Leita í fréttum mbl.is

Bloggfærslur mánaðarins, mars 2008

Hvað gerir kona þegar hana dreymir...bara spaða til að byrja með???

Dreymdi skrítinn draum síðastliðna nótt eftir tilfæringar við andann um að gefa skýr skilaboðin í gegnum nóttina.

Spákona hringir og skipar konu í spá. Kona kemur og fær eintóm spaðaspil sem kunna engri lukku  að stýra. Kona fær hroll og hlykkjar sig í hnút. Spákona skipar svo konu  að draga tvö spil sem koma upp sem tígul tvistur og tígul nía.  Þegar í gegnum tígultvennuna kemur... raðast upp hjartaspilin og fylla herbergið...allt er dásemdin ein. HeartHeartLífið er lotterí segir hún og brosir. í gegnum tígultvennuna verður allt rétt.

Þetta gerist allt í draumnum eina..En morguninn eftir sækir kona í spákonu eftir mjög skrítnum leiðum sem segir farir sína eigi sléttar. Spákona hlær og segist fullviss um að..."Spaðar tákni að  allt sé fast...og hafi verið í 5 mánuði.... en tíglar opni leið fyrir hjartað.Heart

Og allt opnast og kona er í frjálsu falli beint inn í hamingjunnar vef. Að tvisturinn og nían tali fyrir alheiminn og samanlagt telji þau ellefu sem sé mastertala konu í lífinu.  Allt sem sagt í takt við hið eina sanna".

Og á morgun muni allt verða ljóst ....en ekki hvað??? 

kærleiksandiKona hugsar sitt og leggur svo á og mælir með að sannast muni hennar forkveðna vísa...

 

Góðum gægist velvild allra heima.

 

Annað augað opið fyrir góðsemi veraldar og  kærleiksríku gagni... en lokað auga muni eigi sjá allt það góða sem að því ber.

Hafið augun opin  kæru bloggvinir um allt það góða sem fer framhjá ykkur hvern einasta dag.

Hjarta, spaði , tígull eða lauf???

Eða eins og Steinn Steinar sagði...

??????? Sideways

 

 

 

 


Blogglágdeyða...eða bara andleysi.

Talula-Print-C10212452Alveg heilmikið að frétta  og margt skemmtilegt sem sem væri vert að blogga um...en ég bara er ekki alveg í rétta bloggstuðinu til að segja þannig frá því að það væri skemmtilegt að lesa. Svo ég sit bara hjá í bili.

KissingHeartSidewaysHeartSleepingHeartSidewaysHeartKissing

 


Hin óspilaða tónlist....

silvanoaudis070200047Hér máttu semja lag eða ljóð um hvað sem þér dettur í hug. Jafnvel setja inn ósagða sögu af lífinu.

Núna þegar páskarnir ganga í garð og nógur tími til að anda hvíla sig og hugsa..þá er nú oft gott og gaman að setjast við sköpun og skriftir.

Ég sit hér og bíð eftir að hárið á mér þorni eftir yndislega gott morgunbað svo ég geti haldið áfram að undirbúa fermingu sonarins sem verður núna annan í páskum.

 Það er bara ekkert á To Do listanum!!! Gasp

Ég bara hlýt að vera að gleyma einhverju??? Það er ekkert normalt að vera búin að öllu og varla byrjuð að gera neitt???

t151aliendolphin

Ætla allavega að bruna og sjá "Þakflísarnar" hennar Zordísar sem eru svo skemmtilega fallegar og litríkar á Föstudaginn Langa í Þorlákshöfn. Og sjá hana Zordísi sjálfa líka með eigin augum. Mikið hlakka ég til!!

Þið getið séð hana Zordísi hérna til hliðar hún er á bloggvinalistanum mínum og það er þess virði að skreppa til hennar og skoða dásamlegu listaverkin hennar.

Hef hingað til bara hitt hana í draumum og á ferðalögum til annarra pláneta sem gera yngismeyjum eins og okkur það kleift að hittast í andanum og draumnum. Og tala saman á ósýnilegu tungumáli sem búið er til úr orkustraumum.

Í guðanna bænum ekki gleyma samt að skrifa sögu eða ljóð þó ég hafi farið að tala um ferminguna og sýninguna þarna á milli. Sköpunin er aðalatriðið!!!  Ykkar sköpun.

Þegar maður byrjar að virkja sköpunarkraftinn eru engin takmörk fyrir því hvað er hægt að búa til. Trúið mér.  Veröld hinna ótakmörkuðu möguleika er okkar. Hér og nú.

Og ekkert krepputal eða neikvæðnishjal.

Lífið er okkar megin. InLove

 


Að skora körfu hjá sjálfum sér...

sb10065238i-002Eins og ég er búin að hoppa og skoppa síðan ég kom...og ekki skorað eina einustu körfu hjá sjálfri mér þá held ég að núna sé ég komin yfir í leiknum. Fimm tvö fyrir mér. Hafið þið lent í því að skutla boltanum í átt að körfunni og það kemur einhver illgjarn náungi ...nú eða illgjörn kvensa.... sem færir alltaf körfuna svo þið hittið ekki í mark??? Svoleiðis er ég búin að vera langa lengi...alltaf að tala sjálfa mig inná leikreglur sem henta mér engan veginn.  En í dag hitti ég ..og ekki bara einu sinni heldur nokkrum sinnum. Svo núna þarf ég að sofa og dreyma um bestu hugsanlegu útkomuna sem er í takt við soundið þarna fyrir innan.

Hef það á tilfinningunni að einhvern næstu daga skori ég körfuna sem segir...MARK!!! Svona karfa sem tikkar í öll boxin og lætur mér líða eins og heima hjá mér.  Hvernig getur maður gert eitthvað sem er ekki maður sjálfur?? Girl-on-a-Bridge-Print-C10279309

 Einu sinni var kona sem var bara svona.......kjéddling sem lagði land undir fót og fór að finna fjársjóð sem hún taldi falinn fyrir utan sinn eiginlega dvalarstað.

Hún hitti á ferð sinni alls kyns kynjaverur og furðufugla sem sögðu henni  furðusögur, ævintýri  og ljóð um lífið og þess margbreytilegu myndir....opnuðu læstar dyr og dönsuðu í takt við himintunglin. 

Sendu hana svo heim til sín og sögðu að fjársjóðurinn sem hún væri að leita af væri kannski bara í hennar eigin hjarta.Heart

Kona kíkti þar inn og fann að hún á heima hér. Í sér. Svo hún tók niður  GULA túrista hattinn og lagði leið sína yfir brúna sem brúar bilið milli þess er og verður. Berfætt og óhugnanlega bjartsýn.

Hvað sem það nú er eða verður, bara verður á þessari gulu leið ljóss og friðarsúlu.

Draumur i dós eða lítið leiðarljós.... á lífsins göngu.

Svoleiðis er nú það. Farin í bað!!!

 

 


Alheimurinn smellir ljúfum kossi á kinn....

100_323973459356Svona líður mér í dag..og trúi því einlæglega að sumarið sé komið, læt glepjast af sólinni fyrir utan gluggann minn og horfi bara nógu hátt til að sjá ekki snjósletturnar hér og þar. Er komin í Mary Poppins skóna mína og ætla að halda í leiðangur alkomin heim. Loksins!!!

Hitti mann í gær sem er dularfullur orkukall sem sagði að ég hefði gleymt að lenda á fótunum þegar ég kom aftur heim og tengdi mig svo við alíslenska jörð. í gegnum klakabrynjur og gangstéttahellur hafa nú ræturnar fundið sitt og krækt sér í glóandi eldhnullunga þarna niðri og orkan í mér eftir því.

Og ég er orðin ég og þarf núna að skjótast og kíkja á fermingarservíettur og eins og eitt krúttlegt kaffihús þar sem ég ætla að skrifa lista yfir alla þá sem vilja gefa mér péning meðan ég drekk kaffið mitt. Sko í skiptum fyrir dolltið sem ég ætla að gera. Svona orkuskipti..ég vinn og þú borgar. Getið svo notað helgina í að velta fyrir ykkur verkinu eða vinnunni..hehe.

Alltaf gaman að labba með Mary Poppins......því eitt er víst,og það er að hún ratar alltaf í stjórnlaus ævintýr sem enginn getur séð fyrir og hver veit hvar ég enda þennan alheimsdag eftir ferð um sólríka borg með brúnar silkireimar í brosandi galdrakonuskóm.

Knús!! 

 


Athugun 22

sb10065369c-001Hvað dettur þér í hug þegar þú sérð þessa mynd??

Hugmyndir, sögur og ímyndir færast í athugasemdir. 


Svona á að vera og gera...Frábær Öldubrjótur!!!

Um daginn þegar ég var að lesa Hugmyndabókina mína..er ekki enn búin að skrifa neitt á auðu blaðsíðurnar..fékk ég góða hugmynd. Reyndar búin að bubbla í maga mínum og kolli lengi, einhvers konar ímynd af því til hvers og hvernig stjórnmál og stjórnmálamenn ættu að vera. Sá fyrir mér að í stað þess að flokkarnir standi og þylji yfir almúgann hvað þeir muni gjöra, og lofa að ef þeir verði kosnir þá muni þeir gera hitt og þetta fyrir okkur. Og við sitjum og bíðum og verðum fyrir vonbrigðum stundum eða gleymum því sem lofað var eins og þeir. Treystum þó því að þegar hlutir eru framkvæmdir þá séu þeir gerðir á bestan hugsanlegan máta með okkar hag að leiðarljósi en það er þó því miður ekki alltaf raunin.

Mér finnst hinsvegar að hlutverk kjörinna fulltrúa þjóðar eigi að hafa það hlutverk að tala kjark og hugrekki, sköpun og framkvæmdagleði í þjóð sína svo hún megi gera margt af því sem þarf að gera sjálf og eins og henni þykir best og hagkvæmast.

Frábært dæmi um þetta heyrði ég svo í fréttunum í fyrrakvöld..þegar þar var tekið viðtal við  konur sem vinna við umönnun aldraðra. Þær  hafa stofnað samtökiin eða félagið Öldubrjót.  Öldubrjóturinn hefur þann tilgang að þjálfa og kenna útlenskum konum að verða virkir þátttakendur í  íslensku atvinnulífi. Ekki bara með því að geta talað íslenskuna betur..heldur með því að læra um bakgrunn og menningu, tónlist og fleira sem gefur þeim betri og sterkari tengingu og skilning á starfi sínu í umönnun aldraðra og betri tengsl við þessa þjóð sem er nú heimaland þeirra. Þetta gerir það líka að verkum að gamla fólkið okkar fær umönnun og samskipti sem gera því líka gott og þörfum þeirra er betur mætt. 

10129528

Stelpurnar sem vinna við þetta alla daga..sjá og vita hvað þarf og hvernig hægt er að leysa málin á sem bestan hátt fyrir alla. Þarna eru þær að mæta á faglegan hátt þeim vanda sem skortur á starfsfólki hefur verið. Þarna verður til gagnkvæm virðing og hjálpsemi og samstaða um að gera vel á þessum vetvangi sem þarfnast svo fleira starfsfólks svo vel megi vera. 

Þegar ein þeirra var spurð af fréttamanni..."En er þetta ekki hlutverk stjórnvalda að gera  þetta sem þið eruð að gera", svaraði hún.." Nei ekkert endilega...Við erum grasrótin og sjáum hvað þarf að gera þar sem við lifum og hrærumst í þessu umhverfi og vitum því betur hvað og hvernig best er að hafa hlutina og okkur finnst bara gott að geta lagt okkar af mörkum. Í samfélaginu þurfum við öll að vera með"

NY1~Doors-of-New-York-Posters

Og auðvitað á hlutverk stjórnvalda  m.a að vera það að styðja við og virkja svona flotta vaxtarsprota sem verða til þar sem þeirra er þörf. Ég tek ofan fyrir ykkur sem sköpuðuð Öldubrjótinn....og veit að hann á eftir að gera meira en að kljúfa ölduna..sé fyrir mér marga múra verða klofna af fólki eins og ykkur. Og það er málið. Að brjóta niður múrana og byggja svo brýr á milli í staðinn. Það er alvöru samfélag og þar sem sköpunarkraftur og vit þjóðar fær að njóta sín. Að hugarfarið einkennist ekki af uppgjöf og vanmætti þegar staðið er frammi fyrir vandamálum eða nýjum verkefnum heldur baráttu fyrir að finna lausnir sem virka. Og gera það svo bara!!!

Næst er svo að finna lausn á launamálum þessara hópa.

 Það var þessi frétt sem gladdi mig svo...var einhvernveginn alveg í réttum anda fyrir nútímaþjóðfélag og fólk sem gefst ekkert upp.

Og kannski er einhverskonar hugmynd/tilfinning að verða til um að á endanum þurfum við ekki að treysta einhverjum öðrum þarna úti fyrir velferð okkar og framþróun heldur sé það í okkar hendi..og það er góð tilfinning.  Auðvitað þurfum við einhverskonar stjórnsýslu en meginhlutverk hennar ætti að vera að virkja þjóð sína á jákvæðan hátt, tala í hana kjark og þor, gefa henni pláss til að skapa sitt samfélag og hafa pláss fyrir fullt af svona Öldubrjótum.

Það eru svo margir möguleikar og margar leiðir hægt að fara sem opna dyr að betri útkomum. Virkjum sköpunarkraft og hugmyndaauðgi. Það eru mestu auðævin!! 

 

 


Þegar ég vaknaði í morgun og sá hversu bjart var orðið úti.....

spiegelman_art....vakti það upp ljúfsárar minningar um lestur morgunblaðanna í logni í garðinum græna, svo ég settist á steintröppurnar hér fyrir utan húsið og ákvað að njóta útiverunnar og lesa blöðin um leið.

Það gekk ekki.

Þið sem búið í versturbænum getið hinsvegar gripið fjúkandi fréttir á flugi og lesið meðan þið bíðið eftir strætó í mínu boði!!

En birtan er að aukast og það er nú aldeilis frábært. Maður getur ekki heimtað allt. Bæði birtu og logn samtímis..ehhh?? 

Hvernig ætlar svo fólk að nýta sér lengri daga og meiri birtu?

P.s Þarf svo að blogga um eina flottustu frétt sem ég hef heyrt í langan tíma. Hún fjallar um viðhorf sem er um breytingar..mikilvægar breytingar og alveg í samræmi við mínar hugmyndir um pólitík og samfélag. Meiriháttar en verður að bíða um stund þar sem ég er aðeins upptekin í dag. 

 


Er ég eina manneskjan sem er enn...

...að fíla veðrið???

Winter


Hver vill ráða fortyfouryearold clever kvennskörung með meiru í atvinnu?

Sungið með tilþrifum eins og SJARMATRÖLLIÐ Egill Ólafsson gerir þegar hann syngur"Hver vill elska 49 ára gamal mann" eins og það sé eitthvað vandamál með það??? Getur bara ekki verið ..hann er fjallmyndarlegur og flottur. Ég er hins vegar yngri og er ekki beint að syngja einhverja dramasöngva um það að vera ekki enn búin að veiða nokkur vinnutilboð í netið mitt. Það er silfrað með gimsteinum og bjöllum á og ætti nú að laða að starfsmannastjóra eða auðmennskustjórnun..eða var það mannauðsstjórnun?

 sb10065332l-001

Reyndar eru nú forvitnilegar uppástungur alheimsins að bulla i pottinum sem ég geri gúllassúpuna góðu alltaf í. Þessi appelsínu guli emeleraði pottur með eyru á við forvitið barn klikkar aldrei! Þegar honum var orðið heitt í hamsi af því að standa a hellunni hjá mér og hlusta á mig gráta yfir örlögum mínum sem misskilins snillings og að það vildi mig bara enginn því ég væri bæði ljót og gömul skellihló hann hátt og sagði.."Iss eins og það sé nú allt Katrín mín...það er líka hlegið að þér í kringum alla tjörnina. Og ég sem hélt að endurnar héldu eilífri tryggð við mig eftir allt sem ég hef kennt þeim. Það voru ekki þær sjalfar sem fundu upp á því að stinga höfðinu í kaf og veifa stélum. Ó nei!!!

Ég elska oftast svona hjartahlýja potta en núna fannst mér hann ljótur á litinn og eyrun á honum alltof stór.....svo ég hækkaði vel undir hellunni þar til hann var sko farinn að svitna. Verst að ég er ekki enn með gasið..þá hefði ég bara hratt og vel steikt hann. Og hugsaði um leið um hina spurninguna.."Hver vill elska 49 ára gamlan mann...eða vinna með 44 ára snar-ungri konu??

                                                                                                                                                                                                  Lífið Lífið er bara ekki ekki sanngjarnt. O víst. Ó nei. Jú víst. Og hver segir það. Ég segi þaðmonalisa

Tók mér smá tíma og hugsaði mig betur um..alltaf gott þegar maður er næstum kominn á bömmer að hugsa. Skoðaði og skilgreindi alla þætti og hugsaði meir.  Svo gerðist það!!!  Svarið kom í gufumekki frá bullandi heita pottinum sem nú var farinn að stunda og snökkta undan heitu hellunni..í gufunni sem lagðist þétt utan um höfuð mér varð ég þess áskynja að það er ástæða fyrir því að ég hef ekki enn fundið starf við mitt hæfi.

Ég geri kannski bara aðeins of miklar kröfur. 

60.000 millur fyrir að byrja hjá þeim, 120 millur fyrir að hætta og svo vil ég flotta árshátíð í Arabíu og gott grill í Grikklandi og frjálsan vinnutíma. Og frí þegar ég þarf að gera annað. En ég var einmitt að reyna vera svo hógvær og vinna af tómri hugsjón á þessum leikskóla sem ég sótti um á. Börnin eru mesti fjársjóðurinn er það ekki..og eru þá ekki bestu launin þar???

Mér fannst þetta bara svo augljóst eitthvað. Borgað samkvæmt mikilvægi. Á morgun sæki ég um  hjá Elliheimilinu eða sjúkrahúsunum. Þar eru líka mjög mikilvæg störf unnin og örugglega rosavel borgað. Ég bara trúi ekki öðru.  Ef þetta virkar ekki verð ég bara einyrki og yrki ljóð um eina konu sem was to old for the monny og of UNG til að elska 49 ára gamlan mann...

 

Þetta var svona ímyndaður miðnæturblús konu sem gæti alveg hafa hugsað svona, en gerði það ekki því hún veit sem er að það liggur í loftinu, læðist um fætur hennar  og það hvísla því litlir fuglar að nú er eitthvað að gerast. Bíðið bara karlar og kerlingar. Á morgun!! Á morgun!! 

Á morgun hef ég lært að lifa eins og Lindin tandurblá...þolinmóð og alveg grafkyrr. Og Djúp auðvitað.

Ertu búin að lesa alla leið í gegnum þessa  skrítnu færslu þú frækni bloggari?? Innilega til hamingju með það.

þá bara verður þú að koma og fá þér eitthvað hressandi í athugasemdunum. Þarft bara að skilja eftir þig spor og spurningu en færð að launum tvo sæta kossa fyrir nennuna.KissingKissingog hugrekkið.

 

 


Næsta síða »

Höfundur

Katrín Snæhólm Baldursdóttir
Katrín Snæhólm Baldursdóttir

 Maddama kerling fröken frú Katrín Snæhólm. Hef áhuga á öllu milli himins og jarðar og telst þá hvoru tveggja með. Himinn og jörð.

 

kbaldursdottir@gmail.com

 

 

 

 

 

Heimsóknir

Flettingar

  • Í dag (19.3.): 0
  • Sl. sólarhring: 1
  • Sl. viku: 8
  • Frá upphafi: 0

Annað

  • Innlit í dag: 0
  • Innlit sl. viku: 8
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • ...xoqlinc
  • ...x-o-
  • ...katrin_mynd
  • ...peru_3
  • ...peru_2
  • ...peru_786202
  • ...peru
  • ...usturv_llur

Innskráning

Ath. Vinsamlegast kveikið á Javascript til að hefja innskráningu.

Hafðu samband