Viltu faðma mig?

Ég skrapp á kaffihúsið mitt áðan og hitti þar kæra vinkonu. Meðan ég beið eftir henni kom askvaðandi vinur minn sem ég hef ekki sé lengi og hreinlega faðmaði mig í klessu. Knúsaði og kyssti á báðar kinnar eins og ég væri frönsk yngismær og ég furðaði mig á þessum innilegu móttökum.

Hann sagði mér að hann væri að koma af knús og faðmlagssamkomu og hann væri bara alveg í skýjunum eftir það. Það væri hér stödd dönsk kona sem ferðast um heiminn og faðmar fólk!!!

Er það ekki alveg frábært starf?? Þessi kona er bæði með einkafaðmlög og hópsamkundufaðmlög. Það þykir víst einstakt að fá faðmlag frá henni. Það er heilandi og kærleiksríkt og einstaklega gefandi. Fólk hreinlega endurnærist við að faðma þessa einstöku konu. Hún faðmar líka dýr og tré.

Mér fannst þetta alveg frábært og hef í hyggju að fara og fá svona faðmlag eftir páskahelgina.

En þangað til ætla ég að faðma mitt fólk vel og vandlega og af öllu hjarta því þessi páskahátíð er um að minnast og muna það sem Kristur boðaði. Kærleikann í sinni öflugustu og fegurstu mynd. Kærleika á milli allra manna. Hvernig sem þeir eru á litinn, hvaða menningarheimi eða trúfélagi þeir tilheyra, ungir eða gamlir, góðir eða vondir, litlir eða stórir. Kærleikurinn er fyrir okkur öll og á valdi okkar allra að gefa.

Og nú ætla ég að senda þér huglægt og kærleiksríkt faðmlag kæri bloggvinur og lesandi og vona að þú finnir hvað ég faðma þig innilega og óska þér alls hins besta. Knúsa þig með kærleika og vona að þú látir þetta faðmlag ganga til allra sem í kringum þig eru. Þannig er fallegt að halda upp á þessa páska finnst mér. Og ég tek við öllum faðmlögum sem til mín koma með gleði og þakklæti fyrir að eiga svona fína handleggi og faðm sem passar fyrir hverja og eina einustu mannveru í þessari veröld.

FÖÐMUMST!

Athugasemdir

[Guðríður Hrefna Haraldsdóttir, 7.4.2007 kl. 16:48]

Takk, mér hlýnaði hreinlega um hjartarætur að lesa þetta. Þétt faðmlag til þín á móti!!!

[Jón Steinar Ragnarsson, 7.4.2007 kl. 17:05]

Faðmlag til þín og gleðilega páska elsku vina.

[Ásthildur Cesil Þórðardóttir, 7.4.2007 kl. 17:19]

Stórt knús frá mér.  Það er æðislegt að knúsast. 

[www.zordis.com, 7.4.2007 kl. 17:44]

Hjúts knús með rósrauðum hugsunum til þín um betir heim og falleg faðmlög  handa heimi okkar .... Faðmlag til þín!

[bara Maja..., 7.4.2007 kl. 18:03]

Ég elska að fá knús  Lokaðu augunum... hér kemur stórt knús tilbaka !!!

[Katrín Snæhólm Baldursdóttir, 7.4.2007 kl. 18:19]

Takk!!!!

Þetta virkar svo um munar...ég er bara umföðmuð og glöð að finna þennan kærleika streyma alla leið hingað til Englalandsins míns. Kærleikurinn þekkir nefninlega engin landamæri..og þarf bara hugsun um faðmlag þá virkar hann.

KNÚS! Þetta er bara yndislegt!

[Hugarfluga, 7.4.2007 kl. 19:09]

En knúsileg hugmynd! Hérna kemur stórt og innilegt faðmlag frá fluvunni (((((((((((( Katrín )))))))))))) og í kjölfarið stór koss á ennið !!

[Doddi - Þorsteinn G. Jónsson (IP-tala skráð) 7.4.2007 kl. 19:26]

Elsku besta Katrín ... þú átt svo sannarlega skilið mikið og gott knús. Ég er mjög viss um færni mína í knúsinu og faðmlaginu og get sent þér votta um það, ef þú vilt Nei nei, segi svona ... en án gríns: yndislegt, innilegt og mikið knús og kossar til þín!!! Gleðilega páska, dúlla!

[Kristín Katla Árnadóttir, 7.4.2007 kl. 20:55]

Þú ert dásamleg knús frá mér