunljóð músar

blóm og krús

Blóm og krús

lítil mús

sem læðist

 hægt og hæðist

að heimi sem gefur

 lítin gaum

að lífsins glaum

og gleði.


Hér er ró og friður og sólin farin heim

 

Bara að láta ykkur vita að sólin mín er farin í sumarfrí til íslands svo þið fáið dýrðardaga núna á næstunni og ég mun húka hér í kulda og regni kúrandi og volandi..allt fyrir ykkar sálarheill.

Nota bara tímann til að æfa mína innri kyrrð..sem er reyndar orðin svo mikil að ég haggast ekki, ekki heldur utan frá. Er bara eins og sítróna eða stóll. Alveg grafkyrr og hljóð.  Ergi mig ekki einu sinni eitt sekúndubrot yfr löngu djúpu færslunni sem ég var búin að skrifa hérna inn og hvarf svo út í geim.

Kannski hún eigi best heima þar anyway.

fruits

Röndótta mær sagði vinkonan mín í dag þegar hún sá nýja hárið á mér.

Ég lánaði henni skræpótta sólhattinn minn  því hún er að fara í sumarfrí á morgun og ætlar að koma heim sem ný óþreytt kona.

Það er ekkert normalt hvað sumar konur trúa mikið á að jörðin snúist ekki án þeirra. Ég er sem betur fer að læra og skilja að ég snýst ekki án mín..en allir aðrir geta það. Þess vegna er ég orðin svona róleg. Svo róleg að ég man stundum ekki eftir að tala eða hreyfast.

200528791-001

Ég tek veðrinu eins og það kemur og óska ykkur gleðilegs sumars og sólar.

Þoka er nauðsynleg stundum og skiptir ekki máli

 þegar maður þarf ekkert að komast neitt.

 


Úrslit í ævintýrasögukeppninni..æsispennandi!!

Kosningu um bestu ævintýrasöguna er lokið. Atkvæði féllu þannig.

Jóna 7 stig

Matthildur 3 stig

Zordís 2 stig

Doddi 2 stig

Anna 1 stig.

Sumir vildu fá að gefa tveimur atkvæði sitt og þar sem við erum frekar óhefðbundin hér á þessari bloggsíðu var það bara allt i góðu og atkvæði Ásthildar sem hún skipti til helminga til að heiðra tvo sögumenn var uppgreitað og varð að tveimur heilum. Doddi og Anna voru í Eurovision stemmingu og keyptu og seldu atkvæði sem var líka bara skemmtilegt. Sýnir að það er alltaf mesta fjörið þegar maður er alþjóðlegur í hugsun og frjáls til að gera það sem manni finnst rétt.Wink

Jóna mín...þú getur núna kíkt í galleríið mitt hérna við hliðina og valið þér eitt verk sem ég sendi þér svo eftirprentun af. Sendu mér svo e mail  kbaldursdottir@gmail.com með heimilisfanginu þínu og upplýsingum um hvaða mynd þú vilt fá.

Tré GultTré Rautttré blátt

Svo vil ég þakka ykkur öllum fyrir þátttökuna og segi bara

Ber er hver að baki nema bloggvini eigi eins og égHeart

 

Verðlaunasaga Jónu!

Endur fyrir löngu var heimur, svo fjarri hnettinum okkar að þið getið ekki ímyndað ykkur það, sem hét Viskuveröld. Viskuveröld hefði getað verið Paradís að lifa í ef ekki hefði borið skugga á. Allri veröldinni var stjórnað af illum vættum sem einskis svifust til að beygja þegnana undir ógnarstjórnina. Einn var þó sá staður sem hinir illu stjórnendur höfðu engan mátt yfir. Það var völundarhús mikið sem Kveikan hinn aldni vaktaði innganginn að nótt sem dag. Völundarhúsið var trjágarður sem var þeim eiginleikur gæddur að einungis hjartahreinir gátu ratað út úr honum aftur. Menn, dýr og vættir komu þangað í leit að visku og þekkingu og þar sem eiginleikar garðsins voru alkunna var engin hætta á að rekast á vætti úr herdeild Ógnarstjórnarinnar þar. Garðurinn var því sannkallað friðarland fyrir þegnana. Herskáustu meðlimir herdeildarinnar voru illskeyttir Flugdrekar sem nutu yfirráða sinnar og notuðu hvert tækifæri sem gafst til að hrella þegna Viskuveraldar. En Flugdrekarnir óttuðust Völundarhúsið meira en nokkuð annað og þorðu ekki einu sinni að nálgast garðinn á flugi.

Í miðri Viskuveröld stóð höll ein mikil. Í henni bjó æðsti vættur Viskuveraldar og stjórnaði hann veröldinni þaðan, blindaður af eigin græðgi og illsku. Nafnið eitt fékk þegnana til að skjálfa af hræðslu. Ljónið Lekko. Konungur Viskuveraldar. Nafn hans var ekki nefnt nema í ítrustu neyð og þá var því hvíslað.

Hallargarðurinn umhverfis höllina var afar stór og afar fallegur. Hann var skreyttur demöntum og gulli og hellulögð strætin voru lögð safírum og silfri. En öll þessi glitrandi fegurð náði ekki að yfirgnæfa illskuna sem réði þar ríkjum og íbúarnir þráðu ekkert heitar en að komast út fyrir skínandi múrana.

Meðal þeirra sem voru fangar í höllinni voru systurnar Lukka og Lán. Ljónið Lekko lét fjarlægja þær frá fjölskyldu sinni er þær voru hvítvoðungar því hann óttaðist hvað þær gætu gert honum í framtíðinni. Mörgum árum áður hafði ráðgjafi konungs, Spartur, spámaðurinn illi, séð í kristalskúlu sinni, stúlku með vængi og geislabaug frelsa Viskuveröld undan kúgun og ofríki Lekkos. Er Lekko svo frétti af fæðingu Lukku og Láns, stúlknanna með mjallarhvítu vængjarstúfana og gylltu geislabaugana sem lýstu af von og trú, varð hann frávita af bræði og hræðslu og lét færa þær til hallarinnar. Þar voru þær látnar vinna baki brotnu á daginn fyrir mat sínum og á nóttunni voru þær geymdar í hallarturninum. Þær voru þó þakklátar fyrir að fá ætíð að vera saman.

Það sem enginn vissi var að vængjastúfarnir uxu með degi hverjum en féllu í svo þéttum fellingum að baki stúlknanna að þeir sýndust ennþá örsmáir. Fyrir tilviljun komst Lukka að því einn daginn að hún gat flogið stuttan spöl. Aðeins er hægt að ímynda sér vonina sem þetta kveikti hjá systrunum og á laun æfðu þær sig að fljúga og trúðu því í hjarta sínu að einn góðan dag gætu þær svifið yfir himinháa hallarmúrana. En foreldrar og systkini Lukku og Láns höfðu ekki setið aðgerðarlaus. Þeir þráðu að heimta litlu stúlkurnar sínar úr helju og frelsa þær úr klóm Lekko konungs og allra hans illu vætta. Með hjálp Kveikan hins aldna höfðu þau sótt sér visku og þekkingu úr Völundarhúsinu og fundið út tilvist Fannfuglanna. Fannfuglarnir komu frá heimi glitrandi fannar og nýfallins snjós. Þeir voru uppsprettna allra lausna. Hvar sem þeir svifu yfir fjöll og lönd á gríðarlegu vænghafi sínu birti og vonin vaknaði. Vatn spratt upp í eyðimörkum, korn óx á óplægðum ökrum, blindir fengu sýn og lamaðir gengu aftur. Er þeir birtust hlupu börn með þeim og glöddust yfir komu þeirra. Fjölskylda Lukku og Láns lærði með tilkomu Fannfuglanna að frelsari Viskuveraldar, sá sem Lekko konungur óttaðist svo mjög, sá sem Spartur hafði spáð fyrir um, var hvorki Lukka né Lán. Í fylgd með Fannfuglunum kom Frelsi. Undurfagurt ungviði með fannhvíta vængi og geislabaug sem ógjörningur var að horfa á svo bjartur var hann. Frelsi kom inn í líf þegna Viskuveraldar, svífandi í snjókúlu gerðri úr ótal kristöllum sem höfðu töframátt. Hver sá sem andaði þeim að sér féll í djúpan dásvefn. Miklar draumfarir fylgdu þessum svefni þar sem sá dáleiddi lifði sjálfur allt það illa sem hann kunni að hafa gert öðrum í lífinu. Í snjókúlunni sinni sveif Frelsi yfir hallarmúrana og smeygði agnarsmáum kristöllum inn í vit Flugdrekanna og annarra vætta Lekkos. Lekkos sjálfan fann Frelsi sitjandi í hásæti sínu með hugann við næsta illvirki sem hann ætlaði að fremja. Ljónið varð skelfingu lostið þegar það kom auga á undurfagurt ungviðið og gerði sér samstundis grein fyrir því að þarna var kominn frelsari Viskuveraldar. Er kristallar Frelsis byrjuðu að streyma inn í vit Lekkos tók við martröð í illum huga hans, sem ekki sá fyrir endann á.

En þegnar Viskuveraldar þustu glaðir út á stræti og engi og gullslegnar dyr hallarmúranna opnuðust upp á gátt. Upp frá þessu lifðu allir við frelsi og birtu í Viskuveröld og engan skugga bar þar á.

 


Ekki gleyma að kjósa bestu söguna..kosning stendur yfir NÚNA!!!

Kosning um bestu ævintýrasöguna stendur nú yfir. Það eru 10 sögur bloggara sem keppa að þessu sinni..hver annarri ævintýralegri. Wizard 

Bara að minna á að kosningin stendur yfir núna og þar til í fyrramálið elskurnar og ég hreinlega heimta að þið takið þátt.!!!

 Á kurteislegri máta má líka orða þetta svona..."Viljiði vera svo fín og sæt að taka þátt í kosningunni um bestu ævintýrasöguna elskulegu bloggarar.... annars verð ég brjáluð"!!

Lesa sögur http://www.katrinsnaeholm.blog.is/blog/katrinsnaeholm/entry/221870/

Kjósa HÉR http://www.katrinsnaeholm.blog.is/blog/katrinsnaeholm/entry/223273/


Sumar með kanilbragði

Jæja..ég er loksins komin heim eftir langa og góða helgi.

Helgi sem innihélt svo margt skemmtilegt og magnað. Það yrði alltof langt mál að skrifa það í einni bunu svo myndbrot og minningar verða að duga.

Lestarferð til London á laugardagsmorgni.

Gengum í gegnum hverfið þar sem Winston Churchill bjó..og komum að undurfagurri kirkju.

Hvernig gátu orðið til hugmyndir fyrir svona löngu í höfði einhvers að byggja slík mannvirki..svo stór og svo fögur með þeirri tækni sem þá var til??? Hvert einasta smáatriði úthugsað og hannað...ein hugmynd sem stendur enn..líklega fyllt blóði svita og tárum. En samt magnificent!!!

Kveiktum á kerti fyrir ættingja sem er veikur og hræddur og ég horfði með lotningu á alls konar fólk sem sat eitt og bað til Guðs fyrir vandamálum sínum eða annara.

Það var bara fallegt.

1366ebay

Héldum svo áfram göngunni í gegnum hverfi hinna ríku...sáum í gegnum gluggana falleg útskorin húsgögn og slæðukennd gluggatjöld og rimla svo engin gæti brotist inn í þeirra helgidóm.

Gamla konan sem hafði komið sér fyrir á götunni var samt ekkert líkleg til neinna stórræða..alein og löngu gleymd öllum samferðamönnum...með gröft í auga og dagblöð til að halda á sér hita. Ég stoppaði hjá henni og lét hana hafa alla mína aura úr vasanum og sagði að ég óskaði henni góðs dags. Hún brosti og greip í hendina mína...enginn talað við hana svo lengi. Ég strauk henni um kinnina..og langaði mest að taka hana heim með mér og pakka henni í rúm. En svoleiðis gerir maður ekki..veit ekki hvers vegna. Finnst samt innst inni að maður ætti að láta sig varða meir. Veit bara ekki hvernig. Hvar á maður að byrja og hvernig endar þetta allt?

kritsmynd

Síðan lá leiðin á Body Mind and Sprit festival....og þar var margt að skoða og sjá.

Prófaði Gong bað...sem er svona sound treatment...sem var alveg meiriháttar. Og hitti magnaðan mann sem er frá Kóreu. Matestro OH.  Hann tók mig í einhverskonar orkuthearpy sem heitir Ki.

Potaði í mig á sérstökum orkupunktum og hvæsti...íklæddur bardagaklæðum..en vá!!!!!!

Hvæsti úr mér blokkeringar og orkustopp með látum. Og ég er ekki söm á eftir.

Á stóru sviði voru alls konar fyrirlestrar og uppákomur og ég sá Yoga dans...yndislega fallegur svartur náungi sem dansaði jógað sitt við músík... Svo söng ég með manni sem vildi meina að við hefðum öll okkar fallegu rödd falda undir feimninni...og hlustaði á músíkkanta með gítara og fiðlur. Borðaði Hare Krishna mat og drakk jurtaseiði sem gera manni gott. Náttúran var í hávegum höfð...Englar og orkuvinna í margskonar formi..bækur kristallar og heilanir í öllum básum. Sumt mjög áhugavert en annað minna áhugavert fannst mér.  Hver velur fyrir sig hvað hentar. En upplifunin var sú að það er margt gott til í henni veröld.

help

Hjálpin þín er einhvers staðar til í þessum heimi.

Þú þarft bara að leita og finna hvað er fyrir þig.

En svo sannarlega er hún þarna einhversstaðar. ALLTAF.

Er núna að hlusta á yndislega söngkonu í sjónvarpinu ...hún syngur...

"Summer came like cinnamon...somehwhere....Whistling

Three little birds sat on my window and they told me I dont need to worry"!!!!

Ég hef ákveðið að trúa því.

 

 

 


Kosning á bestu ævintýrasögunni hafin..endilega verið með í að kjósa!!!

Þátttakan hefur verið með afbrigðum góð og það verður að segjast að hugmyndaflug bloggvina minna er með eindæmum frábært í einu orði sagt!!! Snillingar!!! Núna hvet ég alla til að kjósa...og setja atkvæði sitt hérna í athugasemdir...setjið inn nafn höfundar ævintýrisins sem ykkur finnst best hér..og annað kvöld þ.e mánudagskvöld verða úrslit ljós. Kærar þakkir til ykkar sem tókuð þátt..það er alltaf gaman að fara á flug með hugmyndafluginu sínu og sköpunargáfunni.

Vinningshafinn velur sér svo eftirprentun af einu myndverka minna í galleríinu hér við hliðina...og fær það sent með hraði.

Enn og aftur takk fyrir að taka þátt...og allir saman nú! Lesa og kjósa!!!!

 

 


Ævintýrasögukeppni fyrir hugmyndaríka bloggara!

galdramaðurdragon06200165164-001

51F5AFX81ML__AA280_spámaður10175986

10129101

Jæja mér fannst alveg kominn tími til að hafa ÆVINTÝRA sögukeppni meðal bloggara og hér eru 7 MJÖG spennandi myndir til að vinna með og leyfa hugmyndafluginu að fljúga. Keppnin stendur fram á sunnudagskvöld og svo verður kosið um besta ævintýrið á mánudaginn.  Verðlaun eru eins og áður eftirprentun af einhverri mynd úr galleríinu mínu hérna við hliðina.

Góða skemmtun.

ATH að ævintýrið þarf að vera í samræmi við myndirnar sem fylgja og helst í réttri röð en það er þó ekki aðalatriði.

 


Næsta síða »

Höfundur

Katrín Snæhólm Baldursdóttir
Katrín Snæhólm Baldursdóttir

 Maddama kerling fröken frú Katrín Snæhólm. Hef áhuga á öllu milli himins og jarðar og telst þá hvoru tveggja með. Himinn og jörð.

 

kbaldursdottir@gmail.com

 

 

 

 

 

Heimsóknir

Flettingar

  • Í dag (19.3.): 0
  • Sl. sólarhring: 1
  • Sl. viku: 8
  • Frá upphafi: 0

Annað

  • Innlit í dag: 0
  • Innlit sl. viku: 8
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • ...xoqlinc
  • ...x-o-
  • ...katrin_mynd
  • ...peru_3
  • ...peru_2
  • ...peru_786202
  • ...peru
  • ...usturv_llur

Innskráning

Ath. Vinsamlegast kveikið á Javascript til að hefja innskráningu.

Hafðu samband