Leita í fréttum mbl.is

Hver vill ráða fortyfouryearold clever kvennskörung með meiru í atvinnu?

Sungið með tilþrifum eins og SJARMATRÖLLIÐ Egill Ólafsson gerir þegar hann syngur"Hver vill elska 49 ára gamal mann" eins og það sé eitthvað vandamál með það??? Getur bara ekki verið ..hann er fjallmyndarlegur og flottur. Ég er hins vegar yngri og er ekki beint að syngja einhverja dramasöngva um það að vera ekki enn búin að veiða nokkur vinnutilboð í netið mitt. Það er silfrað með gimsteinum og bjöllum á og ætti nú að laða að starfsmannastjóra eða auðmennskustjórnun..eða var það mannauðsstjórnun?

 sb10065332l-001

Reyndar eru nú forvitnilegar uppástungur alheimsins að bulla i pottinum sem ég geri gúllassúpuna góðu alltaf í. Þessi appelsínu guli emeleraði pottur með eyru á við forvitið barn klikkar aldrei! Þegar honum var orðið heitt í hamsi af því að standa a hellunni hjá mér og hlusta á mig gráta yfir örlögum mínum sem misskilins snillings og að það vildi mig bara enginn því ég væri bæði ljót og gömul skellihló hann hátt og sagði.."Iss eins og það sé nú allt Katrín mín...það er líka hlegið að þér í kringum alla tjörnina. Og ég sem hélt að endurnar héldu eilífri tryggð við mig eftir allt sem ég hef kennt þeim. Það voru ekki þær sjalfar sem fundu upp á því að stinga höfðinu í kaf og veifa stélum. Ó nei!!!

Ég elska oftast svona hjartahlýja potta en núna fannst mér hann ljótur á litinn og eyrun á honum alltof stór.....svo ég hækkaði vel undir hellunni þar til hann var sko farinn að svitna. Verst að ég er ekki enn með gasið..þá hefði ég bara hratt og vel steikt hann. Og hugsaði um leið um hina spurninguna.."Hver vill elska 49 ára gamlan mann...eða vinna með 44 ára snar-ungri konu??

                                                                                                                                                                                                  Lífið Lífið er bara ekki ekki sanngjarnt. O víst. Ó nei. Jú víst. Og hver segir það. Ég segi þaðmonalisa

Tók mér smá tíma og hugsaði mig betur um..alltaf gott þegar maður er næstum kominn á bömmer að hugsa. Skoðaði og skilgreindi alla þætti og hugsaði meir.  Svo gerðist það!!!  Svarið kom í gufumekki frá bullandi heita pottinum sem nú var farinn að stunda og snökkta undan heitu hellunni..í gufunni sem lagðist þétt utan um höfuð mér varð ég þess áskynja að það er ástæða fyrir því að ég hef ekki enn fundið starf við mitt hæfi.

Ég geri kannski bara aðeins of miklar kröfur. 

60.000 millur fyrir að byrja hjá þeim, 120 millur fyrir að hætta og svo vil ég flotta árshátíð í Arabíu og gott grill í Grikklandi og frjálsan vinnutíma. Og frí þegar ég þarf að gera annað. En ég var einmitt að reyna vera svo hógvær og vinna af tómri hugsjón á þessum leikskóla sem ég sótti um á. Börnin eru mesti fjársjóðurinn er það ekki..og eru þá ekki bestu launin þar???

Mér fannst þetta bara svo augljóst eitthvað. Borgað samkvæmt mikilvægi. Á morgun sæki ég um  hjá Elliheimilinu eða sjúkrahúsunum. Þar eru líka mjög mikilvæg störf unnin og örugglega rosavel borgað. Ég bara trúi ekki öðru.  Ef þetta virkar ekki verð ég bara einyrki og yrki ljóð um eina konu sem was to old for the monny og of UNG til að elska 49 ára gamlan mann...

 

Þetta var svona ímyndaður miðnæturblús konu sem gæti alveg hafa hugsað svona, en gerði það ekki því hún veit sem er að það liggur í loftinu, læðist um fætur hennar  og það hvísla því litlir fuglar að nú er eitthvað að gerast. Bíðið bara karlar og kerlingar. Á morgun!! Á morgun!! 

Á morgun hef ég lært að lifa eins og Lindin tandurblá...þolinmóð og alveg grafkyrr. Og Djúp auðvitað.

Ertu búin að lesa alla leið í gegnum þessa  skrítnu færslu þú frækni bloggari?? Innilega til hamingju með það.

þá bara verður þú að koma og fá þér eitthvað hressandi í athugasemdunum. Þarft bara að skilja eftir þig spor og spurningu en færð að launum tvo sæta kossa fyrir nennuna.KissingKissingog hugrekkið.

 

 


« Síðasta færsla | Næsta færsla »

Athugasemdir

1 Smámynd: Ásthildur Cesil Þórðardóttir

Hehehehe flott ertu.  Já 60 millur í byrjunarlaun, og ekki nema 120 fyrir að hætta, er það ekki litið miðað við alla 49 ára gömlu mennina, sem fá svo mikið fyrir að hætta, að það er greinilegt að það liggur mikið við að losna við þá  Gangi þér vel á morgun á elliheimilunum og hjúkrunarheimilinum og sjúkrahúsunum  Knús á þig

Ásthildur Cesil Þórðardóttir, 4.3.2008 kl. 07:56

2 Smámynd: www.zordis.com

Hefuru hugleitt að skella þér á "eftirlaun" ..... meika það geðveikt feitt í listinni?

Ég er búin að sjá hugmyndirnar þínar sem eru sterkar og litríkar!

You ceep on rockin´ girl!

www.zordis.com, 4.3.2008 kl. 08:43

3 Smámynd: Ía Jóhannsdóttir

Katrín mín, nú var ég farin að vorkenna pottinum virkilega mikið.  Hvers á hann að gjalda auminginn?  Gangi þér vél í leitinni í dag og eins og alltaf hefur verið sagt hér í okkar fjölskyldu:  Þetta reddast! 

Ía Jóhannsdóttir, 4.3.2008 kl. 08:50

4 Smámynd: Ragnhildur Jónsdóttir

Hahahha alveg frábær!  Hvernig væri að gerast auðugur rithöfundur, gefa út bækur í tonnatali og eignast geðgt mikið af seðlum.... ?

Ragnhildur Jónsdóttir, 4.3.2008 kl. 10:02

5 Smámynd: Vilborg

Þetta er nú bara spurning um að þiggja biðlaun, þú ert jú að bíða er það ekki? 

Knús

Vilborg, 4.3.2008 kl. 11:43

6 Smámynd: Guðrún Þorleifs

Þú ert bara frábær

Guðrún Þorleifs, 4.3.2008 kl. 19:03

7 Smámynd: Hulda Bergrós Stefánsdóttir

Hlutirnir gerast þegar maður á síst von á þeim

Legg til að þú setjir á þig fjólubláan hatt og spókir þig um miðbæinn og hugsir um eitthvað allt annað

Þú ert falleg, þú ert frábær, þú ert skemmtileg og ÞÚ ERT ÆÐISLEG

Hulda Bergrós Stefánsdóttir, 4.3.2008 kl. 19:45

8 Smámynd: Ásdís Sigurðardóttir

Er nokkuð að frétta af gula tréinu??Hello  Hello Hello 

Ásdís Sigurðardóttir, 4.3.2008 kl. 19:55

9 Smámynd: Katrín Snæhólm Baldursdóttir

 jiIiiii ef bloggvinkonurnar bjarga ekki bara sjálfsmyndinni tíuhundruðsinnumog tuttugu hvern dag þá veit ég ekki hvað!!!!

Annars er það ykkur svo að segja, að það er satt sem ég sagði..það er eitthvað að bulla í appelsínugula gúllas og galdrapottinum og bráðum..já bráðum, reddast þetta allt saman. EF ÞAÐ VÆRI HÆGT AÐ DEYJA ÚR BJARTSÝNI ÞÁ VÆRI ÉG HÚN..

Af gula trénu er það að frétta að ......það er alveg á leiðinni...og mun reddast eins og allt annað. Kannski bara í vikunni.

Katrín Snæhólm Baldursdóttir, 4.3.2008 kl. 21:34

10 Smámynd: Bára Friðriksdóttir

Elsku Katrín!

Þú ert svo ágæt eins og þú ert. Takk fyrir að vera þú.

Með vinnuna, þolinmæði þrautir vinnur allar. Miklar kröfur, lengri bið. 

Hverrnig væri að þú skrifaðir barnabókina á meðan þú bíður?

Þar er góð hugmynd og þú ert skemmtilegur penni. Leyfðu því að vaða.

Bára Friðriksdóttir, 4.3.2008 kl. 23:07

11 Smámynd: Marta B Helgadóttir

Katrín mín, fjölhæfa kona þú getur allt. Þú þarft bara að velja, gera upp við þig hvert þú vilt stefna... og þú kemst þangað. Gæti tekið lengri tíma því hærra sem maður stefnir en gæti líka bara gerst skyndilega.

Marta B Helgadóttir, 5.3.2008 kl. 21:16

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Katrín Snæhólm Baldursdóttir
Katrín Snæhólm Baldursdóttir

 Maddama kerling fröken frú Katrín Snæhólm. Hef áhuga á öllu milli himins og jarðar og telst þá hvoru tveggja með. Himinn og jörð.

 

kbaldursdottir@gmail.com

 

 

 

 

 

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku: 3
  • Frá upphafi: 0

Annað

  • Innlit í dag: 0
  • Innlit sl. viku: 3
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • ...xoqlinc
  • ...x-o-
  • ...katrin_mynd
  • ...peru_3
  • ...peru_2
  • ...peru_786202
  • ...peru
  • ...usturv_llur

Innskráning

Ath. Vinsamlegast kveikið á Javascript til að hefja innskráningu.

Hafðu samband