Ímyndir

2.3.2007 | 01:18

Ramóna og litagleði vorkomunnar

Ég er að hlusta á alveg yndislega yndælan þátt í útvarpinu og raula lágt með... Ramóna, Ramóna..minn hugur fylgir þér.

Þátturinn heitir Óskastundir og er á dagskrá hvern föstudagsmorgun klukkan 9.05 á Rás 1. Þarna eru flutt gömul íslensk lög. Svona óskalagaþáttur eldri borgara..nei segi svona..en kveðjurnar eru svo krúttlegar og svo lesa Gerður Bjarklind og Stefanía Valgeirs kveðjurnar. Útvarpsraddir sem taka mann langt aftur í tímann þegar allir höfðu tíma. Mæli með þessum þætti hvenær sem þið þurfið á endurnæringu að halda og smá nostalgíu. Hægt að hlusta á hann a netinu eins og ég er að gera núna.

Hvernig er það finnst engum nema mér að heimili megi vera fallegri og glaðlegri á litinn? Núna þegar ég flyt um helgina ætla ég að fylla heimilið okkar af björtum og skærum syngjandi litum

Þetta finnst mér t.d sætt eldhús og myndi nenna endalaust að skola grænmeti þarna og vaska upp með gulum gúmmíhönskum.

Svo finnst mér að vorið megi fara að koma. Trén í götunni eru byrjuð að blómstra og ég bíð spennt eftir blómaskrúðinu sem fylgir vorinu. Þá get ég tínt blóm og sett í skál á stofuborðið.

Eins og þið sjáið er ég að verða búin að fá nóg af vetrardrunganum og vil nú bara litskrúðugt sumar og sól.

Bræðurnir frá Álftagerði sungu.

Næsta lag sem við heyrum fylgir kveðja frá Báru á Björgum til allra ættingja og vina um allt land. Lagið er "Vor í dal". Njótið vel

Flokkur: Bloggar | Breytt s.d. kl. 01:22 | Facebook

Athugasemdir

Úllala .... ég er stundum kölluð Ramona í la familia Ramon heheehheh .... wow litirnir eru lífsnauðsyn kæra Katrín .... Ég íklæðsit sumarkjól að vetri, set púður á kinnar og trítla á hæluðum skóm. Það er gott að baða sig styrkum lit sumars og skil þig. Heima hjá mér er yfir 20° og litlu börnin mín hlaupa um með bros á vör meðan ég er alein í litadýrð Rannveigar Rist Rautt og Hvít lituð rörin.

Ristarleg er ég á heimleið!

www.zordis.com, 2.3.2007 kl. 01:25

Var einmitt að spá í það hvernig tilfinning það væri að fá þúsund komment og allt frá sömu Ramonunni ........ Hvað heitir bærinn þinn?

ég er búin að fá þúsund heimboð til Lon og don en allir sem ég þekki í heimsborginni eru meðlimir hinna írönsku trúliðahreyfingar sem einhvern veginn er ekki að snitta inn í mitt opinbera lútherska, kaþólska hjarta ....

www.zordis.com, 2.3.2007 kl. 01:34

Katrín Snæhólm Baldursdóttir, 2.3.2007 kl. 01:45

Rosalega er nú gaman að vera einn af fastagestum kvöldins

www.zordis.com, 2.3.2007 kl. 01:47

Ég elska liti, var að kaupa mer BLEIKA puma skó ...

en langaði samt að þakka þér fyrir hlýja og fallega kveðju katrín :)

Kleópatra Mjöll Guðmundsdóttir (IP-tala skráð) 2.3.2007 kl. 02:12

Ég vil þakka þér frábæra athugasemd á blogginu hjá mér. Ég gæti ekki verið meira sammála. Einnig þakkir fyrir hugmyndarík blogg þín og fallegar myndir sem mér myndi aldrei detta í hug að birta samhliða mínu kaldhæðna rausi.

Ingi Geir Hreinsson, 2.3.2007 kl. 08:48

..ég keypti mér rúmteppi....... appelsínugult með rauðum og grænum blómum. Verð hamingjusöm bara við tilhugsunina um það.

Hrönn Sigurðardóttir, 2.3.2007 kl. 09:02

Litir spitir, vitiði ekki að Katrín er orðin fræg? Það var kvótað í bloggið hennar í Blaðinu í gær eða fyrradag. Og ekki nóg með það heldur er býr hún í samfélagi celebrittía þar sem eins stúlkan úr Britain's next top model er úr bænum sem Katrín býr í.

Megum við snerta þig?

Ibba Sig., 2.3.2007 kl. 09:42

Það er auðvitað ákveðin fegurðarstaðall sem maður þarf að uppfylla til að búa í mínum bæ. Ég og mín fjölskylda fengum reyndar boðsbréf um að búa hér þar sem fegurð okkar er rómuð um alla evrópu

Það er engi lygi að íslendingar eru fallegastir og frægastir. Veit hins vegar ekkert um hvað þú ert að tala Ibba mín með Blaðið. Væri gaman að fá nánari fréttir af því.

Eins gott að muna að greiða sér áður en maður fer næst út úr húsi.

Katrín Snæhólm Baldursdóttir, 2.3.2007 kl. 11:35

Ahh! Já þetta dregur fram minningar, þegar maður heyrði fuglasöng og öldugjálfur inn um svefnherbergisgluggann sinn. Gúmmískór og dralonpeysa, ekkert sjónvarp og nánast engir bílar.

Eitt tips með litavalið. Mér finnst ráðlegt að hafa umhverfið frekar hlutlaust og lífga svo upp á það með litskrúðugum hlutum, sem færa má úr stað og breyta eftir smekk. Of margir og afgerandi litir á veggjum geta valdið streitu með tímanum. Hugurinn verður að fá ráðrúm til að balansera sig í áreitalausu rými, annað slagið. Maður verður líka fljótar leiður á því, sem er áberandi og grípandi og það getur endað með geðdeyfð þegar fram líða stundir. Heilinn verður leiður og maður skilur ekkert í hvað veldur. Það sem virkar glaðlegt og fjörugt við fyrstu sýn fer fljótlega í andhverfu sína ef maður hefur áreitið stöðugt yfir sér. Less is more segja snillarnir.

Umhverfi heimilis er ótrúlega mikilvægt og getur jafnvel ráðið úrslitum um hvort þú ert með óþekka eða þæga krakka.

Jón Steinar Ragnarsson, 2.3.2007 kl. 11:46

Alveg rétt Jón Steinar...þess vegna er um að gera að hafa færanlegu hlutina í þeim litum sem henta manni hverju sinni..eins og litrík blóm púða og mottur ..og auðvitað málverk. Rauður varalitur getur meira að segja gert kraftaverk á drungalegum degi.

Mér finnast samt minimlaistaheimilin fráhrindandi þegar þau sýna engin merki um að vera mannabústaðir..þar sem er ekki bókalufsa eða prjónadót í augsýn.

En nú má ég ekki vera að því að kjafta og spjalla meira. Þarf að flytja og pakka og þrífa og pissa.

Bæ.

Katrín Snæhólm Baldursdóttir, 2.3.2007 kl. 11:58