Lítið ljósmagn og dapur dagur.

Það hvílir einhver depurð yfir í dag. Var að lesa um sorgina fyrir vestan og missinn. Sendi mínar innilegustu samúðarkveðjur

Sá myndirí sjónvarpinu hérna í gær um átak þar sem verið er m.a að safna peningum til að hjálpa börnum úti í heimi sem eiga engan að. Búa lifa og sjá um sig sjálf á götum úti jafnvel bara 4 ára gömul. Reyna að hugga sig sjálf þegar lífið og ömurleikinn verður þeim um megn. Steina vinkona mín bloggar um grimmdarlega meðferð á saklausum dýrum. Þetta ber allt að sama brunni og maður verður bara máttlaus. Svo les maður yfir bloggið og það er bara troðfullt af rifrildum og hártogunum yfir hlutum og málefnum sem engu skipta þegar upp er staðið.

Meiri ringulreiðin sem ríkir á þessari blessuðu jörðu. Held við ættum öll að setjast aðeins niður og anda djúpt og horfast í augu við hvað er hvað og hvað skiptir mestu máli. Taka eins og einn dag öll saman og vera hljóð og hugsa. Standa svo upp og byrja upp á nýtt og endurraða og skipuleggja hvað ætti að vera raunverulegur forgangur.

Það hlýtur að vera eitthvað sem við eigum sameiginlegt og getum verið sammála um að þurfi að vera til staðar. Mér finnst þetta bara ekki hægt lengur. Maður á bara stundum fullt í fangi með að ríghalda í það góða og trúa að það sé ljós þarna einhversstaðar. En ég ætla samt að gera það. Þannig má breyta og laga. Trúa og vona. En skrambi gengur þessi þróun hægt..ha?

 

Gullkorn dagsins  Höf K.N

Heimskingjar margir hópast saman

hefur þar hver af öðrum gaman.

Eftir því sem þeir eru fleiri

eftir því verður heimskan meiri.

Athugasemdir

[Jón Steinar Ragnarsson, 14.3.2007 kl. 16:28]

Mæl þú manna heilust kæra vina.

[Guðríður Hrefna Haraldsdóttir, 14.3.2007 kl. 18:18]

Það fer mikill tími og mikil orka í algjört bull ... algjörlega sammála. Þetta var skelfilegt slys. 

[Kristín Katla Árnadóttir, 14.3.2007 kl. 20:11]

Lífið getur verið erfitt og ég óska þess að allir geti lifað í sátt og í samlyndi.

[Katrín Snæhólm Baldursdóttir, 14.3.2007 kl. 20:30]

Það er nefninlega svo merkilegt að flest venjulegt fólk hvar í heiminum sem er þráir það sama.....frið og sátt og samlyndi en einhverra hluta vegna fáum við yfirvöld sem virðast vera á einhverri annarri bylgjulengd og í öðrum leik sem snýst um völd og peninga. Hvar týnist powerið okkar hinna? Við erum svo miklu fleiri sem viljum það sama..en það kemst ekki í gegn.