Haugar af jáum á réttum stöðum.

Svona byrjaði dagurinn..allt á hvolfi og í hrúgum og kössum um allt hús. Og versnaði bara eftir því sem meira drasl kom upp og það leit út fyrir það á tímabili að við yrðum bara að fara á móel og sofa þar svo draslið fengi sitt pláss. En með gula gúmmíhanska að vopni og einbeittan vilja til að gefa í góðgerðarbúðir og sorpeyðingarstöðina tókst okkur að koma okkur fyrir eins og fólk. Og nú er sko allt komið á sinn stað.

Heimili er bara samansafn af þér og þínum í öllum myndum. Okkar er með hrein skúmaskot, pússuð millistykki og röðuðum skrúfum í verkfærakistu. Karl og kvenskúlptúrabodys í baðglugganum og barnaherbergi með engu drasli eða dóti...litum í boxum og ekkert no no undir rúmum. Nýja náttborðið mitt samanstendur af 17 heimsálfubókum sem maður getur lesið allt um allt í heiminum sem er staflað upp og lampi settur á toppinn svo ég geti lesið í rúminu mínu sem smellpassar á milli veggja. Ég pant vera fyrir utan og þurfa ekki að rúlla mér yfir kallinn..hann má hins vegar rúlla yfir mig hvenær sem hann er í stuði. Og eftir svona langan og skuggalega skapandi dag verður kona auðvitað að fara í heitt og gott bað í bláa baðherberginu og blúsa smá með sjálfri sér um framtíðina.

Já og fyrir þá sem hafa áhuga er alveg geggjuð málverkasýning á háaloftinu. Krókurinn að hleranum er þarna á bak við hurð..maður bara krækir og opnar og niður dettur álstigi sem maður klifrar upp og kveikir svo með því að toga í spottann sem hangir níður úr loftinu og voila!!! Heil málverka sýning.!!!!!

 Þetta minnir á flottu sýninguna hennar Yoko Ono þar sem fólk klifraði upp stiga og las eitt lítið já  MEÐ STÆKKUNARGLERI efst í loftinu. Best að setja já á miða þarna uppi svo maður geti verið eins fólkið fræga. Muna bara að segja já oftar og við fleiru í lífinu.

JÁ JÁ JÁ JÁ JÁ JÁ JÁ

Athugasemdir

[Katrín Snæhólm Baldursdóttir, 10.3.2007 kl. 23:18]

JÁ....það er mjög sniðugt og ef maður hefur ekkert að lesa getur maður bara lesið náttborðið. Er ég ekki snillingur??

[www.zordis.com, 10.3.2007 kl. 23:20]

JÁ ... væri til í svona girnilegt bað.  Já, takk!

[Guðríður Hrefna Haraldsdóttir, 10.3.2007 kl. 23:58]

Heheheh, frábært hjá þér. Það tók mig marga mánuði að koma mér fyrir og taka upp úr kössunum. Dugnaðarstelpa!

[Svava frá Strandbergi , 11.3.2007 kl. 00:24]

þú ert aldeilis dugleg að koma öllu í stand á nóinu. þú átt það  svo sannarlega skilið að slappa vel af í baðinu.

[Gerða Kristjáns, 11.3.2007 kl. 00:41]

ohhh ég vona að ég verði svona dugleg þegar ég flyt

[Katrín Snæhólm Baldursdóttir, 11.3.2007 kl. 00:47]

Stundum hefur maður bara ekkert val. Troðfull herbergi af drasli og dóti..sem þarf að vera einhversstaðar..en kemur í veg fyrir að allir geti sofið í rúminu sínu. Frímerki eru ekki rúmgóð...hehe. Nei smá ýkjur. En hér er engin gaymsla eða bílskúr eða neitt pláss fyrir óþarfa svo núna er tíminn að vera bara með það sem maður þarf. Og það er sko fínt sorteringarferli að skoða hvað er í raun nauðsynlegt. Skammast mín fyrir allt draslið og dótið. Bið mannfólkið erum ekki eðlilega söfnunargjörn. En það er auðvitað æði að vera komin á hreint...og regla ársins er að kaupa ekkert nema að það sé sannanlega þ0rf til staðar. Og þarfagreina familíuna betur en áður.