Töfrar stíga dans á ósýnilegu leiksviði

Lífið leikur fyrir dansi og töfrandi tónar framkalla dansandi menn og konur sem eru að byrja að skilja töfrabrögðin. Galdurinn sem felst í því að upplifa og vera til. Að draga frá tjöldin sem huldu snilldarverkið á sviði  alls sem er. Að lífið er ævintýri samruna, skilnings og samkenndar. Hjörtu sem slá i takt við pláneturnar, alheimstóninn og röddina þína.

Taktur sem tifar í gegnum tímann og inn í þig.

Ég er miðjan og sé allt um kring.

 Og allt umvefjandi verundin sér mig og þig sem eitt.

Takturinn og tifið. 

Tárið sem telur taktinn í veröld sem snýst hraðar en nokkru sinni fyrr.

Dansaðu!