Katrín blinda og kyntröllin

Þórhallur, Fjalar, Sigmar og Steingrímur.

Og hvað eiga öll þessi kyntröll og sjarmar sameiginlegt????

Einhver???  Jú einmitt. Mig. 

Lærði einu sinni ensku í englandi með félögum Þórhalli og Fjalari. Við gerðum nú flest annað en að mæta í skólann. Ströndin og dískóin höfðu sitt aðdráttarafl. Vann svo á Aðalstöðinni gömlu og góðu í nokkur ár með Simma og Denna eins og þeir voru kallaðir áður en þeir urðu virðulegir snyrtipinnar og fjölmiðlagúrúar. Las það í blöðunum að þeir væru snyrtipinnar. Myndi aldrei segja neitt þvílíkt um þekkta menn enda þekki ég þá varla í dag. Var einmitt að commenta á óheppni mína með að hafa verið svona nálægt öllum þessum fögru körlum sem eru að tútna út af hreinum kynþokka, gáfum, skopskyni og hæfileikum og ekki fattað á þeim tíma að þeir væru svona mikið æði. Ég meina hvernig gat það farið framhjá mér að þeir væru FLOTTASTIR??? En þetta var auðvitað áður en ég fékk gleraugun og þeir fóru að lykta svona snyrtilega. Vona að þeir hafi skopskyn fyrir þessu hjá mér. Já. Svona var ég nebbla fræg og óheppin forðum daga. Vona að það hafi ekki eitthvað fleira mikilvægt farið framhjá mér áður en ég fékk gleraugun.

Athugasemdir

[Katrín Snæhólm Baldursdóttir, 10.2.2007 kl. 23:24]

Já Guðmundur. Maður þarf að lesa fólk eins og blöðin. Það segiru sko satt. Eða maður þarf að lesa manninn eins og bloggið hans...hehe.

[Jón Steinar Ragnarsson, 11.2.2007 kl. 00:04]

Já mikið fer maður á mis við fyrir glópsku sína og blindu Katrín mín. Hugsa sér nú ef þú hefðir verið sjáandi og krækt þér í eitthvað af þessum hnossum.  Þú hefðir þurft að vakta hann 24/7 fyrir frygð og fleðrulátum kynsystra þinna. 

[Guðný Anna Arnþórsdóttir, 11.2.2007 kl. 02:18]

Þú ert þúsundafllt betri, það er ég viss um!  Betri í hvað merkingu? Ok, þú finnur það sjálf. Vona að þú sért búin að fyrirgefa mér frumhlaup með birtingu fyrr í dag 

[Svava frá Strandbergi , 11.2.2007 kl. 06:00]

Það er svo merkilegt að allir sem vinna við sjónvarp verða svo flottir/flottar. En þú ert líka örugglega flott jafnt að innan sem utan.

[www.zordis.com, 11.2.2007 kl. 09:04]

Það hefði verið gaman að sjá mynd af þessu fríleikspiltum frá því um árið!  Skemmtilegt grúsk! 

[Katrín Snæhólm Baldursdóttir, 11.2.2007 kl. 09:42]

Það er nú samt bara staðreynd að flest fólk verður fallegra með aldrinum. Það er eitthvað svo sjarmerandi við lífsreynsluna og ummerki hennar. Ég reyndar krækti í hnoss fyrir aldarfjórðungi sem verður  bara meira sjarmerandi með árunum. Og hann var einu sinni í sjánvarpinu að leika í auglýsingu. Var meira að sega fyndinn eins og Chaplin. Á skautasvelli og datt á rassinn svo ég er ekkert að öfundast neitt.