Hin óspilaða tónlist....

Hér máttu semja lag eða ljóð um hvað sem þér dettur í hug. Jafnvel setja inn ósagða sögu af lífinu.

Núna þegar páskarnir ganga í garð og nógur tími til að anda hvíla sig og hugsa..þá er nú oft gott og gaman að setjast við sköpun og skriftir.

Ég sit hér og bíð eftir að hárið á mér þorni eftir yndislega gott morgunbað svo ég geti haldið áfram að undirbúa fermingu sonarins sem verður núna annan í páskum.

 Það er bara ekkert á To Do listanum!!!

Ég bara hlýt að vera að gleyma einhverju??? Það er ekkert normalt að vera búin að öllu og varla byrjuð að gera neitt???

Ætla allavega að bruna og sjá "Þakflísarnar" hennar Zordísar sem eru svo skemmtilega fallegar og litríkar á Föstudaginn Langa í Þorlákshöfn. Og sjá hana Zordísi sjálfa líka með eigin augum. Mikið hlakka ég til!!

Þið getið séð hana Zordísi hérna til hliðar hún er á bloggvinalistanum mínum og það er þess virði að skreppa til hennar og skoða dásamlegu listaverkin hennar.

Hef hingað til bara hitt hana í draumum og á ferðalögum til annarra pláneta sem gera yngismeyjum eins og okkur það kleift að hittast í andanum og draumnum. Og tala saman á ósýnilegu tungumáli sem búið er til úr orkustraumum.

Í guðanna bænum ekki gleyma samt að skrifa sögu eða ljóð þó ég hafi farið að tala um ferminguna og sýninguna þarna á milli. Sköpunin er aðalatriðið!!!  Ykkar sköpun.

Þegar maður byrjar að virkja sköpunarkraftinn eru engin takmörk fyrir því hvað er hægt að búa til. Trúið mér.  Veröld hinna ótakmörkuðu möguleika er okkar. Hér og nú.

Og ekkert krepputal eða neikvæðnishjal.

Lífið er okkar megin.

 

Athugasemdir

[Ásthildur Cesil Þórðardóttir, 19.3.2008 kl. 11:52]

Sá þetta ljóð hjá honum Þóa vini mínum Gísla og finnst það svo flott, að ég set það hér inn, það er eftir Ingibjörgu Sigurðardóttir.

Af gnægðum hjartans mælir munnur,                                                                                                     mynda orðin sálargerð                                                                                                                           Öll þau speglar andans brunnur.                                                                                                      eru þau hugans dýra sverð.                                                                                                             Orðin birta eðli manns,                                                                                                                        illt og gott í fari hans. 

Góður maður gott fram setur                                                                                                              góðum sjóði hjartans frá.                                                                                                                    Göfugleikans gull hann metur                                                                                                        grandvör orð og sannleiks-þrá.                                                                                                  Tungan hlýðir hugsun manns,                                                                                                         hún er lykill sálar hans.

Vondur maður orðin illu                                                                                                                   ávallt lætur fús í té.                                                                                                                         Sína eykur syndavillu                                                                                                                      saurgar heilög andans vé.                                                                                                              Hver sem iðkar orðin ljót,                                                                                                                 allri blessun vinnur mót.

Því er vert að vanda tungu,                                                                                                            varhyggð rétta temja sér.                                                                                                               Gróðursetja í eðli ungu                                                                                                                    allt,sem manni þroska ber                                                                                                               Orðsins gildi gullvægt er,                                                                                                                    ef göfug hugsun saman fer!

Gangi þér vel við fermingarundirbúninginn duglega kona. 

[Jenný Anna Baldursdóttir, 19.3.2008 kl. 12:02]

Ég ætla bara ekkert að vera skapandi inni á annara manna síðum.  Hehe, gangi þér vel með ferminguna.  Jökull fermdist um síðustu helgi og það var yndislegt.

Knús á ykkur

[Ía Jóhannsdóttir, 19.3.2008 kl. 12:54]

Ætla að láta mér nægja mína síðu en tek mér í munn orð Ólafs Kárasonar

..Það er miklu erfiðara að vera skáld og yrkja um heiminn en vera maður og lifa í heiminum. 

Gangi ykkur vel með ferminguna

[Katrín Snæhólm Baldursdóttir, 19.3.2008 kl. 15:56]

Nú er úti veður vott

verður allt að klessu

ekki fær hún Katrín gott

að ferma son í þessu..

veðri

[Gísli Baldvinsson (IP-tala skráð) 19.3.2008 kl. 19:31]

Land og kona.
 
 Fossar.
 Fossar eru
 fallegir.
 Orð mín eru fossar.
 Hugurinn  fossar.
 Stjörnusteinar.
 Standa í fossum.
 
 Augun þín eru fossar.
 Stjörnusteinar.
 Sindrandi.
 Fossar og landið
 tala til mín.          

gleðilega

[Gísli Baldvinsson (IP-tala skráð) 19.3.2008 kl. 19:31]

páska (átti þetta að vera)

[Guðný Anna Arnþórsdóttir, 19.3.2008 kl. 22:21]

Gangi ykkur vel í fermingarundirbúningi og eigiði góðan fermingardag öll.

Það er svona með þessa óspiluðu og ókomponeruðu tónlist. Við þurfum að mynda tengsl við the collective consciousness til að geta raðað saman nótum í réttum dúr og/eða moll.  Ég er eitthvað slök í þessari tengslamyndun þessa dagana. 

[Hulda Bergrós Stefánsdóttir, 19.3.2008 kl. 22:26]

ég spila á píanó

heyri samt engan tón

þegar ég spila á píanó

fá allir nóg

En þurfum að heyrast út af fermingu  múss og klemm

[Ásdís Sigurðardóttir, 19.3.2008 kl. 23:10]

Hlakka til að hitta þig á föstudaginn langasta.  Ætla að semja eitthvað hér inn um helgina.  Knús

[Svava frá Strandbergi , 20.3.2008 kl. 01:34]

 Í ljóssporum daganna

Í ljóssporum daganna
liggur vængbrotin
bernska

á húmhimni kvölds
bærast hvíthærð ský

hjúpuð hálfrökkri nætur
hvíslar sorgin.

[Jóna Kolbrún Garðarsdóttir, 20.3.2008 kl. 02:42]

Dagur yndisfagur,

kvöld, alein köld.

nótt einmana,

morgunn, bjartur.

[Vilborg, 20.3.2008 kl. 20:49]

Tónar lífsins hljóma um heiminn,

senda góða strauma út um allt.

Heima sit ég hugsandi og dreymin,

með hlýju í hjarta þótt úti sé kalt.

[Ía Jóhannsdóttir, 20.3.2008 kl. 22:21]

Páskakveðja héðan frá Stjörnusteini  

[Hugarfluga, 20.3.2008 kl. 23:53]

Gleðilega páska, Katrín mín og hamingjuóskir til drengsins á mánudaginn. Gangi ykkur vel í undirbúningnum!

[Marta B Helgadóttir, 21.3.2008 kl. 11:26]

Gleðilega páska.

[Elín Björk, 21.3.2008 kl. 21:31]

Þrátt fyrir teljast lélegur bloggari verð ég eftir þennan dag bara að kvitta og segja; gaman að hitta þig í eigin persónu Katrín

[Katrín Snæhólm Baldursdóttir, 21.3.2008 kl. 23:38]

Sömuleiðis þið öll sem þarna voruð. Þetta var svo skemmtilegt og gaman að sjá alla og auðvitað fallegu listina hennar Zordísar. Það stendur ein gullfalleg flís á borðinu mínu með mynd af konu að kyssa fisk. Algert yndi bara. Blogga um það síðar..núna er ég að bíða eftir Sunnevu sætu stelpunni minni sem er að koma frá London og ætti að vera nýlent í Keflavík.

Vúúúú..það er svo gaman að vera til stundum..finnst ykkur ekki???

[Marta B Helgadóttir, 22.3.2008 kl. 13:54]

Elsku Katrín, frábært að hitta þig í Þorlákshöfn í gær og alla þessa frábæru bloggara líka.

Til hamingju með fermingardrenginn.
 

[Steingerður Steinarsdóttir, 22.3.2008 kl. 20:43]

Til hamingju með fermingardrenginn og gleðilega páska Katrín mín. Er andlaus vegna notalegheita og því færðu ekkert ljóð frá mér.

[Steinunn Helga Sigurðardóttir, 23.3.2008 kl. 09:04]

til hamingju með fermingjuna kæra katrín.

Blessi þig í Ljósi

steina

[Kristín Katla Árnadóttir, 23.3.2008 kl. 13:51]

Elsku Katrín gleðilega páska og til hamingju með fermingarbarnið

[Ágúst H Bjarnason, 23.3.2008 kl. 20:52]

Andinn er ekki kominn enn yfir mig og er ég farinn að hafa af því áhyggjur .  Hvorki lag né ljóð... 

Gleðilega páska og til hamingju með drenginn.

[Vilborg, 24.3.2008 kl. 19:44]

Innilegar hamingjuóskir með fermingardrenginn

[Heimir Lárusson Fjeldsted, 24.3.2008 kl. 20:10]

Hamingjuóskir með stóra strákinn í dag.