Sveppur eða sveppir

Þetta moggablogg er  hugsanavilla hvers þess sem telur það mælikvarða á persónulegar vinsældir. eftir því sem fleiri lesa t.d bloggið mitt því hraðar hrapa ég í vinsældum..hehe.

Eftir að hafa skoðað og skilgreint um hvað telur er ég því engu nær. Hins vegar er bloggið gríðargóður völlur fyrir alla sem vilja láta ljós sitt skína sem og skoðanir. Hvað þá þeir sem eru í framboði og eru á atkvæðaveiðum.

 

Allt þarf að vera í jafnvægi. Epli og appelsínur. Perur og kartöflur.

Moggablogg tekur tíma...tekur sér tíma til að láta mann halda að maður þurfi að líta við of oft.

Ég vil ekki líta við of oft. Nema þegar ég sjálf skrifa. Til að tékka á mér. Sjálfhverfan vill taka sér völd.

Sjá hver commentaði á hvað. 

Hver er að gera hvað og hvers vegna. Og hver fyrir mig og hver fyrir þig. Æi.

Sé þetta bara öðruvísi núna í bili....kannski breytist það fljótlega. En hef ekki akkúrat núna löngun til að geysast um á Moggabloggi. Fann eitt mikilvægara. Sem er mitt.

Bloggedí blogg....einu sinni voru þrír sveppir og svo fóru þeir að fjölga sér. Segja hver öðrum að þeir væru frábærir sveppir og þá kom regn og sól og vindur sem hjálpuðu þeim að fjölga sér enn meir.

Þeir héldu að þeir væru góðir og gegnir...af því að þeir voru 3 saman.

Þegar þeir svo vöknuðu einn morgunn og sáu að þeir vorðu orðnir fleiri og flottari vissu þeir að þeir væru soldið.

Það var þá sem ég ákvað að fara bara heim og hvíla mig.

Vil ekki verða sveppatýnslu kerling!

Telja sveppi  hjá öðrum sem eru lika að telja sveppi. Ef þetta er ekki kúl er það vegna þess að ég er algjör sveppur!

Allt þetta sprettur út frá því að í dag skar ég niður sveppi í ómældu magni í Pítur með íslenskri pítusósu......og var að hugsa um hvað er eiginlega að halda manni í einhverju sem manni finnst algjör sveppur.

Sveppasýking?

Best að fara í alvöru að forgangsraða.  Samt svo það verði ekki misskilningur þá gerist margt gott á Moggabloggi. Fallegt og vinakært. Sem ég er ekki að vanmeta. Ég elska að eiga samskipti við bloggvini mína.

Fyrst forgangur og svo sveppir.

Moggablogg bara tekur of mikinn tíma frá konu sem þarf að snúa sér öðruvísi um stundir. Og fara að koma mikilvægum hlutum í verk.

 

Athugasemdir

[svavs, 2.4.2007 kl. 04:09]

já þetta er dágott blogg um að vilja ekki blogga en samt góður punktur hjá þér, ég veit aldrei hvað ég á að blogga um því flest það sem gerist í lífi mínu núna þessa stundina er eiginlega of persónulegt til að setja á netið. en ég reyni að halda blogginu við =)

p.s. góð sveppasaga =)

[Steinunn Helga Sigurðardóttir, 2.4.2007 kl. 05:40]

að mínu mati er blogg góður staður fyrir marga, fyrir þá sem eru einmanna, fyrir þá sem hafa hjartansmál og nota þetta sem leið til að komast út til fólks, fyrir þá sem hafa sorg í hjarta, og hafa þörf fyrir að deila því, það eru margar ástæður að ég held, en þegar metnaður og þörg fyrir að vera séður meir en hinn, þá þarf maður að skoða ástæðu bloggsins,megi ljósið skína á þig, og við sjáumst af og til á blogginu, þegar vindur blæs í hjart

steina 

[Guðrún Þorleifs, 2.4.2007 kl. 06:35]

Góðann daginn Miklar pælingar að vanda. Ég var að spá í hvort það gæri flokkast undir sveppasýkingu eða tölvuvírus þegar bloggið fer að snúast um vinsældir? Bloggið þitt gefur af sér, gleður, vekur til umhugsunar, hreyfir við. Það er ekki lítið  

Ég er búin að blogga í mörg ár aðalega fyrir fjölskylduna. Ég held því bulli mínu áfram. Fór hingað því hér er gott að setja inn myndir. Samt veit ég ekkert hvernig ég á að blogga hér. Gleymi að setja inn myndir og er svona smá klikkuð í þessum tilraunum mínum hér. Mér finnst bloggvinakerfið hér skemmtilegt. Það gerir að maður dettur inn á fólk sem er gaman að "síðuheimsækja" (nýtt orð ).  Skrítið hvernig það eru kostir og gallar við allt. En, ekki hætta alveg að blogga kona Láttu ánægjuna stjórna verki

Knús 

[Katrín Snæhólm Baldursdóttir, 2.4.2007 kl. 09:29]

Auðvitað ætla ég ekki að hætta að blogga. En ég er að eyða of miklum tíma að hanga yfir blogginu á kostnað annars. Verður næstum kvöð að blogga. Hugsa..jiii ég hef ekki sett inn neinn pistil í dag....

Svo bara VERÐ ég líka að fara bloggvinarúntinn minn því mér finnst það svo skemmtilegt og þori alls ekki að missa af neinu þar enda gullmolar í löngum bunum sem gera manni svo sannarlega gott að lesa.  Ég held að það sé vegna þess að ég er heppin með bloggvini.

Svo þarf ég náttla líka að eins að kíkja á þjóðmálaumræðu og um hvað allir eru að blogga. Og þar ofan á þarf ég að kíkja..já ég er svoleiðis......hvort og hverjir hafa kommentað á mína pistla. Og jafnvel svara þeim og gefa komment til baka. Það sér hver heilvita maður og kona að þetta allt tekur tíma. Reyndar hefur bloggið verið mér afskaplega mikilvægt á margan hátt og gefið mér svo mikið. Það sem ég er kannski að reyna að segja er að mín lexía er líklega sú að ég þarf að læra gæða og tímastjórnun... og forgangsraða betur. Á svo auðvelt með að gleyma mér í því sem mér finnst skemmtilegast....

Eigiði góðan og knús

[Ásthildur Cesil Þórðardóttir, 2.4.2007 kl. 09:36]

Alltaf eruð þið eins þú og Prakkarinn, setjir alltaf puttan á nákvæmlega það sem er.  Mestan tíma hjá mér tekur að fara blogghringinn minn.  En það gefur mér heilmikið að hitta fólki sem hefur boðið mér upp í dans.  Góður félagsskapur.  Að setja inn pistil kemur bara einhvernveginn af sjálfu sér.  Af því að mig langar til þess.  En ekki samt vera of mikið í burtu elskuleg. 

[bara Maja..., 2.4.2007 kl. 10:28]

Ohhh eins og talað frá mínu hjarta, nema að ég hefði aldrei getað sagt þetta svona vel !!! ég held að ég hætti bara að blogga og segi alltaf bara "Sammála Katrínu Snæhólm Baldursdóttur" þú ert með þeim betri bloggurum sem ég les! ef ekki best !!

[Katrín Snæhólm Baldursdóttir, 2.4.2007 kl. 18:06]

Auðvitað er bloggið smá hobby fyrir suma..samskipti og tengsl fyrir aðra og fyrir enn aðra metnaðarfull leið til að láta ljós sitt skína..koma á framfæri oft frábærum upplýsingum, vitneskju eða þekkingu. Öðrum finnst gaman að takast á og rökræða og enn aðrir eru á flugi með sköpunargyðjum og ljóðrænum frásögnum. Tilveran , sorg og gleði blandast þar inn sem og hversdagssögur og hvunndagshetjur. Mér finnst bloggið frábært. Og eins og ég á vanda til kann ég stundum að fá "dellu" og verða hreinlega hæúkkt á ykkur. Appelsínur eða epli..skiptir ekki máli...bara það að ná jafnvæginu og gæta hófsins. Alltaf skal kona læra að takast á við nýja hluti í sjálfri sér...

Bara þannig getur hún orðið stærri eða hærri en 1. 68..eða hvað???

[Svava frá Strandbergi , 2.4.2007 kl. 18:39]

Ég er sammála þér Katrín með að bloggið og allt kommentavesenið tekur of langan tíma. Sérstaklega fyrir konu eins og mig sem gleymir tímanum í tíma og ótíma.
En þetta gefur mér eitthvað sem ég er orðin húkkt á. Einhvers konar samkennd og nánd sem skapast á milli bloggvina og margt fleira svo sem.
En nú þarf ég líka að fara að slappa af í bili á blogginu eins og þú.

[www.zordis.com, 2.4.2007 kl. 19:16]

Njóta þess að vera með, lesa og hlusta á hjörtu bloggvinanna er gaman.  Uppáhalds bloggarinn eru margir og öll erum við hér í ólíkum tilgangi og viljum vera sýnileg með einhverju móti.  Stundum er heil færsla komin, hviss bang án þess að hafa gefið því gaum!  Það er alltaf gaman að lesa færslur eftir fólk sem er lifandi og gefandi eins og þú!  Haltu áfram á þínum hraða og ljóma!

[Kristín Katla Árnadóttir, 2.4.2007 kl. 20:04]

Mér er finnst gaman á blogginu ég er mikið ein.

[Guðríður Hrefna Haraldsdóttir, 2.4.2007 kl. 22:11]

Mér finnst bloggið fínt samskiptaform ... tekur reyndar tímann sinn!