Jónatan Livingston Mávur. Lítill fugl með stóra ætlun

Man alltaf þann dag sem þesssi litla bók varð á vegi mínum. Lá bara á gólfinu fyrir utan dyrnar á herbergi mínu á heimasvistinni á Ísafirði og sáði fræi í hjartað á mér þegar ég var bara 17 ára.

Var að lesa hana aftur núna og boðskapur hennar á enn erindi til okkar. Fjallar um máv sem vill ekki lengur vera partur af flokknum sem skrækir hátt og berst blóðugri baráttu um ætið. Hann skynjar tilgangsleysi þessarar endalausu baráttu og fer að æfa flugið sitt.  Að geta flogið hærra, hraðar og náð valdi á flugi sínu. Skoða hvað skiptir raunverulega máli. Að þora að feta leiðina og kanna hvað bíður. Auðvitað snýst flokkurinn á móti honum og fuglafjölskyldan leggst öll á eitt að letja hann. Það má enginn vera öðruvísi og skera sig úr.

Mæli með þessari bók. Er einhver bók sem hefur haft meiri áhrif á ykkur en aðrar?

 Eigið góðan dag og fljúgið hátt, hátt!

Athugasemdir

[Guðríður Hrefna Haraldsdóttir, 30.1.2007 kl. 11:52]

Þegar ég var unglingur las ég óhemjumikið (og geri svo sem enn) en bók sem heitir Málsvari myrkrahöfðingjans (e. Morris West) hafði mikil áhrif á mig. Ég hef lesið margar góðar og áhrifamiklar bækur en síðast þegar ég hágrét yfir bók var það Heimsins heimskasti pabbi eftir Mikael Torfason. Hann náði mér alveg ... skömmin! Hendi fleirum inn eftir því sem ég man eftir þeim. 

[Vilborg Eggertsdóttir, 30.1.2007 kl. 16:08]

Já bækurnar The Nature of Personal Reality og Seth Speaks eftir Jane Roberts, við lestur þessara bóka opnuðust loksins, loksins ----- óendanlegar víddir tilverunnar -- eins og að finna vatn í eyðimörkinni, þökk sé Jane .........

[Katrín Snæhólm Baldursdóttir, 30.1.2007 kl. 16:36]

Seth speaks hef ég verið eindregið hvött til að lesa og læt verða að því á næstunni. Önnur bók eftir Richard Back sem Skrifaði Jónatan máv heitir Illusions eða ímyndir í íslenskri þýðingu. Þarf eiginlega að skrifa sérpsitil um hana og hvað hún kenndi mér merkilegan hlut.

Mögnuð alveg þegar maður skilur að hún er ekki ævintýri heldur raunveruleiki.