Fávitar, sykrað popp og eyrnalausir bretar. Jakk!!!!

"I can hear what you are saying" segja bretar þegar þeir eru ekki að hlusta. Þegar þeir svo segja aftur"I can hear what you are saying" og með móðurlegum vælutón eftir að þú ert búin að eyða klukkutímum í að útskýra einföldustu mál fyrir þeim þá getur þú verið viss um að þeir annað hvort skyldu ekkert af því sem þú varst að segja og nota frasann til að breiða yfir heimsku sína eða að þeim er meira en skítsama um þig og þín vandamál.

Óþolandi.

 Mig dreymir um litla eyju þar sem allt er eins og ég vil hafa það. Alltaf. Við landgöngubrúnna stendur. Fávitar bannaðir og landganga aðeins leyfð ævintýralega skemmtilegum englum og búálfum. Hvar ætli bestu eyjurnar séu í dag? Sem fara ekki beint á bólakaf ef það heldur áfram að hlýna?

 Er venjulegt hvað það er vandlifað suma daga? Ég er farin í Bíó að sjá manneskjulega mynd. Eins gott að stúlkan í sjoppunnni láti mig ekki fá SYKRAÐ popp. Þá gæti ég átt það til að verða ókurteis og segja eitthvað mjög hátt sem ég sæi svo eftir síðar.

Best ég fari í relaxing froðubað og maki svo á mig relaxing body lotion í ótrúlega miklu magni áður en ég fer út úr húsi. Ekki veitir af. Það er líka stórhættulegt að keyra undir svona ergelsisáhrifum svo nú fer ég og læt renna...í bað..renna af mér reiðina og ek svo sjálfrennireiðinni örugglega alla leið á mannlegu myndina í bíó. Gott plan.

Athugasemdir

[Katrín Snæhólm Baldursdóttir, 2.2.2007 kl. 21:09]

Takk Guðmundur góði. Sáum  mynd við hæfi sem minnir mann á að halda áfram og gefast ekki upp þó á móti blási um stund. Hún heitir eitthvað Happyness með y. Will Smith og sonur leika saman  fallega feðga. Gott að fólk býr til kvikyndir sem eru ekki bara innihaldslaus froða.

[Jón Steinar Ragnarsson, 3.2.2007 kl. 10:33]

Betra að fá það frá þeim hreint út að þeim sé skít sama um mann.  Í Noregi er það plagsiður mikill að sýna ofuráhuga á öllu sem maður segir og segja svo með ærandi sönglanda: Siger du deeeee! Samt er þeim skít sama. Þeir eru bara svo "vel" upp aldir.

Ekki var þar baðkari til að dreifa til að ná úr sér andstyggðarhrollinum því Norðmenn eru svo praktískir að þeir eru ekki með baðker. Bara "dusj" og maður má helst ekki vera lengi, því þá fer allt heitt vatn af húsinu í klukkutíma.

[Katrín Snæhólm Baldursdóttir, 3.2.2007 kl. 10:39]

Bretar eru að drukkna í reglum og reglugerðum. Ekkert pláss lengur fyrir mannlegan sveigjanleika og heilbrigða hreyfingu. Þetta er svo andstyggilegt að eiga við. Eins og að reyna að tala við múrsteina.