Fagurt fótabað á föstudegi.

Komdu og fáðu ilmandi og endurnærandi fótabað sem gerir öllum gott. Líka þér. Magnaðar jurtir bundnar töfrum náttúrunnar sem endurnæra þreytta fætur fólks á lífsgöngu.

Merkilegt að eins og maðurinn er mikill eru bara tveir litlir fletir undir fótum okkar sem snerta jörðina. Allt hitt er í lausu lofti. Tábergið og hællinn. Það er allt sem ber okkur áfram og hjálpar okkur að standa upprétt. Og svo viljinn og vonin. En þau eru staðsett einhverstaðar ofar.  Í huganum og hjartanu.

Vona að þú kunnir fótum þínum forráð. Og vitir hvert stefnan er tekin. Suma daga veit ég ekkert hvert ég er að fara. Þá set ég á mig eldrauða skó og elti þá bara. Sá eltingarleikur getur endað á mjög óvæntan og ófyrirséðan hátt. En það er samt oft spennandi að fara slóðir sem ekki eru séðar fyrirfram, þó það geti á köflum gert mann alveg uppgefinn.

 

Athugasemdir

[www.zordis.com, 2.2.2007 kl. 10:26]

Ég hefði betir farið í rauðu hælana mína í gær!  Var alveg uppgefin eftir beislituðu rússkinnskóna.

Já, er þetta ekki dásamlegt hvað við erum stórmerkileg öll sem eitt!  Væri til í svona fótabað, líka nudd, endalausa ást og ró í hjartastað.  

 Ég þarf að taka mikilvæga ákvörðun svo það er spurning hvort ég fari ekki miðsvæðis inn á við bara  

[Hulda Elma Guðmundsdóttir, 2.2.2007 kl. 13:24]

Góðir skór og gott rúm, það er málið. Eg.

[Margrét M, 2.2.2007 kl. 14:54]

þetta fótabað lítur njög fallega út