Ímyndir

9.3.2007 | 13:35

Lestu úr lófa mínum

Ég þarf aðeins að skreppa á kaffihúsið mitt. Hjónunum uppi verður ekki í lófa lagið að klára baðherbergið á meðan. Ég hef það svo í hendi mér að koma okkur fyrir fjölskyldunni svo sómi sé að. Það verða engin handalögmál milli okkar hjóna að dekkoreita. Ef hann verður eitthvað þreyttur á mínum smekk fær hann bara handayfirlagningu. Meðan ég geri skyldur mínar legg ég framtíð mína í ykkar hendur og leyfi ykkur að lesa úr lófa mínum.

Gættu svo þinna handa meðan þú skrifar. Hönd eða lönd á fjarlægri strönd sem munu binda okkur bönd.

Flokkur: Bloggar | Facebook

Athugasemdir

Gott er að hafa gull í mund en verra að sitja og horfa í gaupnir sér.

Hvort tveggja eru orð yfir hendur.

Jón Steinar Ragnarsson, 9.3.2007 kl. 14:09

Ertu handviss?

Hugarfluga, 9.3.2007 kl. 14:51

flott mynd ! góða felgi héðan frá Lejre er orðin of riðguð í íslenskunni til að detta eitthvað snjallt í hug á íslensku um hendur !

steina

Steinunn Helga Sigurðardóttir, 9.3.2007 kl. 15:04

Lífssögur eru skrifaðar með línum í lófa sem sumir kunna á dularfullan hátt að lesa. í mínum lófa stendur margt spennandi og línurnar gefa gott til kynna. Vinstri gefur upplagið en í hægri lesa má um útkomu. Eins gott að gera vel úr sínu.

Katrín Snæhólm Baldursdóttir, 9.3.2007 kl. 15:36

Mér finnst líflínan ekki vera nógu löng og of bein. Held að hún sé meira í boga og lengri. En hún er heil og fín.

Ásthildur Cesil Þórðardóttir, 9.3.2007 kl. 16:25

Morgunstund gefur gull í mund. þess vegna er ég ekki rík. Mér gengur oft illa að vakna á morgnana.
En einu sinni fór ég til spákonu sem las úr lófa mér. Hún sagði að ég hefði stjörnu í öðrum lófanum. Það átti að tákna eitthvað voða gott sem ég man ekki lengur hvað var.
En það sem hún sagði annað kom allt fram.

Svava frá Strandbergi , 9.3.2007 kl. 18:21