Dansandi dilemma konu

Jæja nú er komið að því að ég fer og leyfi hárgreiðslukonunni minni að komast í tæri við ærið verkefni. Hún þarf a.m.k einn tvöfaldan ef hún á að geta tjónkað við hárstrýið á mér og gert mig glaða. Þetta er mín dansandi dilemma...hvernig hairdo ætti ég að fá mér?. Hvað hæfir og hentar svona kerlu eins og mér?? Ég er hundrað sinnum hræddari við hárgreiðlukonur en tannlækna.

Er ég tískudrós eða tataratýpan?

 Gala eða gleðikona?  Hippi eða hefðarfrú? Hvað haldiði að fari mér best?  Og að maður tali nú ekki um litinn. Rautt eða röndótt? Músabrúnt eða mógult? Svart eða sítt? Toppur eða tjásur? Liðað eða látlaust? Hrokkið eða hangandi?

Er það á konu leggjandi að taka ákvörðun um hárgreiðslu og stíl? Nei ég held ekki og því legg ég hár mitt í ykkar hendur og bið um ráð. Hvernig teljið þið að mér fari best að greiða mér?

 Ég vil taka það fram að ég á ekki greiðu enda nota ég aldrei slíkt tól.

 

Ég treysti á ykkur.

 Eina sem ég fer fram á er að ég verði ómótstæðilega fögur og fín eftir meðferðina og vörubílstjórar flauti á eftir mér á götum úti.

Takk.

 

Athugasemdir

[Hugarfluga, 17.5.2007 kl. 15:58]

Hvernig er hárið á þér núna? Ertu með grunninn í að hægt sé að gera nánast hvað sem er? Skelltu inn einni mynd .. ég get ekki ráðlagt þér með greiðslu nema að sjá þig, woman!!

[Guðrún Þorleifs, 17.5.2007 kl. 18:26]

Ábyrgðarleysi er þetta í þér kona! Treysta okkur blogglýðnum fyrir svo vandasamri ákvörðun! Úff... Hárgreiðslukonan er fagaðilinn, henni áttu að treysta! Mundu bara að segja henni þetta með greiðuna...

Segir þessi sem ekki hefur farið í klippingu síðan í ...... af því að .... veit .... .... ... vill

Vona að sólin sé farin að skína hjá þér, þá gerir minna til ef klippingin klikkar og ef hitinn er líka að lagast, þá gerir heldur ekki svo mikið til þó liturinn klikki

[www.zordis.com, 17.5.2007 kl. 20:02]

Ég ráðlegg þér að djúpnæra þig .... strjúka svo hárið þitt eftir 2 b vítamínskammta og spá .... spekulera ..... spá meira og þá ákveða sjálf útfrá lífsskeiði hvað gæti hentað þér!

Veit nákvæmlega hvað þetta er erfitt og mæ gúddness ég stend í sömu sporum og þú .... Ætla ekki að endurtaka bloggið þitt en þetta kom frá mínu granna hugarstríi! 

[Jenný Anna Baldursdóttir, 17.5.2007 kl. 20:59]

Hafðu hárið wilde og hippalegt með rauðum og gylltum strípum.

[Kristín Katla Árnadóttir, 18.5.2007 kl. 09:46]

Hafðu hárið vild og þú er það flottast svoleiðis og hafðu það gott í dag.

[bara Maja..., 18.5.2007 kl. 13:30]

Hárdilemmur eru skemmtilegar dilemmur, ég elska að fara í hárdú og koma ljómandi fín út... svo lengi sem það nú dugar  þegar ég loka augunum þá sé ég þig fyrir mér dökkhærða með axlarsítt hár, nokkrar dansandi strípur og liðir og lokkar hér og þar... er ég nálægt ?

[www.zordis.com, 18.5.2007 kl. 15:50]

[Ásgeir Rúnar Helgason, 18.5.2007 kl. 22:26]

BLOGGVINIR: Vegna góðra viðbragða við birtingu á þýðingu á smásögu eftir Tolkien (Laufblað eftir Nostra) á blogginu mínu hef ég ákveðið að birta frumsamda smásögu eftir sjálfan mig (sic!) á blogginu. Sagan er hér ef þið hafið áhuga:

[Guðríður Hrefna Haraldsdóttir, 18.5.2007 kl. 22:42]

Bleikt hár? Nja ... annars líst mér ágætlega á sumar tillögurnar hér að ofan.

[gerður rósa gunnarsdóttir, 18.5.2007 kl. 23:13]

Ég skil ekki svona hairdo-pælingar. Það næsta sem ég kemst slíkum kvenlegheitum er að gefa hundum sumarklippingu og kemba ösnunum :)
Annars finnst mér skærbleikur litur á hári ágætur. Hár í öllum regnbogans litum væri líka spennandi. Og bæði stutt og sítt í einu, hér og þar. Afhverju að velja eitthvað eitt þegar maður getur haft þetta allt í einu?

[Guðný Anna Arnþórsdóttir, 18.5.2007 kl. 23:29]

Þú ert hippakona með gala-ívafi, víðsýn, fjörug og fyndin. Getur þó sigið niðrí dálitlar dýfur. Hefur meiri áhuga á kjarna en yfirborði. Kannt best við þig ef hárið er hreint, lifandi, en smart. Nennir ekki að hafa of mikið fyrir þessu, þrátt fyrir gala-ívafið. Hafðu það náttúrulegt með rauðbrúnum og gylltum strípum eins og einhver glöggur stakk uppá hér að ofan.   - Am I a little bit right?

[Ingi Geir Hreinsson, 19.5.2007 kl. 10:40]

Þú ert ósköp einfaldlega fegursta kona sem ég hef aldrei séð.