Er ok að talk íslensku together with ensku and bara feel cool með that?

 Þegar maður er búin að vera í útlöndum í nokkuð mörg ár þá vill það gerast að maður fer að verða óendnlega hallærislegur og "sletta".

Man hvað mér fannst fólk asnalegt sem kom frá útlöndum og þurfti stöðugt að blanda útlenskum orðum inní íslenskuna og var viss um að það væri eifaldlega til að hreykja sér hátt yfir okkur mölbúunum sem heima sátum og kunnum ekki að tala tungumál önnur en íslenskuna.

Núna sletti ég stöðugt. Bæði þegar ég tala ensku set ég inn íslensk orð og þegar ég tala íslenskuna bæti ég vel völdum og rammútlenskum orðum inní. Veit alveg að maður á að vanda sig og huga vel að ylhýra málinu sínu og alls ekki að blanda því neinu blóði sem ekki hefur runnið um víkingaæðar. 

En þetta er ekkert auðvelt.

 Sumt hreinlega kann ég ekki að skýra á íslensku sem ég lærði og nam í fyrsta skipti á ensku. Eins er með börnin mín. Þau eru að læra margt í fyrsta skipti á enskunni og vita oft ekkert hvernig það hljómar á íslensku.

 Það kemur undarlegur svipur á afgreiðslufólk á íslandi þegar ég kem og segi.."Góðan dag. Get ég fengið topp up fyrir fimm pund?"

Þá er ég auðvitað að meina..Ég ætla að fá símakort fyrir 500 kall.

 Velti stundum fyrir mér í sambandi við alþjóðavæðinguna..hvort einn góðan veðurdag munum við fara að blanda saman tungumálum og setja t.d íslensku og ensku saman í eina setningu. Með fullri vitund að skutla þessu bara öllu saman í einn pott og hræra vel í.

Hversu stupid myndi that vera??? I meina...When tungumálið would  ekki have nein limits?

Held samt að við myndum ekkert skilja hvort annað neitt ver eða minna...því þó samskipti snúist um að skilja hvert annað í gegnum tungumálið þá er það líka deginum ljósara að það er margt annað sem spilar jafnmikilvæga rullu ef ekki mikilvægari í skilningi og samkennd. En það er efni í annan pistil.

P.s

Þessi knappi og fáorði stíll hentar mér ekki sem ég reyndi hér fyrr i dag.

Athugasemdir

[Heiða B. Heiðars, 19.1.2007 kl. 11:35]

Já.. það er í lagi ef maður er orðin amma! Annars ekki :)

[Hulda (IP-tala skráð) 19.1.2007 kl. 14:57]

Thats ok ef þú ert orðin granný og amma granný býr

í útlandinu svo thats OK

Velkomin í bloggheima þetta er bara gaman svo ég tali nú ekki um þegar fólk í öðrum löndum er fréttaþyrst á frændfólkið

Kv úr Hveró   www.blog.central.is/810 

[Guðríður Hrefna Haraldsdóttir, 19.1.2007 kl. 14:59]

Það er víst mjög mikilvægt að blanda ekki málum saman þegar barnabarnið fer að hafa vit. Þá Á pabbinn að tala ensku (skosku) og mamman íslensku. Þá ruglast barnið ekkert í ríminu! Þetta sagði mér virðuleg móðir sem á tvítyngt barn. Barnið talar víst minna í ensku núna eftir að foreldrarnir skildu ... æææææ!

[katrin (IP-tala skráð) 19.1.2007 kl. 16:10]

Já þetta er einmitt það sem við leggjum upp með fyrir barnabarnið. Við islenska fjölskyldan höfum ströng fyrirmæli um að tala eingöngu kjarnyrta og hreina íslensku við barnið og pabbinn og hans familía..afsakið fjölskylda... talar bara skoskuna. Heyri fyrir mér hversu sjarmernadi það verður þegar litlan fer að tala íslenskuna með skoskum hreim.

Granní

[www.zordis.com, 20.1.2007 kl. 09:18]

Gaman að skoða myndirnar þínar!  Oog frábært að láta draumana rætast  Kíkti við hjá þér eftir kikk hjá Gurrí.