Leita í fréttum mbl.is

Glætan spætan að ég sé komin í jólafrí..frestum jólunum og gerum byltingu!

Eins og staðan er núna er réttast fyrir íslendinga að fresta jólunum fram í miðjan janúar og gera það sem gera þarf núna svo við getum í alvörunni haldið hátíðleg og gleðileg jól saman. Það er hreinlega ekki hægt með þennan spillingarfnyk fjúkandi um allt .

Hann eyðileggur piparkökuilminn, skítug fótspor siðspillingarinnar trampa niður fallegan jólasnjóinn og Jólasveinarnir þora ekki til byggða vegna óttans við hið grímulausa vald sem sýnir nú sitt rétta andlit. Miklu ljótara og grimmara en andlit Grýlu sjálfrar.

Gerum alvöru jólahreingerningu, skúrum og skrúbbum út skítinn úr þessu samfélagi og skundum svo á Þingvöll og treystum vor heit. Tökum höndum saman og stengjum þess heit að hér skuli verða gert hreint fyrir öllum dyrum og höldum svo jólin kát og glöð vitandi að við gerðum það sem þurfti að gera. Ég get ekki einu sinni sungið glaðlegu jólalögin fyrr en þetta er að baki..hrekk bara í Maístjörnuna áður en ég veit af.

Það má greinilega engan tíma missa núna. Stjórnvöld treysta á jólahamaganginn til að klára koma öllu fyrir eins og þau vilja hafa það og segja svo þegar við komum úr jólafríinu að því miður verði nú engu breytt og henda í okkur Hvítbókinni þar sem allar sögupersónur eru eins og skjannahvítir englar eftir jólahvítþvottinn. 

Eða heldur einhver eftir atburði sl daga og vikur að það hafi orðið einhver hugarfarsbreyting hjá afglöpum þessa lands?? I dont think so.

Jól í Janúar, bylting í desember skal standa á mínu mótmælaspjaldi á laugardaginn...þ.e ef ég hendi ekki bara af mér svuntunni strax og set á mig aðgerðaklútinn.Bandit

DE-228~Farniente-Posters

 

 Svo heldur fólk að húsmæður á miðjum aldri séu ekkert uppreisnargjarnar og haldi stillingu sinni ætíð og alltaf. Það er auðvitað langsóttur misskilningur sem leiðréttist hér með með sjálfri mér.

Mitt kvenlega innsæi segir mér nefninlega að nú séu íslendingar búnir að fá NÓG og að nú verði piparkökubakstrinum frestað fyrir hörkuaðgerðir.

Og ég ætla að vera með í þeim!!!

  Og til að halda nú uppi jólaboðskapnum þá er ég sannfærð um að afmælisbarnið hann Jésú hefði nefninlega staðið vaktina á Austurvelli með okkur hinum og látið heldur betur illum látum í sumum bönkum og fjármálaeftirlitum landsins. Hann hefði sko velt um borðum og haft hátt eins og unga fólkið sem mætti á pallana í Alþingi en ekki setið heima hjá sér með kakó og fordæmt uppreisnina gegn kerfiskörlum gegnum lyklaborðið.  Ó nei

Til hamingju með afmælið Jésús minn..ég veit að þú fyrirgefur okkur þennan gjörning að fresta afmælinu þínu fram í janúar núna þegar þú veist hver ástæðan er kallinn minn.  Þú færð kannski bara alvöru lýðræði í afmælisgjöf í staðinn og helling af alvöru mannkærleika, réttlæti, sannleika og samkennd..ok?

 


« Síðasta færsla | Næsta færsla »

Athugasemdir

1 Smámynd: Rakel Sigurgeirsdóttir

Ég veit að Þórbergur Þórðarson fullyrti það í Sálminum um blómið að Jesú hefði verið fyrsti sósíalistinn. Hann segir eitthvað miður fallegt um íhaldið á sama stað en ég gef mér samt ekki tíma til að leita að blaðsíðunni þar sem þetta kemur fram núna. Vildi bara taka undir það með þér að ég held að Jesú sé ekkert sértaklega viðkvæmur fyrir því hvenær það er haldið upp á daginn hans. Hann myndi örugglega forgangsraða líkt og þú

Fyrir utan að mér skilst að einhver vísindi hafi reiknað það út að hann hafi verið fæddur í mars en ekki desember

Rakel Sigurgeirsdóttir, 10.12.2008 kl. 17:26

2 Smámynd: Sigrún Jónsdóttir

Heyr, heyr

Sigrún Jónsdóttir, 10.12.2008 kl. 17:51

3 Smámynd: Jakobína Ingunn Ólafsdóttir

Já við höldum áfram að mótmæla.

Jakobína Ingunn Ólafsdóttir, 11.12.2008 kl. 00:33

4 Smámynd: Rakel Sigurgeirsdóttir

Pistillinn þinn er á forsíðu mbl.is í þessum skrifuðu orðum

Rakel Sigurgeirsdóttir, 11.12.2008 kl. 09:57

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Katrín Snæhólm Baldursdóttir
Katrín Snæhólm Baldursdóttir

 Maddama kerling fröken frú Katrín Snæhólm. Hef áhuga á öllu milli himins og jarðar og telst þá hvoru tveggja með. Himinn og jörð.

 

kbaldursdottir@gmail.com

 

 

 

 

 

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku: 3
  • Frá upphafi: 0

Annað

  • Innlit í dag: 0
  • Innlit sl. viku: 3
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • ...xoqlinc
  • ...x-o-
  • ...katrin_mynd
  • ...peru_3
  • ...peru_2
  • ...peru_786202
  • ...peru
  • ...usturv_llur

Innskráning

Ath. Vinsamlegast kveikið á Javascript til að hefja innskráningu.

Hafðu samband