Ímyndir

18.2.2007 | 22:26

Gaman eða leiðinlegt?

Er gaman eða leiðinlegt í þínum bekk? Er ekki merkilegt að sami hluturinn getur skemmt einum meðan hann lætur öðrum leiðast? Hefur það með "hlutinn" að gera eða manneskjuna? Viðhorfið?

Stundum finnst mér eitthvað rosalega skemmtilegt og svo finnst mér það sama hundleiðinlegt.

Það hlýtur að hafa eitthvað með mig sjálfa að gera. Eina sem ég veit sem að er leiðinlegt í mínum bekk er þegar ég er að byrja á túr. Skiptir engu hvað er hvað. Dagana fyrir tíðir er ég ekki ég... heldur geðvond norn sem hefur allt á hornum sér. Og verð ekkert móðguð þegar familían leggur til í blíðum tón að ég fari bara á kaffihús ein og lesi eða eitthvað. Þegar ég svo kem út úr þessu undarlega ástandi er ég auðvitað bara ljós og hvers mannshugljúfi. Yndisleg og skemmtileg með afbrigðum og læt ekkert rugla mitt góða skap.

En spurningin er...er gaman eða leiðinlegt í þínum bekk?

Hvað er hvað og hvers vegna.? Alltaf betra að labba sólarmegin á gangstéttinni. Líka hlýrra. Svo hvar ert þú? Önug norn eða ljómandi ljósálfur?

Smjúts. Galdraseiður og töfraorð...Abracadabra, Hókus Pókus og Verði Ljós!

Flokkur: Bloggar | Breytt s.d. kl. 22:36 | Facebook

Athugasemdir

Já það er það sem ég er að segja. Stundum getur sami hlutur pirrað mig og svo gert mig glaða. Getur verið erfitt að vera kona og þurfa að fara þenna mánaðarlega rúnt. Skemmtilegt að skoða svona kvenna tunglhringi og hvernig tímabilin skiptast.

Katrín Snæhólm Baldursdóttir, 18.2.2007 kl. 22:44

Það er rétt, það skiptir öllu máli hvernig maður sjálfur er upplagður. En það þarf oft svo lítið til að gleðlja mann. Eitt bros, falleg orð eða bara smáknús geta hreinlega bjargað deginum. Sérstaklega svona í skammdeginu þegar batteríin eru lág.

Ásthildur Cesil Þórðardóttir, 19.2.2007 kl. 09:19

Það var bæði skemmtilegt og leiðinlegt í mínum bekk. Í dag er ég ein í bekk og get verið allt í senn, nemandi, kennari, skólastjóri og jafnvel krítartafla. En ég hef kosið að hafa skemmtilegt í bekknum sem ég er í núna.

Hulda Elma Guðmundsdóttir, 19.2.2007 kl. 09:26

Gott hjá Huldu Elmu :)
Já þetta er soldið skrítið með skapið og hvernig maður upplifir hluti. Það er allavega pottþétt ekki hluturinn, heldur maður sjálfur.

gerður rósa gunnarsdóttir, 19.2.2007 kl. 10:13

Einmitt Cesil. Bros getur dimmu í dagsljós breytt Og Elma þú ert sko frjáls kona. Krítartafla er eitthvað sem við ættum flestar að prófa að vera í einn dag eða svo..hehe. Svo er eitt sem bregst aldrei og er mjög mikilvægt og það er að hafa eitthvað til að hlakka til. Tilhlökkun er svo frábær.