Orkusparnaður og nýting hugarorku

Ég er að spara orku og sit með kalda putta og lekandi nef hérna við tölvuna sem er keyrð á batteríunum sínum núna. Mun ekki hita neitt upp með gasinu dýrmæta fyrr en eftir klukkan 6. Hvorki vatn né hús. Hef kveikt á einu kerti til að sjá til því það er farið að rökkva. Er búin að læra margt undanfarið um gildi þess að spara orku og þvæ t.d allt á 30 í stað 40 gráðum áður, því það sparar hellings orku. Mæli með að allir fataframleiðendur breyti merkingum í fatnaði og segi að það EIGI að þvo allt á 30 og leggi þar með lóð á vogarskálar orkusparandi aðgerða.

Eina orkan sem ég nota ótakmarkað er hugarorkan enda er hún eitthvað sem eyðist ekki þó maður noti mikið af henni og hún er líka ókeypis. Hugarorku má nota í svo margt. Senda vinum sínum hugskeyti svo þeir fái það á tilfinninguna að þurfa að hringja í mann. Sparar manni helling í símreikninga. Hugarorku má líka nota til að senda frumunum í líkamanum skýr skilaboð um að maður sé heilbrigður og hraustur og þannig má spara sér læknis og lyfjakostnað auk þess að heilbrigt og hraust fólk sparar atvinnurekendum veikindakostnað vinnuafls. Svo maður tali nú ekki um sparnaðinn í heilbrigðiskerfinu öllu saman.  Einnig má nota þessa stórfenglegu hugarorku til að trufla þann sem maður teflir við eins og rússnenskur skákmeistari gerði hér áður fyrr. Ætli maður geti ekki bara sent hinum ýmsu stjórnmálamönnum hugskeyti og látið þá halda að þeir séu bara að fá svona framúrskarandi hugmyndir sjálfir þannig að þeir fari raun að vinna fyrir almenning í landinu???

Það eru í raun engin takmörk fyrir því hvað má gera með hugarorkunni fleira en að spara. Mætti halda að ég væri farin að vinna hjá einhverju sparnaðarráði en það þætti eflaust mörgum skrítið þar sem ég hef aldrei verið þekkt fyrir sparnað. Spyrjið bara bankann minn.

Kannski að þetta séu einhverjar hliðarverkanir af því að eiga skoskan tengdason???

Athugasemdir

[Jón Steinar Ragnarsson, 21.1.2007 kl. 17:23]

Alls ekki eins fjarstæðukennt þetta með hugarorkuna og margir vildu vera láta.  Víst er að maðurinn er það, sem hann hugsar og staða okkar í dag er einmitt þversumman af þessum hugsunum. Það hefur raunar verið sannað af skammtafræðingum að hugurinn er voldugri efninu og eru hér nokkrar ábendingar um athyglisvert efni þessu viðkomandi. 

Heimildamyndina "The Secret"  er hægt að horfa á á netinu fyrir lítið en í raun gengur hún hér manna á millum í "krakkaðri" útgáfu. Hún veitir skemmtilega sýn inn í þetta og vert er að skoða efni tengt þeim, sem fram í myndinni koma.

http://thesecret.tv/

Myndin er eftir sömu aðila og gerðu myndina "What the bleep do we know", sem sýnd var í kvikmyndahúsum í hitteðfyrra og er til á leigum.

Ég bendi þér einnig á bók Bruce Lipton nokkurs "Biology of believe" en fyrirlestrar hann um innihald bókarinnar eru ókeypis á Google Video.:

http://video.google.com/videosearch?q=bruce+Lipton

Bókin "Ask and it is Given" eftir: Esther og Jerry Hicks, staðfesta einnig það sem þú segir.

Njóttu vel 

[Katrín Snæhólm Baldursdóttir, 21.1.2007 kl. 17:32]

Já Jón ég er alveg sammála þér um allt þetta og á auðvitað báðar myndirnar sem þú nefnir og ótölulegan fjölda bóka um það sama. Einnig hef eg mikið sótt fyrirlestra hér úti á vegum ýmissa fræðinga og vísindamanna sem stöðugt líta meir og meir í þessa átt sem er bara frábært.

Takk kærlega  fyrir linkinn á fyrirlestra Bruce Lipton. Hlakka til að skoða það nánar.

[Heiða B. Heiðars, 21.1.2007 kl. 18:34]

Af hverju í fjáranum sagðir þú þetta ekki FYRIR leikinn!! 

[Katrín Snæhólm Baldursdóttir, 21.1.2007 kl. 18:56]

He he..af því ég hélt með hinu liðinu og sjáðu bara hversu vel þessi hugarorka mín virkaði!!!!

[Heiða B. Heiðars, 21.1.2007 kl. 18:58]

Skepna

[www.zordis.com, 21.1.2007 kl. 23:57]

Íslensk orkukvendi geta allt!  Frábært að lesa hér að ofan um myndina Secret en ég var einmitt að kaupa hana og fékk nokkra fyrirlestra í kaupbæti.  Er ekki hugurinn málið!  Kærleikur er máttur og orkan sem við erum að eiga við!  Ef við erum megnug að gefa þá opnum við fyrir ómótstæðilegar gáttir ....