Sæhestur í engli og djöfullinn sem heldur feministum og karlrembum við efnið.

 Æ ..er ekki bara sætt að vera engill með sæhest í hjarta? Það má alveg og getur alveg verið svoleiðis ef manni dettur  það í hug. Svo getur manni líka dottið eitthvað allt annað í hug. Það má líka. Erum við ekki orðin þreytt á að eitt eigi að vera svona og annað hinsegin. Hver setti eiginlega allar þessar reglur sem öllum finnast fáránlegar? Heilt samfélag að fara á límingunum yfir furðulegum dómum..bankaokri..ofbeldismönnum sem mega lemja og meiða og ganga lausir...fólki sem má vinna við eitthvað og fá trilljónir fyrir sem þau kunna ekki af því að þau eiga skyldmenni og svo bara allri vitleysunni sem gengur yfir. Má ég þá frekar biðja um sætan sæhest í engli. Mér finnst það einhvernveginn raunverulegra en allt hitt.

Engin furða að þjóðin sé á lyfjum og kjósi þetta yfir sig eina ferðina enn. Svo haldiði að ég sé skrítin....hehe.

Ég er bara enn einn dropinn í þetta mannhaf sem veit ekkert hvað er hvað í þessari veröld.

Best að finna út úr því áður en ég fer að sofa. Læt ykkur vita ef ég kemst að einhverju merkilegu sem skiptir máli.

Eina sögu las ég einu sinni sem situr í mér. Djöfull að nafni Serafan var sendur til jarðar til að efla úlfúð á milli kvenna og karla. Etja þeim saman og láta þau rífast um gildi sín og metast og saka hvert annað um allt sem ekki var gott og ekki var rétt. Serafan gerði vel. Og gerir enn. Hans tilgangur var sá að láta fólkið gleyma sér í þessum erjum þannig að þau kæmust ekkert áfram og finndu út að samvinnan og gagnkvæmi skilningurinn væri leiðin.

Jamm. Þannig var sú saga. Og er kannski enn.

Athugasemdir

[www.zordis.com, 8.3.2007 kl. 22:29]

Ég kannast við einn Serafin og hann er lögfræðingur .... ekki betra   Sæhesturinn í mér brosir yfir dotlu!

[Guðríður Hrefna Haraldsdóttir, 8.3.2007 kl. 22:44]

Eins og svo oft áður hittir þú naglann algjörlega á höfuðið! Öll þessi orka notuð í að vera á móti einhverju ... eins og þú sagðir um daginn! Gott að vorið er að koma til þín .. hér birtir meira með hverjum deginum og bráðum hættir alveg að vera myrkur á leiðinni í vinnuna á morgnana. Þá sé ég sjóinn minn þegar ég vakna á morgnana en þess hef ég saknað! 

[Doddi - Þorsteinn G. Jónsson (IP-tala skráð) 8.3.2007 kl. 23:07]

Ég segi Serefan stríð á hendur ("I tell Serefan war on hands!") - þú ert alltaf með svo æðislegar myndir - I love them! Engillinn með sæhest er frábær ... væri flott að vera með svona hjarta ... eða með hjarta úr krúsidúllu?

Bestu kveðjur frá Akureyri,

                         Doddi dúlla (alla vega núna.... )
 

[Jenný Anna Baldursdóttir, 9.3.2007 kl. 00:40]

Nú, nú bara djöfullinn kominn í kvennabaráttuna og það á sjálfum baráttu degi kvenna.  Hmmmm..

[Ásthildur Cesil Þórðardóttir, 9.3.2007 kl. 00:51]

Alltaf góð mín kæra.  Og fallegar myndir, þarftu annars að borga fyrir þær ?

[Katrín Snæhólm Baldursdóttir, 9.3.2007 kl. 09:49]

Nei ég verð ekki gjaldþrota gerð af þessari myndafíkn minni. Serafan gerir engan daga mun Jenný..hann bara viðheldur rembingnum og tefur fyrir að við komumst eitthvað áleiðis alveg sama hvaða dag við höldum uppá. Sögur geta oft verið svo gott tæki til að sjá hlutina í annars konar ljósi.