Ímyndir

22.8.2008 | 07:50

Snýst jörðin hraðar eða er þetta bara hausinn á mér?

Ég er búin að vera með svima í heila 3 daga. Held að miðjupunkturinn í mér hafi verið færður og ég sé nú að læra nýtt jafnvægi.Geta staðið á einni tá ef þarf í nýrri veröld og haldið höfði. Kannski er þetta bara af því að ég hef snúist í endalausa hringi undanfarna daga og haft svo margt gott að gera að mig svimar af gleði og eftirvæntingu.

Ætla að vera með smá sýningu á morgun menningarnótt í grasivöxnu galleríi á laugavegi 66 ásamt öðrum listamönnum og konum. Görótt vídeóbrot sem átti að prýða brot af salnum finnst hvergi. Ég er búin að fara yfir allar spólur sem til eru á heimilinu og vídeóið er gufað upp, farið, horfið að eilífu ..eða allavega þar til það finnst á einhverjum afar góðum stað.

Líklega of seint. En það er aldrei neitt of seint..allt hefur sinn tíma og ef ég hef lukkuna með mér þá verður það komið í leitirnar fyrir Ráðhúss-sýninguna sem við ráðsettar bloggkonur erum nú að undirbúa svo vasklega að pilsaþyturinn gárar tjörnina og endurnar vaka og kvaka.

En litlu sögurnar mínar eru brenndar og komnar á diska tilbúnar að galdra fram stemmingu ásamt leikmunum fyrir gesti og gangandi Menningarbúa sem trúa á að allt er mögulegt, bara ef maður gefur sér tíma til að hlusta.

En ég er samt á því að þessi svimi er galdur sem mun endast um aldur...þyrlar burtu gömlum hindrunum og hugarformum sem eiga ekki heima í nýjum heimi opnunnar, sköpunar.....og alvöru ævintýra. En nú verð ég að halda áfram. Leita dauðaleit af greiðu eða einhverju tóli til að tjónka við hárið því það er víst lokkandi ljósmyndari á leið til mín í dag að mynda konu sem myndast ekki. Gangi honum vel.

Flokkur: Bloggar | Facebook

Athugasemdir

Ímyndaðu þér bara að þú sért að horfa á fallegan mann og brostu daðurslega í myndavélina ;)

Kíki kannski á þig á Laugarveginn á menningarnótt. Hvenær opnarðu?

Hrönn Sigurðardóttir, 22.8.2008 kl. 08:56

Farðu vel með þig, svimi getur verið afleiðing streitu. Þekki það vel. Gangi þér vel á morgun með sýninguna Katrín mín.

Ía Jóhannsdóttir, 22.8.2008 kl. 10:46

Ég á sæta mynd af þér! En ég ætla að nota hana þegar ég set upp sýningun galdradúkkur árið 2009 ....

Eg var að ganga í miðbænum áðan og liður ógnarvel í sjálfri mér og finn svo gott og gaman nálgast! ég kem til þín en mig vantar tímasetningu hjá þér?

www.zordis.com, 22.8.2008 kl. 16:05

Við verðum bara opin frá morgni til kvöld ..held ég. Er einmitt á leiðinni niðureftir á laugaveginn með stöff og svo verður það bara gjörningavinna í kvöld að finna út hvernig og hvar verður stillt upp.

Nú er ég að fá svima í magann... oh my ohh my!

Katrín Snæhólm Baldursdóttir, 22.8.2008 kl. 20:23

Þetta er rosaspennandi Katrín, vildi að ég gæti komið að sjá, verð hjá þér í huganum. Þú baðst um email mitt, ég get tekið á móti pósti en ekki sent á meðan ég dvel á Borgó(ég er ekki mjög tæknisnjöll og snillingurinn minn "uppetkinn við annað" ) ragjo@internet.is

Tu tu fyrir morgundaginn, anda djúpt, þetta verður alveg frábært, ég er sannfærð um það.