Leita í fréttum mbl.is

Bloggfærslur mánaðarins, nóvember 2008

Í föðurlandið fyrir föðurlandið!!

Ég fékk lánað föðurland úr ull til að klæðast í dag þegar ég fór til að mótmæla á Austurvelli. Það var nístandi kuldi úti og eins gott að búa síg vel svo Kári kallinn klipi ekki of fast í lærin á konu með sínum ísköldu krumlum. Ég tók líka með mér pottlok og sleif og lamdi svo fast í pottlokið að sleifin brotnaði en það gerir ekkert til... ég á fleiri.

Ég ætla ekki að segja ykkur  hvern ég var að hugsa um að rassskella  þegar sleifin brotnaði en leyfi ykkur að geta sjálf.

Þar sem ég er andofbeldissinni og vil ekki sjá ofbeldi..mæli ég eindregið með því að fá útrás á pottlokum.

En talandi um ofbeldi þá finnst mér samt alveg nóg komið af ofbeldi gagnvart þjóðinni. Við þurfum nú að þola gífurlegt efnahagslegt ofbeldi, viðskiptalegt ofbeldi, félagslegt ofbeldi, andlegt ofbeldi og sumir jafnvel piparúðaofbeldi  og þegar við söfnumst saman á Austurvelli til að bera hönd fyrir höfuð okkar og hrópa laugardag efitir laugardag eins hátt og við getum þúsundum saman..."Ekki meir Geir..plís ekki meir Geir" þá beitir hann okkur bara enn meira ofbeldi sem er samskiptaofbeldi og skellir skollaeyrum við kröfum okkar.

Svo þorir sumt af því fólki sem er beitt öllu þessu ofbeldi alla daga árum saman ekki að mæta á Austurvöll af ótta við ofbeldi??  Ég verð að viðurkenna að ég botna ekkert í sumu fólki.

untitled8i

En föðurlandið gerði sitt gagn fyrir föðurlandið i dag og mig langar að smella brennheitum kossi á kaldar kinnar allra mótmælenda um leið og ég tek í kaldar hendurnar þeirra og þakka fyrir samstöðuna í dag. SMJÚTS!!Kissing

Einn góðan veðurdag í framtíðinni... já í sól og sumaryl minninganna...munum við geta horft til baka og verið stolt af því að hafa staðið saman í nístandi kuldanum og mótmælt órettlætinu og ofbeldinu. Og það sem meira er . Við munum geta horft framan í börnin okkar og barnabörnin okkar án þess að skammast okkar. Og þá skiptir ein skitin trésleif engu máli. Bara alls engu.


Slétt, brugðið, mér er brugðið og það er ekkert slétt né fellt í þessu þjóðfélagi.

Hér sit ég í hlýjunni við ljóstýru og prjóna af kappi.  Ég er að prjóna mér svarthvítan yrjóttan mjúkan trefil sem á að halda á mér hita í öllum mótmælunum sem framundan eru.

Skjaldborgin utan um Alþingi í dag klukkan 12 á hádegi, Mótmælin á Austurvelli  n.k laugardag og svo mótmælin mánudaginn 1. des á Arnarhóli klukkan 15.00   Eins gott að eiga góðan trefil fyrir allar þessar útisamkomur með vaknandi íslendingum sem vilja ekki láta koma fram við sig eins og fífl lengur.

Það er eitthvað svo róandi og gott við það að prjóna.  Það ólgar í maganum á mér byltingarúmba og hjartað slær taktinn við lýðræðisþránna og ég nota tímann til að láta hugann reika og hugsa mitt. Slétt brugðið, slétt brugðið.  Vinkona mín í englandi hringir reglulega til að athuga hvort ég hafi nokkuð verið handtekin. Hún hefur áhyggjur af þessu brölti mínu og segir það alvöru mál að reyna að koma ríkjandi stjórnvöldum frá. Ég brosi bara góðlátlega út í annað og segi henni að það sé engin hætta á að svona friðsöm húsmóðir eins og ég verði tekin af löggunni....ég standi bara með mitt mótmælaspjald og mótmæli friðsamlega þó það ólgi í mér óréttlætistilfinningin og reiðin yfir því hvernig farið hefur verið með þjóðina mína og mig. 

Hún segir að þeir safni af manni myndum og geymi..skrái vel og vandlega hverjir séu í andstöðu og hljómar bara eins og spennandi söguþráður í tékkneskri byltingarbíómynd.

Svo heyri ég af því að sumum bloggum sé lokað vegna tengsla þeirra við kjosa.is, Bjarni Harðar talar um ósýnilega valdaklíku á bak við framsóknarflokkinn sem stjórni þingmönnum og Sigurður Bankstjóri er sveittur í Lúx að reyna að kaupa og koma undan skilst mér. Leyndóin farin að leka út í samfélagið og spillingin augljósari með hverjum deginum og stjórnin situr sem fastast og ætlar engu að breyta...hlær með hroka að fólkinu og kallar það "ekki þjóðin".

Slétt brugðið, slétt brugðið. Eins gott að eiga góðan hlýjan trefil fyrir verkefnin framundan. Þau eru mikil og mörg og ein svona húsmóðir skiptir máli til að vekja upp lýðræðið..rétt eins og þú. Hver og einn sem skipar samstöðuna skiptir miklu máli. Svartur og hvítur yrjóttur trefill... það er gott að finna ylinn um hálsinn því nógu oft fer ískaldur hrollurinn niður eftir bakinu  þegar grímurnar falla og hið raunverulega andlit valdaklíkunnar kemur betur og betur í ljós.  

Slétt brugðið..slétt brugðið..

 


Hversu æpandi verður fjarvera ráðherra og þeirra alþingismanna sem boðið hefur verið á borgarafundinn í kvöld??

Það verður fróðlegt að sjá hverjir mæta til að tala við lýðinn og svara spurningum sem brenna á þjóðinni. Þar sem ráherrastólarnir verða merktir nöfnum þeirra verður fjarvera þeirra sem ekki mæta æpandi og segir vel hvað þeim finnst um að að tala við fólkið. Ég teysti því þó að Ingibjörg Sólrún verði á svæðinu þar sem hún hefur gefið þá yfirlýsingu út að nú verði að víkja sérhagsmunum Samfylkingarinnar til hliðar og setja fólkið í fyrsta sæti.

Mér finnst bara frábært þegar flokksforingjarnir viðurkenna það skammlaust upp í opið geðið á fólkinu sem kaus þau, að hagsmunir þeirra sjálfra komi ávallt fyrst og svo á neyðartímum verði kannski hugað að fólkinu og hagsmunum þess. 

Svo sagði hún líka að ef hún væri ekki ráðherra núna hefði hún sjálf mætt á Austurvöll til að mótmæla. Á maður ekki bara að hneygja sig fyrir vitfirringunni..myndi hún mæta til að krefjast afsagnar sinnar eigin ríkisstjórnar og halda uppi kröfu um kosningar í vor?? Er það það sem hún meinar??

Á meðan stendur hún í pontu á flokksfundi og segir kosningar ekki koma til greina og enn bólar ekkert á rannsóknum á spillingunni né þessari margumtöluðu ábyrgð sem ráðamenn segjast axla en gera þó ekki. Því á endanum eru það verkin sem tala..ekki bara tungan. Mig svimar!!

Mætum öll og verðum vitni að því hverjir vilja við fólkið tala og hverjir ekki. Hákskólabíó í kvöld klukkan 20.00 .

 


Skoðið þetta.

www.iceland-calling.this.is

 


We, the People of the Republic of Iceland in this period of economic turmoil and near national bankruptcy, declare to the International Monetary Fund, to the Central Banks of all our neighbouring countries and to their respective governments, that it is not in the interest of the people of Iceland that our current government receive loans from anyone.

It is precisely because of corruption in government and severe mismanagement of economic and monetary policy, that Iceland is now in such a sad and shameful position. Since we believe that a more politically accountable and civilised government is now crucial in order to ensure an effective implementation of economic recovery and reconstruction, a change has to be made in government to restore trust and credibility, domestically as well as internationally.

We are working hard to press for early elections and are convinced that they will result in a new government followed by a new professional governance structure.

Until then,

Please do not deliver the money.

MOVEMENT FOR A NEW REPUBLIC IN ICELANDsee the signatures
Við, íbúar íslenska lýðveldisins,
á þessum tímum efnahagsþrenginga og yfirvofandi gjaldþrots þjóðarinnar, viljum koma því á framfæri við Alþjóðagjaldeyrissjóðinn, Seðlabanka grannþjóða Íslands og ríkisstjórnir þeirra að það sé ekki til framdráttar fyrir íslensku þjóðina að núverandi ríkisstjórn taki við lánsfé ykkar.

Vegna spilltra innlendra stjórnmála og óstjórnar efnahags- og peningamála stöndum við nú andspænis þessum efnahagsþrengingum. Við trúum því að stjórnmálaleg ábyrgð og siðleg stjórnsýsla séu frumforsendur þess að hér komist á raunverulegur efnahagsbati og ný skipan fjármála. Til þess þarf að skipta um ríkisstjórn svo endurvekja megi traust og trúverðugleika bæði innanlands og utan.

Við krefjumst þess að kosningar verði haldnar sem fyrst og við erum sannfærð um að þær leiði til nýrrar og bættrar stjórnskipunar. Þangað til,

Vinsamlegast afhendið ríkisstjórn Íslands ekki lánsfé.

HREYFING FYRIR NÝJU LÝÐVELDI Á ÍSLANDI

 

 


Sorglega táknrænt fyrir lýðræðisást íslendinga?

spiegelman_artÞað eru fjúkandi fréttir um allan bæ og allan heim að ísland sé eitt siðspilltasta vestræna samfélagið..menn gapa yfir augljósum siðferðisbrestum ráðamanna og bankamanna hér á landi og skilja ekkert í því að við hin íslenska þjóð skulum láta þetta yfir okkur ganga. Að heil þjóð sem stendur frammi fyrir gjaldþrotahrinu, veðsetningu framtíðar sinnar, barna og barnabarna skuli ekki vera búin að gera byltingu og krefjast réttar síns og lýðræðis.

í dag þegar við stóðum hönd í hönd í kringum alþingishúsið og náðum ekki allan hringinn var það sorlega táknrænt fyrir hvernig komið er fyrir okkur íslendingum. En ég tek líka ofan fyrir þeim sem þó mættu. Alvöru fólk!!HeartElska ykkur öll.

Ég var með sorg í hjarta yfir því hvað við vorum fá og að það séu ekki fleiri sem eru tilbúnir að taka höndum saman til að standa vörð um eitt það mikilvægasta sem við eigum sem þjóð...Lýðræðið!!!

Að við sitjum frekar heima og röflum ofan í kaffibollana yfir því að það sé verið að ræna okkur öllu sem skiptir máli. Heimilum okkar, öryggi, atvinnu, mannsæmandi lífi og framtíð næstu kynslóða. Gera okkur að þrælum fjárglæframanna og spillingarelítu og við sitjum bara máttlaus hjá og höggumst ekki. Hvað þarf til að vekja svo sofandi þjóð??

Frakkaklæddu karlarnir og konurnar í drögtunum sem gengu framhjá í dag á leið í sinn fína hádegisverð brostu hæðnislega þegar þau gegnu framhjá okkur og flýttu sér að líta undan þegar við hvöttum þau að standa með okkur. Þau koma kannski þegar þau eru orðin svöng og komin nær þeim raunveruleika sem bíður okkar. Líka þeirra raunveruleika ef það verður áframhald á þessu ógnarástandi sem nú blasir við. Þá verður ekki spurt um frakka eða dragtir. Við munum nefninlega öll sitja í sömu súpunni og súpa rammt seyðið af göróttum valdníðsludrykknum sem svæfði okkur svona fast.

f929-magritte~Le-Chef-d-Oeuvre-Posters

Það er ekki nóg að blogga eða rífast á kaffistofum landsins...við verðum að gera okkur sýnileg og standa saman.

Já ég ber sorg í hjarta yfir örlögum þjóðar. en neita sem fyrr að gefast upp fyrr en í fulla hnefana. Þarf bara að horfa framan í börnin mín meðan ég set á mig húfuna og vettlingana og tek mér stöðu með framtíð þeirra gegn ömurlegri framtíðarsýn. 

Ef okkur auðnast ekki að nota tækifærið NÚNA til að gera raunverulegar breytingar sé ég ekki að það komi tækifæri til þess þegar við höfum gefið frá okkur auðlindirnar og sálina okkar af því að við nenntum ekki að taka ábyrgðina margumtöluðu til okkar og standa vaktina um lýðræðið.

Þá eigum við framtíðina skilið.

Eins sorglegt og það nú er

En ef ég rígheld í vonina um að okkur sé viðbjargandi... get ég sagt sjálfri mér að fólk hafi verið að spara baráttukraftinn fyrir laugardaginn og þá munu a.m.k 50.000 íslendingar skunda á Austurvöll og halda merkjum sjálfsvirðingar okkar á lofti og krefjast þess sem okkur ber.

Tíminn einn mun leiða það í ljós...það eina sem við eigum nú eftir er lítið vonarbrot sem verður VONANDI að stóru björtu lýðræðisbáli!!!!

p.s hér getið þið séð myndband frá gjörningum í dag  www.oktober.blog.is


Sláum skjaldborg um lýðræðið..Þetta verða ALLIR að lesa!!!

Kem ekki skjalinu hér í færsluna en hún er hér efst í athugasemdum.

Kæru landar. Þetta verðum við öll að skoða vel og sjá hvað við getum gert.

Mætum öll fyrir utan alþingishúsið í dag klukkan 12.00 og stöndum vörð um lýðræðið. 


Stórkostlegur Borgarafundur á Nasa í kvöld..næsta mánudag fyllum við Háskólabíó!!

Gunnar Sigurðsson leikstjóri sem hefur borið hitann og þungann af Borgarafundunum hvatti fjölmiðlamenn sem sátu fyrir svörum borgaranna í kvöld til að ljá okkur rödd og hjálpa okkur að fylla Háskólabíó næsta mánudag. Hann krafðist þess líka að þangað mættu ráðherrarnir.. þeim hefur verið boðið  á alla fundina hingað til en ekki látið svo lítið að koma og tala við okkur fólkið í landinu.  Í kvöld mættu einungis 2 eða 3 þingmenn. Þetta er fólkið sem er í vinnu hjá okkur og það minnsta sem þau geta gert er að TALA VIÐ OKKUR UM FRAMTÍÐ OKKAR OG BARNANNA OKKAR. Þau fá tækifæri næsta mánudag til að sýna okkur að þau hafi áhuga á því sem við höfum að segja og svara brennandi spurningum okkar.

Vonandi sjá fjölmiðlar sóma sinn í að útvarpa og helst sjónvarpa frá þessum fundum beint...enda á sú umræða sem þarna fer fram erindi til allrar þjóðarinnar. 

Við erum að lifa mjög mikilvæga tíma núna og við eigum öll að taka þátt í að móta stefnu þjóðarinnar og taka okkar ábyrgð á því að svona valdhafar sem hafa níðst á lýðræðinu hrökklist frá völdum og fái aldrei aftur tækifæri til að sýna svona vítavert gáleysi eins og þau hafa sýnt undanfarin ár.

Þessi ótrúlega samstaða fólksins sem er nú að verða til er tæki sem við getum notað til að ná valdinu okkar til baka. Við erum valdið og valdið er okkar. Ekki þeirra.

www.borgarafundur.org

Og mig langar að ÞAKKA Gunnari og hans fólki fyrir framtakið sem og Herði Torfasyni fyrir sitt framlag. Við þurfum svona fólk sem þorir og gerir hlutina af því að það er eins og við hin búin að FÁ NÓG!!

 


Mætum öll á borgarafundinn í kvöld og heyrum hvað fjölmiðlamenn hafa að segja um sína ábyrgð.

Í kvöld klukkan 20.00 verður borgarafundur á Nasa og við skulum öll mæta.

Ein spurning sem borin var fram í útvarpinu í dag fangaði athygli mína..Hún var þessi.."Þegar talað er um vanhæfi fjármálaeftirlitsins, Bankastjórnenda, Ríkisstjórnar, alþingis og fjölmiðla  hvernig stendur þáá að það gleymist að spyrja um dómarana sem flestir hafa verið skipaðir af Dómsmálaráðherranum??

Eru engar efasemdir uppi um hæfni þeirra og hvernig/hvort þeir vefast inn í spillingarnetið?

Og eitt enn...eftir svona fjöldamótmæli þúsunda íslendinga eins og fram fóru á Austurvelli  sl laugardag þar sem gerðar voru skýrar kröfur um afsögn ríkisstjórnarinnar og fleiri...væri það þá ekki í rökréttu samhengi að fréttamenn í kjölfar frétta af svona stórum mótmælum leggðu spurningar fyrir ráðherrana um þessar kröfur fjöldans og hvernig þeir hyggist  mæta þessum vaxandi mótmælum gegn þeim??

Sjáumst á Borgarafundinum á eftir...gefum ekkert eftir núna!!!


Næsta síða »

Höfundur

Katrín Snæhólm Baldursdóttir
Katrín Snæhólm Baldursdóttir

 Maddama kerling fröken frú Katrín Snæhólm. Hef áhuga á öllu milli himins og jarðar og telst þá hvoru tveggja með. Himinn og jörð.

 

kbaldursdottir@gmail.com

 

 

 

 

 

Heimsóknir

Flettingar

  • Í dag (19.3.): 0
  • Sl. sólarhring: 1
  • Sl. viku: 8
  • Frá upphafi: 0

Annað

  • Innlit í dag: 0
  • Innlit sl. viku: 8
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • ...xoqlinc
  • ...x-o-
  • ...katrin_mynd
  • ...peru_3
  • ...peru_2
  • ...peru_786202
  • ...peru
  • ...usturv_llur

Innskráning

Ath. Vinsamlegast kveikið á Javascript til að hefja innskráningu.

Hafðu samband