Ég er appelsínugul

Um daginn keypti ég mér appelsínugula mussu.

Þegar ég labbaði framhjá búðarglugganum kallaði hún á mig, hvíslaði svo til mín þegar maðurinn minn heyrði ekki og lokkaði mig svo inn til að kaupa sig. Mér finnst ég voða fín í henni.

Í gær gekk ég framhjá öðrum búðarglugga og þar voru litlir appelsínugulir skór. Úr rúskinni og flatbotna með lítilli appelsínugulri flauelislaufu á ristinni. Þeir söguð...hæ við viljum að þú gangir á okkur og takir okkur með þér hvert sem þú ferð. Ég fór ekki inn en lofaði þeim að koma og sækja þá næst þegar ég ætti pening. Þeir skríktu og brostu hvor til annars.

Svo fór ég á markaðinn í dag og keypti kíló af appelsínum. Safaríkum og sætum og ætla að búa mér til appelsínudjús í fyrramálið.

 

Ég er meira að segja að hugsa um að kaupa appelsínugul sumarblóm og hengja við útidyrnar.

APPELSÍNUGUL

Bara rétt að kíkja........

.......og sjá hvernig þið hafið það hérna. Hjá mér er komið vorið og eftir frábæra göngu um akur og engi og skemmtilegt spjall hérna úti á götuhorninu skelli ég mér í sturtu og held svo áfram með mitt

Má ekkert vera að því að koma út að leika á blogginu núna en vona að þið hafið það fínt.

Segi svo að lokum fleyga setningu sem flaug um í góða veðrinu og settist í hausinn á mér...og á kannski erindi í þinn haus líka...

If you don´t go within...you will be without!

Bless