Leita í fréttum mbl.is

Bloggfærslur mánaðarins, maí 2008

Fáið ykkur jarðarber...

526863819_ca1d92c3bbGóðan dag...ég býð til morgunveislu með ferskum jarðarberjum og fallegum rauðum lit meðan við bíðum sólarinnar hér í höfuðborginni.

Mætti í fermingarskóm sonarins í vinnuna í dag. Hvað finnst ykkur um það?? Maður verður nú að samnýta hlutina svona á þessum síðustu og verstu og það er ekki slæmt að feta í fótspor barna sinna.

Þannig fer nefninlega lífið í hringi. Fyrst hugsum við um börnin okkar og svo kemur að því að þau þurfa að hugsa um okkur þegar við verðum gömul og lúin.

Svo munið jarðarberin..þau eru svo holl og frískandi og þá verðið þið hressari gamalmenni og skemmtilegri ef orkan og jákvæðnin er til staðarWink Það á reyndar við um öll aldursskeið.

 


Abc hjálparstarfið frábært..Þórunn bætir enn við sig börnum í Kenýa en vantar meira fjármagn. Við getum hjálpað.

Tók smá viðtal við Guðrúnu Margréti á útvarpi Sögu 99.4 í dag um starfið þeirra og fékk fréttir af Þórunni en hún fór til Kenýa fyrir viku síðan. Eftir að hafa séð hversu mikið er hægt að gera fyrir þessa peninga sem safnast frá styrktaraðilum hér heima þá langar mig að hvetja fólk til að leggja börnunum og þessu frábæra fólki lið sem starfar af svona mikilli óeigingirni og kærleika´við erfiðar aðstæður.

Þið getið hlustað á Guðrúnu Margréti í kvöld klukkan 22.00 (en þá verður þátturinn endurfluttur) og ekki bara hana heldur tvær frábærar bloggkonur sem blogga með okkur hér á moggablogginu. Það eru þær Steinunn Helga listakona,lífskúnster og kærleikskona í Danmörku og Jóna Ingibjörg frumkvöðull, kynfræðingurl, hjólakona og  hugmyndasmiðjaWink

Núna þarf ég að vaska upp..get ekki beðið eftir að standa við fallega eldhúsgluggann minn sem er nú troðfullur af sólblómum, marglitum glerkertakrúsum og blómstrandi friðarlilju. Það er ekkert meira afslappandi en að vaska upp eftir velheppnaða máltíð. Ég er glöð yfir að geta gefið mínum krökkum að borða og vera ekki í sporum mæðra sem ekki geta það.  þakka svo mikið fyrir hvað við höfum það í rauninni gott. "Það ber að þakka gæfu sína" sagði einhver vitur kona einhverju sinni og ég tek undir með henni.

Takk.Heart

untitledangel restinh

 

 


Ótrúleg saga....um það sem eitt konuhjarta getur afrekað!!

Sáuð þið viðtalið við Þórunni Helgadóttur hjá Evu Maríu í kvöld ????

Ég á ekki orð yfir þessari stórfenglegu konu sem hún Þórunn er. Lifir og starfar í Kenýa við erfiðistu  aðstæður sem hægt er að hugsa sér og bjargar þar börnum í hundraðatali. Kona sem fer eftir innri sannfæringu og tilfinningu og með Guðs hjálp eins og hún segir sjálf lyftir grettistökum. Segiði svo eftir að hafa hlustað á sögu hennar og hvernig allt gerðist að það séu til tilviljanir. Saga hennar sýnir það hvernig lífið vinnur með þeim sem taka ákvarðanir og treysta því að það sem þeir þurfa komi til þeirra. Ekkert er ómögulegt. Ekkert!!

Vona að þessi þáttur sé sýndur á netinu..þið sem misstuð af honum bara verið að horfa og sjá með eigin augum hversu fólk er megnugt þegar það fylgir sannfæringu sinni og köllun til góðra verka í lífinu. Ég ætla bara rétt að vona að sem flestir sjái sér fært að styrkja þessi góðu verk sem þarna eru unnin og taki að sér barn hjá ABC hjálparstarfi.  Eva María fær líka þakkir fyrir frábæra þætti.

Þórunn Helgadóttir gangi þér vel og gakktu áfram þína frábæru leið í lífinu.Heart

horpuleikariEl-Vendedor-de-Alcatraces-Print-C1008343773459356Mother-and-Child-detail-from-The-Three-Ages-of-Woman,-c1905-Print-C10136725untitleduhig

Á morgun mánudag ætla tvær sérstakar konur að koma í þáttinn minn Maddama kerling fröken frú á útvarpi Sögu 99.4.

 Steinunn Helga sem hefur vakið athygli fyrir sín fallegu og kærleiksríku skrif á blogginu ætlar að spjalla við mig í gegnum símann og segja okkur frá lífi sínu og starfi í Danmörku og Jóna Ingibjörg Jónsdóttir kynfræðingur verður svo gestur minn í stúdíói og við ætlum að spjalla um hennar merkilegu vinnu, nýja fyrirtækið hennar og ýmislegt fleira skemmtilegt. Allar þessar konur sem koma við sögu í þessu bloggi mínu eiga það sameiginlegt að trúa á það sem þær eru að gera og eru hver um sig  kraftmiklar og hugaðar, og koma draumum sínum í framkvæmd og eru okkur hinum áminning og fyrirmyndir í að láta ekki okkar eftir liggja.

Þær áhyggjur sem ég var að burðast með á mínum herðum hafa nú minnkað svo mikið að þær hafa hreinlega horfið og orðið að engu eftir að ég hlustaði og horfði á Þórunni í kvöld. Nú er ég helst að hugsa um ..Hvar kem ég að mestu gagni í lífinu og fyrir hverja???

10007859~Creatures-of-the-Woods-in-Their-Toadstool-Hats-Posters

 

 


Ævintýri enn gerast....

TCP9642Gott að kíkja hér við  www.pointsofpower.com.au/cardsintro.html og lesa svolítil skilaboð sem eru bæði upplyftandi og gefandi fyrir daginn.

Fann þessa slóð hjá Vilborgu bloggvinkonu og vil endilega deila þessari skemmtilegu slóð á fallegu kortin með ykkur.

Var að velta því fyrir mér í gær hvað hefði eiginlega orðið um töfrana og ævintýrin í lífi mínu og saknaði þeirra mikið, mikið.  En af því að ég beindi athyglinni aftur í þá átt komu þeir til baka. Bara si svona. Eins og þeir hafi beðið bak við næstu hurð eftir að ég segði hó!!

Og í dag hefur lífið verið fullt af töfrum og tindri, yndislegt fólk orðið á leið minni og boðskapur sem gerði mig svo káta og glaða. Og ég orðin sjálfri mér líkari..Heart

Er ekki gott að vera bara maður sjálfur þegar upp er staðið? Kaffitár dagsins er í mínu boði. Þú mátt drekka úr bláum, gulum, grænum rauðum eða brúnum bolla. Þitt er valið. Eins og með allt annað í lífinu.

Fáðu svo inspirasíon frá fallegu kortunum á slóðinni hér fyrir ofan og njóttu þess að vera þú, hér og nú. 


Umbreytingar

scanned paintings 2 emailÞegar ég les bloggið mitt til baka sé ég að ég hef breyst og er orðin miklu "Íslenskari" svona meira hipp og kúl á yfirborðinu og feimnari með innaníið...ekki eins mjúk og flæðandi og ég var fyrir svona hálfu ári. Það mátti nú svo sem eitthvað á milli vera. En nú þarf kona að fara í náttúrugöngur og finna stundir til að sitja, hugsa og hlusta á sjálfa sig en ekki allan þennan lífsins nið sem lætur mikinn í ytri veröldinni.

10100920A~Butterfly-Chariot-PostersÞað þýðir ekkert að gleyma sér. Dró spil í morgun hjá Vilborgu bloggvinkonu og skilaboðin til mín voru þau að það væri ekki það sama að hafa mikið að gera og að vera skapandi. Ég skildi það. Hef haft svo rosalega mikið að gera undanfarið að ég hef ekki haft tíma til að vera til og skapa mér mína eigin tilveru á mínum forsendum.

Hearts-Print-C10113043Mér þykir væntum landið mitt og fólkið mitt hérna og ykkur bloggvinir. Og nú verður hjartastöðin bara höfð opin þó hún geti verið pínu viðkvæm í hryssingslegri veðráttu. Megi góðvildin vera ykkar förunautur í dag og mæta ykkur hvar sem þið komið.Heart


Draugar og skrýmsli í dagsbirtu....

Ég er ekkert að fara að blogga núna því ég þarf að fara að sofa. Eftir langan og flottan dag sem innihélt það að slá garðinn, þrífa teppið frammi á stigapalli, þvo þvott, ganga hringi í vesturbænum með barn í kerru sem segir fagnandi "bóm" í hvert skipti sem það sér blóm og róla í dekkjarólu þar sem óæðri endinn næstum festist...þá er kominn tími að halla sér þó það sé enn dagsbirta úti og klukkan ekkert voðalega margt. En ég vakna klukkan fimm á morgnana og þegar kona er komin á þann aldur að þurfa sína 8 tíma þá þýða engar rökræður við tímann. Hann ræður. Og kona sefur.

_dsc0030

Veit samt ekki hvort ég geti sofnað...er með hugmyndir um verulega draugalegan útvarpsþátt á Útvarpi Sögu á morgun mánudag. Alien Þið verðið bara að hlusta milli eitt og þrjú ef þið viljið vera pínu hrædd svona um miðjan dag.

En ekki segja að ég hafi ekki varað ykkur við!!!

Sunset

Jeminn...dagsbirtan úti blikkar..það er eitthvað dularfullt á seyði!!! Ég er farin uppí og breiði sængina upp fyrir haus. Og dreg tærnar uppundir höku..læt ekki skrýmslin undir rúmi fá tækifæri til að bíta í mínar fínu tær.

Night night....Crying

Annars er ég ekkert sérlega smeyk. Það myndi hjálpa að hafa  svolítið myrkur!!!

 


Upp upp mín sál....

Water liliesVá hvað ég er orðin þreytt á að vera hneyksluð, ná ekki andanum yfir fávisku og ráðaleysi, hreppaflutningum á gömlu fólki frá æskustöðvum sínum, fólki í sjálfsmorðshugleiðingum sem er rekið öfugt út af geðdeild vegna "slæmrar hegðunar" og fleiri svona fáránlegum fréttum sem sýna það svart á hvítu að fólk og manneskjur séu aukaatriði í samfélagi okkar.. og svo fleiri fréttum af níðingum, lygurum og svikurum. Kolsvartar fréttir, kolsvart útlit! Fuss og svei!

Hvar sem maður kemur heyrir maður bara bölmóð og erfiðleikasögur, fréttatímarnir eru eins og bein útsending frá Helvíti og himnarnir gráta í gegnum rigningarskýin sem hér húka fyrir ofan borgina. Ekkert skrítið að þau felli tár yfir því.. hvernig komið er fyrir þessum litlu ráðvilltu manneskjum þarna niðri á jörðinni. 

Þetta er púst dagsins í mínu boði!!

 Það eru takmörk fyrir hversu mikilli neikvæðni og ótta er hægt að ausa yfir fólk á örfáum vikum..ha?? Er þetta ekki bara að nálgast heimsmet og löngu komið yfir hættumörk þessi neikvæðnis og óttamengun sem dynur á okkur úr öllum áttum?? En núna þegar ég er búin að pústa og gera öndunaræfingar og anda inn jákvæðu og glitrandi súrefni, henda öllum fréttablöðum og endurnýja ímyndir í kolli mínum er ég betri. Þetta er auðvitað alltaf um það að verða örlítið betri ..ekki satt??

Blue hills

 Nú ætla ég að gera eitthvað skemmtilegt og upplífgandi og reyna að muna héreftir sem hingað til að mitt líf og mín hamingja er í mínum höndum og það er mitt að velja hvað ég geri.

Byrja á brosinu, svo kannski  hressandi sundferð og samneyti við þá sem mér þykir væntum.  Svo er alltaf hughreystandi að skúra heima hjá sér..hreinsar bæði ryk úr hornum og ryk úr huga. Þrífa gluggana að utan svo útsýnið verði heiðskýrt eins langt og augað eygir.

Hugsa um það svo í leiðinni hvaða fólki ég ætti að bjóða til mín í þáttinn Maddama kerling fröken frú á  Útvarpi Sögu á mánudaginn. Leita að fólki sem hefur upplyftandi og góð áhrif og er að gera jákvæða, frumlega og skemmtilega hluti.  Einhverjar hugmyndir?? Endilega látið mig vita af öllu jákvæðu og frábæru sem þið vitið um..mailið mitt er kbaldursdóttir@gmail.com

Knús á ykkur öll...Lengi lifi bjartsýni og jákvæðni!!!!!

Ekki veitir af...og endilega bendið mér á frábært fólk og setjið inn athugasemdir um allt það góða sem er að gerast hjá ykkur. Munið svo að lengi leynist eitthvað æðislegt alls staðar. Bara spurning um að koma auga á hvað það er og hvar.

 


Hjartablaðran.....hvað segir hún??

480d6e3dd76e8034_picsAð sitja undir vegg og hugsa um hjartablöðruna sem kemur  svífandi í hendi gjafarans sem er bara teikning.

Hvernig hefur hjartablaðran þín það???

Í miðri kreppu og hjali um niðurleiðir er gott að muna eftir loftinu í hjartanu og hvers það getur verið megnugt. Lætur kannski ekki mikið yfir sér í látunum en skiptir samt mestu máli þegar upp er staðið.

Hjartablaðran. InLove


Höfundur

Katrín Snæhólm Baldursdóttir
Katrín Snæhólm Baldursdóttir

 Maddama kerling fröken frú Katrín Snæhólm. Hef áhuga á öllu milli himins og jarðar og telst þá hvoru tveggja með. Himinn og jörð.

 

kbaldursdottir@gmail.com

 

 

 

 

 

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku: 3
  • Frá upphafi: 0

Annað

  • Innlit í dag: 0
  • Innlit sl. viku: 3
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • ...xoqlinc
  • ...x-o-
  • ...katrin_mynd
  • ...peru_3
  • ...peru_2
  • ...peru_786202
  • ...peru
  • ...usturv_llur

Innskráning

Ath. Vinsamlegast kveikið á Javascript til að hefja innskráningu.

Hafðu samband