Ímyndir

8.3.2007 | 12:11

Ímyndir í tilefni dagsins fyrir okkur öll

Meðan Kristur bar hinn þunga sýnilega trékross gekk María Magdalena jafnfætis honum og bar hinn ósýnilega kross konunnar. Jafnvæn, jafnvíg og jafnvitur.

Svo kom prinsinn og bjargaði prinsessunni úr klóm vonda drekans og þau fóru heim í konungshöllina þar sem þeim var tekið með mikilli gleði og lifðu hamingjusöm til æviloka.

Svo kom prinsessan og drap prinsinn og stakk af með drekanum. Drottningin var mjög ánægð með dóttur sína en vildi ekkert segja konungi strax. Prinsessan og drekinn lifðu sterk og full af virðingu fyrir hvort öðru þótt ólík væru. Lærðu og skildu og fóru svo hvert sína leið vitandi að þau hefðu tengt þráðinn sem myndi aldrei slitna. Hún gæti verið dreki og hann kona....eða jafnvel bara bæði í einu.

Ég vil fá að vera ég eins og ég er . Það er fallegt að vera maður sjálfur. Það er gott að þora að klæða sig, greiða sér og punta sig eins og manni finnst sjálfum fallegast. Eða bara punta sig ekki neitt og greiða sér sjaldan og vera samt falleg. Með lítil brjóst eða stór. Við erum öll falleg. Og eigum ekki að vera eins...steypt í mót heimskulegrar hugmyndar um að einhverjir eigi að stjórna og ráðskast með okkar vald og frelsi. Okkar útlit eða innlit. Verum sterk og falleg. Verum við sjálf.

Getur fiðrildi brotið egg?

Hjarta mittt slær með öllum sem leita frelsis síns.

Megi þeir finna það.

Flokkur: Bloggar | Breytt s.d. kl. 15:32 | Facebook

Athugasemdir

Ohhh ... þú ert svo mikil hugarfluga, Katrín!!! smjúts!

Hugarfluga, 8.3.2007 kl. 14:50

Þú líka!

Katrín Snæhólm Baldursdóttir, 8.3.2007 kl. 15:45

Þú færð mann alltaf til að hugsa, elskan! Það er auðvitað alveg fáránlegt að leyfa einhverjum öðrum að hugsa fyrir sig og stjórna því hvernig manni eigi að líða og þess háttar ...

Guðríður Hrefna Haraldsdóttir, 8.3.2007 kl. 17:19

Sammála.

Kristín Katla Árnadóttir, 8.3.2007 kl. 19:55

Þvílík fegurð í orðum þínum, fegurð sem tyllir sér í net hjartans eins og fiðrildi sem brýtur egg. Hugur okkar er það egg og ekki egg sem við þurfum að brjóta, skapa, finna og vinna. Kærleikur í stóru glasi sem gott er að dreypa af. Þannig er bloggið þitt kæra Katrín.

www.zordis.com, 8.3.2007 kl. 20:35

Ef ég væri ekki svona mikill nagli gæti mér meira að segja þótt þetta hugljúft

Heiða B. Heiðars, 8.3.2007 kl. 21:26

Heiða mín..ég held að þú sért að blekkja þig með þessu nagla tali. Það er ég sem er naglinn. Það þarf sko að vera hörkutól til að þora að vera allt þetta yndislega sem hræðir fólk. Hitt er bara auðvelt. Hef prufað það líka. Smjúts!!