Er eðlilegt að elska kaffihús???

Bara spyr. Tíu trylltir hestar geta ekki haldið mér frá kaffihúsinu mínu. Ég elska CJ´s.

Rjúkandi kappúsínó, rauði sófinn uppi við vegginn svo ég geti horft yfir alla hina kaffihúsagestina og út um gluggann. Alveg sama hvort ég sit þar ein eða með einhverjum vina minna. Þetta er partur af mín daglega lífi og ég vil ekki heyra orð um hvað maður geti sparað með því að drekka hryllilegt kaffi aleinn heima hjá sér.

 

Hefði örugglega sómt mér vel á Borginni hér í den með listaspýrunum yfir vangaveltum um lífið og tilveruna. Verst að ég var ekki fædd þá annars hefði ég mætt.

Athugasemdir

[Guðríður Hrefna Haraldsdóttir, 20.1.2007 kl. 12:35]

Já, það er eðlilegt að elska kaffihús, meira að segja mjög eðlilegt. Ég elska nokkur í Reykjavík! Maður á ekki að spara í kaffi ... alls ekki, frekar eyða minna í annað!

Knús yfir hafið!