Gestur að koma að heiman..pöntunarlistinn lítur svona út!!

Ég nudda bara saman höndum og hugsa mér gott til glóðarinnar því það er gestur á leiðinni frá Íslandinu góða á miðvikudaginn. Þetta er það sem okkur bráðvantar hérna megin við hafið.

Remúlaði, remúlaði og remúlaði. Tími kominn á ærlegt pulsupartý.

Já og pítusósa, pítusósa og pítusósa. Tími líka kominn á ærlegt pítupartý.

Flatkökur og hangikjet

Harðfiskur og íslenskt smjer...vinir mínir hér hlaupa út þegar ég opna pokann. Frábær gestafæla.

Skyr og sjúrmjólk

Möndlur

Lambahryggur...MEÐ puru

Norðurljós...skilst að söluverð á þeim hafi aldrei verið hærra

Kosningastemmning og Eurovisionstemmning

Blár Capri

Útisundlaugar...tvær ættu að duga

Fjöll og dal og bláan sand ásamt útsýni yfir hafið

Ráðhúsið..ég þarf að kíkja á hvernig aðstaðan er fyrir sýninguna næsta sumar

Ef það er yfirvigt sendi ég reikninginn á núverandi stjórnarflokka því ég sé að þeir borga ALLT sem fólkið vill núna. Heppin er ég að þetta er nokkrum dögum fyrir kosningarnar.

Já það fæst nefninlega ekki ALLT í útlöndum.

Nú bara vona ég að gesturinn sé einn af þeim sem les bloggið mitt.

Endilega látið mig vita ef ég er að gleyma einhverju mikilvægu!

Athugasemdir

[Jenný Anna Baldursdóttir, 7.5.2007 kl. 17:19]

Hehe hélt fyrst að þú vildir blátt Capri súkkulaði og hugsaði með mér að þú værir búin að búa of lengi úti vegna þess að ég held að það sé ekki til lengur.  Eða var það grænt?? Skil vel löngun þína í ofangreint matarkyns.  Norðurljósin eru stórlega ofmetin (segi sonna).  Síjú og smútsj.

[Guðríður Hrefna Haraldsdóttir, 7.5.2007 kl. 18:22]

Ef ég lauma að þér svona 50 krónum ... viltu þá kjósa Eirík í Evróvisjón?

[Ásthildur Cesil Þórðardóttir, 7.5.2007 kl. 19:58]

Þú hefur gleymt oragrænum baunum, lakkrískonfekti og skyri. 

Verst að það er ekki ég sem er að koma. 

[Ibba Sig., 7.5.2007 kl. 20:05]

Capri súkkulaði  Jenný, hvað ertu eiginlega gömul. Þetta fékkst síðast í búðum hér árið 1873.

En að öðru. Haldiði að maður hafi gott upp úr betli hér á landi? Ég þarf nefnilega að redda mér hellings pening á morgun. Á svo hrikalega kröfuharða kunningja í útlöndum

[Hrönn Sigurðardóttir, 7.5.2007 kl. 20:08]

Ég er nú bara svo græn.....hvað er blár capri?

[Svava frá Strandbergi , 7.5.2007 kl. 20:16]

Nammi, namm, mig langar líka í þetta allt saman enda er ég ekki enn búin að borða kvöldmatinn.
Sendi þér með hraði, rauðu norðurljósin sem ég sá eitt sinn á jólanótt í Arnarfirði.

[Ásgeir Rúnar Helgason, 7.5.2007 kl. 20:22]

Allt sem þú nefndir hér að ofan er satt &

 Oj, oj, hér er einn ofsa gamall = Prins Póló, Rauður Opal, Egils appelsín, ógeðsleg hveitibrauðs samloka með hangiketi eða rækjum, lakkrísrör, Malta, Síríus-súkkulaði með lakkrísræmu, perubrjóstsykur. Oj, oj, oj, hvílíkur viðbjóður - hvílíkur unaður, hvílílur söknuður:

[www.zordis.com, 7.5.2007 kl. 20:26]

Norðurljósin eru eins og jólin .... gaman að upplifa þau sjaldan!  Við skulum ekki falla fyrir sölutrixinu frá því í den

Skrítið með Ísland og allar gjafir þess, þá langar mig aldrei í neitt þaðan, finnst reyndar æði að kaupa mér baunir frá Kaffitár

Simple things are nice!  Hey ... Ég get sent þér 2 sundlaugar, eg á 3 útisundlaugar "honest"  Sendi þær án vatnsins þar sem það er eins og gull Spániá!  Faðmur til þín tilhlökkunarstelpa! 

[Guðný Anna Arnþórsdóttir, 7.5.2007 kl. 21:11]

Ég rifja upp óskalistann frá því ég var í Ammmmríku: Blár opal, grænar baunir, fjallagrasapaté, harðfiskur, lifrarpylsa, Siríus súkkulaði, Malt & Appelsín, hangikjöt, flatbrauð, kæfa frá Reyðarfirði, reyktur lax, graflax-sósa, hörð krónuterta.  Það er eins og maður verði fyrir ákveðnum, afmörkuðum heilaskemmdum þegar maður ferðast til útlanda. Hæhójibbijei og jibbijeijæ, það er kominn.....