Alls ekki setja hér inn bestu hugmyndina ykkar um nafn á Tónlistarhúsið..

..því ég gæti átt það til að stela henni og senda inn í keppnina og vinna hana. Það væri nú ekki skemmtilegt fyrir ykkur hugmyndasnillingar að láta bestu bloggvinkonu ykkar stela hugmyndinni og hirða verðlaunin..ha???

Er búin að raða í kringum mig alls konar sniðugum orðabókum, tilvitnanabókum og óskrifuðum blöðum ásamt því að búa til orðagaldrapott og það bullar og sýður í honum hugmyndasúpan ...og aldrei að vita hvenær það sýður uppúr!!! Sko annað hvort er maður með eða ekki. Ekkert hálfkák á þessu heimili.

Þar til verðlaunanafnið er komið verður að vera bloggpása meðan konu dreymir dýrðarnafn sem mun daðra fallega við  menningarlega heimsbyggðina .

 

 

 

 

 

 

En ef þið lumið á snilldarnafni sem ykkur langar alls ekkert að nota og vitið að það er vinningshugmynd, þá getiði alveg sett hana hér í athugasemdirnar.

Og þið hin..ekki voga ykkur að taka neitt úr mínu athugasemdakerfi sem er ekki ykkar.

Þá gæti mín orðið reið...hviss!!! 

Athugasemdir

[www.zordis.com, 26.2.2008 kl. 19:31]

Er hugmyndaboxið autt .... ætla allir íslendingar að vinna ??

Ætla að galdra til þín nafn

[Marta B Helgadóttir, 26.2.2008 kl. 19:56]

....þetta var mín tillaga.

[Hugarfluga, 26.2.2008 kl. 20:16]

Ég segi ekki orð. Ekki múkk. Ekki staf. Ekkert.

[Ásdís Sigurðardóttir, 26.2.2008 kl. 20:34]

Ég er búin að senda inn þú færð ekki að vita það fyrr en ég vinn.

[Ásthildur Cesil Þórðardóttir, 26.2.2008 kl. 21:34]

Skal hugsa málið, er hugmyndasamkeppni í gangi ?

[Ágúst H Bjarnason, 26.2.2008 kl. 22:53]

Ég skal segja þér nafnið. Skrifa það á dulmáli svo enginn sjái það nema þú sem kannt að lesa spegilskrift:   ónóT       Ekki segja neinum.

[Katrín Snæhólm Baldursdóttir, 26.2.2008 kl. 22:56]

Já Cesil mín..ég sá auglýsingu þar sem auglýst er eftir nafni á Tónlistarhúsið sem verið er að reisa. Það eru 4 skilyrði..

Nafnið þarf að hafa rætur í íslenskunni en um leið að vera auðvelt fyrir útlendinga að segja og svona international..

Vera lýsandi fyrir að þarna fari fram tónlistarhald og ráðstefnur og um leið að vera hús fólksins.

Skilafrestur er ti 1. mars  hægt að senda e mail á portusgroup.is

 Held ég sé alveg örugglega með e mailið rétt, ef ekki vinsamlegast leiðréttið mig.

Já best að sofa á þessu og sjá hvort það poppi ekki upp einhver góð tillaga.

[Katrín Snæhólm Baldursdóttir, 26.2.2008 kl. 23:10]

Mér skilst að það fái bara margir einhver verðlaun og allir hinir viðurkenningu..Svona "já elskan..þetta var nú alveg glötuð hugmynd en þú færð svona skjal fyrir að vera með dúllan mín til að hengja upp á vegg"

En segðu okkur í alvöru..finnst þér líklegt að útlendingar geti borið þetta orð fram og sjái fyrir sér tónleikahöll fólksins á Norðurhjara um leið Katrín mín???

Dryndjanditónafólkshöllinviðsæinnsunnanviðvesturbæjarlaugina??

[Ía Jóhannsdóttir, 26.2.2008 kl. 23:16]

Fann nafnið í hvelli þegar ég sá myndina í Mbl. Húsið lítur út að utan eins og hænsnanet!  Hræðilegt á að líta. Vona svo sannarlega að þetta hafi verið mistök í prentuninni.   

[Ía Jóhannsdóttir, 26.2.2008 kl. 23:19]

Nafnið er þess vegna enn að veltast fyrir mér.  Finnst það ekki viðeigandi fyrir Tónlistahús Reykjavíkur

[Katrín Snæhólm Baldursdóttir, 26.2.2008 kl. 23:27]

Það er alveg nauðsynlegt að hafa myndina fyrir framan sig..þetta er ekkert smá hús og verður spennandi að sjá hvernig það mun sóma sér þarna. Hlakka líka til að sjá útfærslu Elíasar Ólafssonar listmanns á útlitinu...!!

Ágúst...ég las speglaskriftina og sé að þetta er The Name!!!!

[Katrín Snæhólm Baldursdóttir, 26.2.2008 kl. 23:28]

Já eða hinns listamannsins hans Ólafs Elíassonar..ehhh.

Örugglega ekki síðri útfærsla..

[Jenný Anna Baldursdóttir, 27.2.2008 kl. 09:13]

[Katrín Snæhólm Baldursdóttir, 27.2.2008 kl. 10:05]

Og ef þið eruð að springa úr hugmyndum þá er líka verið að leita að góðu slagorði fyrir bókasöfnin..skilafrestur til 20 mars.

Aldrei er lestur bestur nema þegar hann er sestur!!!

[Steingerður Steinarsdóttir, 27.2.2008 kl. 10:08]

Mér finnst að við ættum að finna eitthvað flott óskiljanlegt nafn úr goðafræðinni til dæmis Bilskilnir.

[Katrín Snæhólm Baldursdóttir, 27.2.2008 kl. 10:48]

..Steingerður nafnið þarf líka að beygjast ljúflega og vera þjált..."Ætlar þú á tónleikana í Bilskilni í kvöld"??

Tillaga Jennýar()er alveg í áttina..Nafnið þarf í raun að vera einhverskonar hjarta sem slær og úsar frá sér einhverju sem lyftir andanum og dregur að sér fólkið með hlýjunni..líka alla leið frá útlöndum. 

[Steinunn Helga Sigurðardóttir, 27.2.2008 kl. 11:58]

gangi þér vel að finna töfranafnið !!!

Bless í daginn kæra kona

steina

[Ibba Sig., 27.2.2008 kl. 12:46]

Rofl, Ágúst, þetta fannst mér fyndið. Þú rokkar!

[Jóhann G. Gunnarsson, 27.2.2008 kl. 12:54]

http://baggalutur.is/skrif.php?t=9&id=1409

Baggalútur er búinn að finna nafnið... og allir mega stela henni :)

[Katrín Snæhólm Baldursdóttir, 27.2.2008 kl. 15:23]

Baula...er bara alveg ágætt nafn

Raula eða Gaula kannski líka? 

[Katrín Snæhólm Baldursdóttir, 27.2.2008 kl. 15:32]

Aðrar tillögur sem ég hef rekist á eru..Mamma Rósa, Regnboginn eða Strauss. Það er greinilegt að ég hef lítið að gera þennan daginn og er að bíða eftir dotlu miðað við áhuga minn á þessari nafnaleit..hehe

[Guðný Anna Arnþórsdóttir, 27.2.2008 kl. 21:11]

1. Raul í rjáfri   (ætla að skreppa í raulið ..)

2. Opera   (ætla að skreppa í óperuna ..)

3. Lag í lagi ( ætla að skreppa í lagið ..)

(borið fram lægi= vísar líka til að þarna fyrir utan ku hafa verið skipalægi ... )

 

[Jóhann Kristjánsson, 27.2.2008 kl. 21:16]

Þeir ættu nú að gera eitthvað annað við þessa milljarða t,d fara að aðhafast eitthvað í málum fátækra á íslandi í stað þess að eyða þeim í eitthvað athvarf fyrir snobbhænsni landsins. Á meðan þetta gæluverkefni verður að veruleika standa hundruð manna og kvenna í röð fyrir utan mæðrastyrksnefndir.

Svei þessum aðilum sem standa að byggingu þessa húss. Þeir ættu að skammast sín!

[Kristín Katla Árnadóttir, 28.2.2008 kl. 12:32]

[Halldór Egill Guðnason, 29.2.2008 kl. 23:43]

"Saltklumpurinn"legg ég til að þessi montglershaugur heiti. Ætla að stofna gluggaþvottafyrirtæki. Það verður ekki séð út um þennan glerhaug fyrir sjávarseltu, nema vaskir sveinar og meyjar hangi utanveggja með þvottakústa og klúta 24/7, 365 daga ársins.

[Ingi Geir Hreinsson, 1.3.2008 kl. 10:34]

Peningasóunin?

[Hulda Bergrós Stefánsdóttir, 1.3.2008 kl. 15:58]

Söngperan  

Viltu koma með mér í "söngperuna"

[Ólöf Anna , 1.3.2008 kl. 16:32]

Skiladagur í dag, suss annars hefði ég unnið

[Þórarinn Þ Gíslason (IP-tala skráð) 2.3.2008 kl. 03:00]

Sæl Katrín mín.

Hvert á að senda nafnið,eftir að ég hef hvíslað því í eyra þitt.

Kveðja