Litfögur regnhlíf yfir Reykjavík.

 

 

 

 

 

 

 

 

 

 

 

Mikið er spennandi að fylgjast með þeim breytingum sem nú eru að verða á landslaginu í pólitíkinni.

Til hamingju Reykjavík og borgarbúar með nýja og spennandi borgarstjórn.

Ég trúi því að hið gamla og úrelta sé nú að víkja fyrir raunverulegum gildum eins og samvinnu, heiðarleika og kærleika.

Við skulum ekki vanmeta hugtök eins og ímyndunarafl,gleði og sköpunarkraft.

Þetta eru sterkustu drifkraftar mannsins og löngu tímabært að færa þau inn í alvöru stjórnmál.  Samfélag sem byggir á þessum gildum er samfélag sem ég vil búa í og leggja mitt af mörkum að smíða.

Gangi ykkur vel kæru borgarfulltrúar hvar í flokki sem þið standið.

Undir þessari litfögru regnhlíf getur allt gott gerst.

Athugasemdir

[Halldór Egill Guðnason, 18.6.2010 kl. 03:31]

Ef þetta heppnast í Reykjavík, allt kjörtímabilið, er þetta ekkert minna en hin tærasta snilld. Vonandi mun hin litfagra regnhlíf heppnast og fólk losna úr viðjum vanans. Með gleðina að vopni heppnast þetta allt saman. Áfram Reykjavík!

Með bestu kveðjum úr Mosfellsbæ, þar sem gott starf fékk áframhaldandi umboð til enn betra starfs. ;-)

[www.zordis.com, 20.6.2010 kl. 11:07]

Engir vegir lokaðir þegar viljinn er fyrir hendi! Knús í sælan sunnudag til þín Katrín mín ...