Norðvestan rok og Miss Potter með mikilvæg skilaboð til mín.

Unaðslegur sunnudagsmorgun.

Þó það sé enn snemmt svona af sunnudagsmorgni að vera er ég búin að borða morgunmúslíið mitt og hugleiða enn einn daginn af mínu 40 daga prógrammi. 40 dagar eru töfradagar. Það er hægt að umbreyta öllu og komast að nýjum skilningi á þessum tíma. 40 dagar og 40 nætur.

Strákarnir farnir út að spila og keppa í krikketi en við mægðurnar ætlum að kúldrast og horfa á Miss Potter sem var einstök kona sem skapaði einstakar sögur og myndskreytingar fyrir börn. Ég held að þetta sé akkúrat myndin sem ég þarf að horfa á núna.

 Þið vitið.

 Stundum koma til manns bækur eða tónlist..jafnvel dulbúnir englar sem ókunnugt fólk með mikilvæg skilaboð þegar við þurfum á að halda. Ég held að Miss Potter eigi við mig erindi núna. Mjög mikilvægt erindi.

Svo ég hlusta vel og heyri raddir úr fjarskanum og skynja nýjar ímyndir sem leysa upp gamla hnúta.

Lykillinn er í hendi og lásinn opinn. Hlekkirnir uppleystir og það skín dagsljós inn í kytruna.

Tímabært að uppgötva að vindur getur ekki bara verið mótvindur

Hann getur líka verið meðvindur.

Verði Rok!

Miss Potter bíður.

Theodóra mín bíður.

Og ég er hætt að bíða.

Eigið góðan sunnudag með sælu og sálarljósi.

Kirkjusóknin er góð í dag víða um land

 ef fólk leyfir sér að vera í sjálfu sér.

Athugasemdir

[www.zordis.com, 6.5.2007 kl. 09:10]

Dásamlegur Sunnudagur, spænski mæðradagurinn .... Gjafir frá börnunum, rjúkandi kaffi og listsköpun!  Englarnir eru alllstaðar tilbúnir að leiðbeina, bíða eftir kallinu okkar! Kanski ég kalli á listaengilinn til að stýra penslinum ljúfa ....  Eigðu ljúfan dag!

[Kristín Katla Árnadóttir, 6.5.2007 kl. 10:52]

Alltaf gaman að horfa á Miss Potter. Eigðu góða dag mín kæra.

[Hugarfluga, 6.5.2007 kl. 11:24]

Eigðu góðan dag sunnu og megi vindarnir blása þér kjark og líf í brjóst.

[Margrét St Hafsteinsdóttir, 6.5.2007 kl. 12:16]

Eigðu góðan dag og þið öll. Falleg færsla hjá þér eins og alltaf

[Katrín Snæhólm Baldursdóttir, 6.5.2007 kl. 12:58]

Þarna ertu þá Margrét. í nótt biðum við saman eftir gamla blá hafnarfjarðarstrætó. Soúm á horninu neðst á Suðurgötunni og þú svo fín með þinn þykka rauða magnaða makka og varalit. Við þurftum að komast á merkilegan fund eða skóla í breiðholtinu en klukkan var að verða hálftvö og við áttum að vera mættar klukkan tvö. Draumurinn fór svo í að finna út úr þessu öllu saman. Finna símanúmer ..sem einhver ungur maður í sturtu í sérkennilegu húsi hafði undir höndum..til að við gætum  látið vita af þvi að okkur seinkaði aðeins og yrðum að bíða eftir gamla strætó.

Það var gaman að hitta þig aftur Magga mín....þó það hafi bara verið á draumasviðinu.

Já og Miss Potter. Takk fyrir hjálpina. Alveg vissi ég að þú geymdir fyrir mig leyndarmál og minningu. Núna ætla ég að gera mig sunnudags sparifína og rölta upp á kaffihús og hlusta á söngkonu í eftirmiðdaginn. Jamm.

Og ekki gleyma að kjósa í sögu og ljóðakeppninni. Fresturinn rennur út á miðnætti í kvöld.