Hangir heimur á bláþræði?

 

Miðað við fréttir er margt í henni veröld sem hangir á bláþræði.

Líf móður Jarðar hangir á bláþræði. Við verðum að gera allt sem við getum til að hjálpa henni með heilsuna. Þ.e ef við höfum áhuga á að vera hér lengur. Sumir eru svo þreyttir á þessu lífi að löngun þeirra til að lifa því hangir á bláþræði. Samfylkingin virðist hanga á bláþræði og eins er um þolinmæði almennings gagnvart vægum dómum gegn barnaníðingum. Hún hangir á bláþræði og Moggamenn eru sammála því. Heilbrigð hugsun Bush Forseta hangir á bláþræði. Von fólks í írak hangir á bláþræði og sumir telja að grundvöllur lýðræðis hangi á bláþræði. Sumir fullyrða að sá bláþráður sé löngu brostinn. Það eina sem ekki hangir á bláþræði er Bloggið. Hérna blogga 6000 manns. Kannski þeir hangi í einhverjum bláþræði?

Ykkur er velkomið að bæta við öllu sem ykkur dettur í hug í athugasemdirnar sem ykkur finnst hanga á bláþræði.

 

Athugasemdir

[www.zordis.com, 6.2.2007 kl. 19:49]

Þessi bláþráður er ótrúlega sterkur!  Væri til í bláþráðadrakt ... Ætla að fá mér svolleiðis og vera í við öll tækifæri!  Bláþráður =  hald guðs við himin og jörð.

[Svava frá Strandbergi , 6.2.2007 kl. 21:07]

Við erum jú öll á bláþræði, þess vegna bloggum við.
En þetta með móður jörð er hrikalegt og það er ekki nóg að nota kraftminni bíla og takmarka mengun úr verksmiðjum
Við verðum líka að huga að því smáa eins og gasinu sem frussast úr öllum spraybrúsunum.
En það er eitt sem ég held að verði líklega erfiðast og það er að fá bæði menn og dýr til þess að draga úr rassgasframleiðslu sinni.

[Hlynur Hallsson, 6.2.2007 kl. 23:00]

Spurning hvort að "bláa höndin" haldi í þennan bláþráð. Ef svo er slitnar hann sennilega. Og það er bara allt í lagi. Bestu kveðjur,