Sumar með kanilbragði

Jæja..ég er loksins komin heim eftir langa og góða helgi.

Helgi sem innihélt svo margt skemmtilegt og magnað. Það yrði alltof langt mál að skrifa það í einni bunu svo myndbrot og minningar verða að duga.

Lestarferð til London á laugardagsmorgni.

Gengum í gegnum hverfið þar sem Winston Churchill bjó..og komum að undurfagurri kirkju.

Hvernig gátu orðið til hugmyndir fyrir svona löngu í höfði einhvers að byggja slík mannvirki..svo stór og svo fögur með þeirri tækni sem þá var til??? Hvert einasta smáatriði úthugsað og hannað...ein hugmynd sem stendur enn..líklega fyllt blóði svita og tárum. En samt magnificent!!!

Kveiktum á kerti fyrir ættingja sem er veikur og hræddur og ég horfði með lotningu á alls konar fólk sem sat eitt og bað til Guðs fyrir vandamálum sínum eða annara.

Það var bara fallegt.

Héldum svo áfram göngunni í gegnum hverfi hinna ríku...sáum í gegnum gluggana falleg útskorin húsgögn og slæðukennd gluggatjöld og rimla svo engin gæti brotist inn í þeirra helgidóm.

Gamla konan sem hafði komið sér fyrir á götunni var samt ekkert líkleg til neinna stórræða..alein og löngu gleymd öllum samferðamönnum...með gröft í auga og dagblöð til að halda á sér hita. Ég stoppaði hjá henni og lét hana hafa alla mína aura úr vasanum og sagði að ég óskaði henni góðs dags. Hún brosti og greip í hendina mína...enginn talað við hana svo lengi. Ég strauk henni um kinnina..og langaði mest að taka hana heim með mér og pakka henni í rúm. En svoleiðis gerir maður ekki..veit ekki hvers vegna. Finnst samt innst inni að maður ætti að láta sig varða meir. Veit bara ekki hvernig. Hvar á maður að byrja og hvernig endar þetta allt?

Síðan lá leiðin á Body Mind and Sprit festival....og þar var margt að skoða og sjá.

Prófaði Gong bað...sem er svona sound treatment...sem var alveg meiriháttar. Og hitti magnaðan mann sem er frá Kóreu. Matestro OH.  Hann tók mig í einhverskonar orkuthearpy sem heitir Ki.

Potaði í mig á sérstökum orkupunktum og hvæsti...íklæddur bardagaklæðum..en vá!!!!!!

Hvæsti úr mér blokkeringar og orkustopp með látum. Og ég er ekki söm á eftir.

Á stóru sviði voru alls konar fyrirlestrar og uppákomur og ég sá Yoga dans...yndislega fallegur svartur náungi sem dansaði jógað sitt við músík... Svo söng ég með manni sem vildi meina að við hefðum öll okkar fallegu rödd falda undir feimninni...og hlustaði á músíkkanta með gítara og fiðlur. Borðaði Hare Krishna mat og drakk jurtaseiði sem gera manni gott. Náttúran var í hávegum höfð...Englar og orkuvinna í margskonar formi..bækur kristallar og heilanir í öllum básum. Sumt mjög áhugavert en annað minna áhugavert fannst mér.  Hver velur fyrir sig hvað hentar. En upplifunin var sú að það er margt gott til í henni veröld.

Hjálpin þín er einhvers staðar til í þessum heimi.

Þú þarft bara að leita og finna hvað er fyrir þig.

En svo sannarlega er hún þarna einhversstaðar. ALLTAF.

Er núna að hlusta á yndislega söngkonu í sjónvarpinu ...hún syngur...

"Summer came like cinnamon...somehwhere....

Three little birds sat on my window and they told me I dont need to worry"!!!!

Ég hef ákveðið að trúa því.

 

 

 

Athugasemdir

[Jóna Á. Gísladóttir, 28.5.2007 kl. 01:32]

Hugsaðu þér hvað þú hefur skilið eftir djúp spor í hjarta þessarar konu. Fallegt.

[Hrönn Sigurðardóttir, 28.5.2007 kl. 08:35]

Yndislegt

[Ásthildur Cesil Þórðardóttir, 28.5.2007 kl. 09:46]

Vá en gaman að fá að fylgjst með þessu.  Katrín mín þetta er svo sannarlega yndislegt að lesa svona fyrst á morgni, það fylgir manni út í daginn.

[Jenný Anna Baldursdóttir, 28.5.2007 kl. 09:49]

Dásamleg byrjun á degi elsku vinkona.

[Maja Solla (IP-tala skráð) 28.5.2007 kl. 11:22]

"Ég strauk henni um kinnina..og langaði mest að taka hana heim með mér og pakka henni í rúm. En svoleiðis gerir maður ekki..veit ekki hvers vegna."
Einmitt, hvað hefur maður ekki oft hugsað svona.
En hvað er það sem stoppar mann?
Hvers vegna tekur maður ekki af skarið, sýnir gott fordæmi, bjargar degi einhvers vesalings? Þarf ekki nema eina súpuskál og smá spjall...
Allavega held ég að manni myndi líða ansi vel á sálinni eftir á.

[Steinunn Helga Sigurðardóttir, 28.5.2007 kl. 13:13]

dásamleg lesning, þú hefðir bara átt að taka hana með heim, og pakka henni í rúmið,

Ljós til þín og takk fyrir góða dagsbæn

steina 

[Guðrún Þorleifs, 28.5.2007 kl. 13:43]

Þú ert alveg snillingur í að lýsa lífinu. Takk fyrir þennan pistil

Knús frá Als 

[bara Maja..., 28.5.2007 kl. 14:11]

Æji þú ert svo bara eitthvað ólýsanlega yndislega falleg eitthvað !

[www.zordis.com, 28.5.2007 kl. 15:18]

Frábær lesning eins og þér einni er lagið!  Ég mun svo kjósa í spennandi kosningu i færslu hér að neðan!  

Er öll útbíuð í málningu en varð að kíkja við

[Jóna Á. Gísladóttir, 28.5.2007 kl. 16:05]

ekkert að þakka Katrín mín. Gaman að ''hjálpa'' án þess að einu sinni vita af því. Þorvaldur er frábær að mínu mati og hefur opnað nýjan heim fyrir mér. Ég furðaði mig einmitt á því hvað keppnin þín var nákvæmlega eins og verkefnið sem við fengum í síðasta tíma hahaha (auðvitað ekki sömu myndir/orð) en taskið var eins.

knus og klem.

ps. ég hugsa að þú verðir að setja inn færslu til að minna á kosninguna. fólk er að koma úr helgarferðalögum í kvöld, sumir ekkert kíkt á bloggið yfir helgina og aðrir búnir að gleyma ævintýrablogginu þínu eftir þessa hrífandi færslu hjá þér hér að ofan.

[Guðný Anna Arnþórsdóttir, 28.5.2007 kl. 23:05]

Vá, segi bara vá. Ég held að þú sért meira lifandi en flestir. Svona súperlifandi með alla viðtaka opna.