Ímyndir

3.4.2007 | 22:41

Vindasamt í kerlingarhaus

Vindasamur dagur. Allar góðar fyrirætlanir fuku út í veður og vind.

Nú er sko fokið í flest skjól segir veðurfræðingurinn og leitar skjóls.

Það fauk bara í mig að heyra manninn láta þetta út úr sér.

Veit maðurinn ekki að á eftir logninu kemur stormurinn. Eða var það á eftir stormi kemur logn?

Hvað veit kona sem er með hárið út um allt eftir rok?

Æ þetta er bara stormur í vatnsglasi segir forsætisráðherrann þegar það hvín í kerlu.

Þannig lauk þeirri stormasömu sambúð stríðs og friðar.

Að leysa vind í lognmollu er ekki kurteisi.

Sunnangolan strauk henni um kinn og kyssti burtu brakandi brosið.

Þessi færsla er vindhögg!

Lognið er best þegar allt er kyrrt og hljótt.

USS!!!

Flokkur: Bloggar | Breytt s.d. kl. 22:43 | Facebook

Athugasemdir

þarna má nú finna nokkur spakmæli

halkatla, 3.4.2007 kl. 22:49

Já, ansi mörg spakmæli að vanda! Sofðu rótt, engillinn minn!

Guðríður Hrefna Haraldsdóttir, 3.4.2007 kl. 23:05

Þetta eru ekki spakmæli.

Þetta eru kannski málshættir í páskaegg suðurnesja manna sem búa í rokrassgati eða fyrir þá sem þurfa að ferðast frá Skaga til Borgar daglega og fjúka reglulega útaf.

Eða kannski bara makspæli

Nú er sko úr mér allur vindur!

Katrín Snæhólm Baldursdóttir, 3.4.2007 kl. 23:08

Góðann daginn!

Hér er lognmolla í mínum haus og logn úti svo ég nenni ekki að gera neitt af viti frekar en vejulega og því ég ætla út að hjóla, sem gæti verið vitglóra ef litið er til þess heilsugildis sem fellst í að hreyfa sig en þegar ég hjóla er alltaf rok hvort sem ég er í mótvindi eða meðvindi því ég hjóla svo hratt og óttast að verða stoppuð einn daginn af pólitíinu sem ekki kann að meta hraðann en ef ég dríf mig slepp ég því tíminn til að lenda í klandri er minni og get get þá kanski náð að athuga hvort bíllinn minn bilaði fær viðgerð sem duga mun til að koma mér og mínum til Berlínar eða hvort við munum þurfa að láta vindinn bera okkur þangað og eiga á hættu að feykjast af leið og þá hvert??? ( anda núna )

Knús úr lognmollunni