Talandi tréð segir ekki orð.

Ég fór og stóð lengi fyrir framan talandi tréð í skógargöngunni minni í morgun en tréð sagði ekki orð. Ekki eitt aukatekið orð.

Horfði bara niður á litla hvíta kanínu sem gerði sig heimakomna upp við stofninn og það vantaði ekki að hún væri til í spjall. Sagði mér frá nýja lekkera bleika jakkanum sem hún fékk á útsölunni í Debenhams og að hin dýrin í skóginum öfunduð hana af glæsileik hennar. "Ég fékk meira að segja stílista til að aðstoða mig við valið. Finna fyrir mig rétta litinn og snið sem hæfi mínum dúnmjúka vexti sagði hún og strauk yfir annað eyrað. Er að spá hvort ég ætti að fá mér eitthvert skart með sagði hún svo hugsi. Eitthvað svona fallegt sem stirnir á í sólskininu. 

"Þú hefðir nú gott af að fá smá aðstoð með stílinn"sagði hún svo og renndi augunum upp eftir mér. Þessir brúnu óburstuðu skór segja til um að þú sért ekki hæf í business, gamlar upplitaðar gallabuxur með uppábrotum og karlmannsflíspeysa gera heldur ekki mikið fyrir þig kona góð. Hvað ertu eiginlega gömul?

Ég leit upp í örvæntingu eftir aðstoð frá trénu mínu talandi og vonaðist að það myndi segja eitthvað viturlegt við þessa heimsku hvítu kanínu.  Að það myndi segja henni að fötin skapa ekki manninn né konuna og að hún ætti bara að sjá hvað ég væri fín og vel tilhöfð innan í mér. Tréð leit til himins og það var greinilegt á öllu fasi þess að það ætlaði ekki að blanda sér í svona eldfimar umræður kanínu og konu. Ég ákvað að taka ekki þátt í þessu. Gat samt ekki á mér setið þegar ég strunsaði heim á leið að gera tignarlega handarhreyfingu og glenna framan í hana neglurnar mínar. Passaðu bara að ég klóri þig ekki sagði ég hvassmælt. Það vita allir sem vita eitthvað um stíl að konan er neglurnar. Og nú sit ég hér með nýlakkaðar neglur. Langar og flottar.

 

 Bara vesen samt hvað ég á erfitt með að pikka á lyklaborðið því þvær þvælast svo fyrir mér. En ég klippi þær ekki. Ekki fyrir mitt litla líf mun ég láta í minni pokann fyrir kanínu í ógeðslega ljótum bleikum jakka. Og ef þið trúið mér ekki.....nú þá er það bara ykkar vandamál.

 Ævintýri gerast nefninlega enn og ég get sannað það

Sko!!!

Og við allar pjattaðar kanínur segi ég bara ...þið ættuð að skammast ykkar að tala svona við næstum hálfrar aldar gamla konu. Og bara svo þið vitið það á ég kjól og hatt og fína skó. En það sem vitur kona veit er að þannig fer kona ekki í skógargöngu. Hnuss!!!

 

Athugasemdir

[Guðrún Þorleifs, 8.5.2007 kl. 11:23]

Takk fyrir skemmtilegann pistil
Geri mér nú, fyllilega grein fyrir því að það er engin skynsemi í að ætla í rósóttu pilsi og skreyttu ömmuhjóli í Töse-Runden. Sei, sei, nei. Nú verða hjólaskórnir teknir fram, hjólabrækurnar og herbahjólabolurinn ásamt hjólahönskum og hjálmi! Vitur kona fer heldur ekki í hjólakeppni í pilsi  

[Kristín Katla Árnadóttir, 8.5.2007 kl. 14:39]

Þú ert svo sniðug og skemmtileg.

[Svava frá Strandbergi , 8.5.2007 kl. 14:58]

Skemmtilegur pistill Katrín, kanínur eru krútt.

[Katrín Snæhólm Baldursdóttir, 8.5.2007 kl. 16:58]

He he fyrst þetta er komið hingað snara ég þessu bara yfir fyrir Þig Jóna mín.

Petra þú ert fínni en syndin

Og gott að þú fórst á Herbó

miklu betra en að fara í skurðaðgerð

á gólfinu með kálfunum.

[Steingerður Steinarsdóttir, 9.5.2007 kl. 11:21]

Snilldarþýðing sem náði meiningunni alveg.