Ímyndir

3.8.2007 | 14:20

Næstum 50.000 heimsóknir og íslensku sumarveðri stolið beint fyrir framan nefið á verslunarmannahelginni.

Hver hefði trúað því fyrir nokkrum mánuðum að ég færi að blogga???

Ekki ég!

Mér fannst fólk sem skrifaði opinberlega um sig og sína vera ferlega hugrakkt og ófeimið. Þar sem ég er svona týpa sem finnst best að sitja í hornum og láta lítið fara fyrir mér gat ég engan veginn séð fyrir mér að gerast bloggari. En það var samt eitthvað sem togaði í mig..og kannski þurfti ég bara að taka skrefið og þora að sýna mig og sjá aðra frá nýjum sjónarhornum.

Þetta er búinn að vera rosalega skemmtilegur og gefandi tími og hér hef ég kynnst dásemdarmannverum. Ætlum meira að segja nokkrar bloggvinkonurnar að halda listsýningu í ráðhúsinu næsta sumar. Sú hugmynd og sambönd urðu til hér á blogginu. Og núna sé ég að heimsóknirnar á síðuna mína eru að nálgast 50.000...ótrúlegt!!!

Í tilefni af þeim merka viðburði langar mig að biðja gesti og gangandi að kvitta í gestabókina. Oftast eru það naglfastir bloggvinir sem skrifa athugasemdir..en ég er forvitin að heilsa líka upp á hina sem kíkja við öðru hverju.

Eitt sem hefur verið svo skemmtilegt við það að vera að blogga eru þessi endurnýjuðu tengsl við alls konar fólk úr fortíðinni. Fólk sem maður var með í skóla eða vinnu...sem sendir allt í einu mail og segir af sér fréttir og sendir kveðjur.

Yndislegt bara.

Jæja...núna eru íslensku gestirnir alveg að fara að lenda í englandi..tóku með sér sumarsólina og hitabylgjuna sem nærir okkur og hitar eftir afskaplega blautt sumar.

Ekki gaman að tjalda hjá ykkur núna..er það nokkuð? Stefán frændi okkar nefninlega gerðist svo kræfur og pakkaði sumarsól og veðri og lofaði að koma með með sér hngað til englands..og viti menn. Hér er komin blíðan, sólin og hitabylgjan og við erum farin að dansa kónga í garðinum!

En ég ætla sko að halda áfram að blogga með Mogga um allar mínar skrítnu hugmyndir og upplifanir. Skrá niður þegar óvæntir atburðir gerast bæði sýnilegir og ósýnilegir.

Hver veit svo í hvaða átt lífsins örvar fljúga með mig næst???

Takk fyrir mig segi ég nú bara og er verulega kurteis í hjartanu.

Þið hafið hlýjað mér þar.

Flokkur: Bloggar | Facebook

Athugasemdir

Hafið það nú öll reglulega gott í sólinni Katrín mín. Ekki seinna að vænna að þið fáið sól í Englandinu. Þú hefur líka hlýjað mér.

Svava frá Strandbergi , 3.8.2007 kl. 16:43

Takk fyrir bloggin, ég vonast til að sjá mörg fleiri í framtíðinni. Smúútsj.

Ingi Geir Hreinsson, 3.8.2007 kl. 17:03

Jæja allir lentir heilu og höldnu og Stefán með sólina nú hef ég ekki áhyggjur því hann er í fullkomnum höndum.

En Stefán tók líka með sér myndavél og þú mátt gjarnan minna hann á að nota hana svo ég tali nú ekki um þegar þið verðið öll saman á morgun við hugsum til ykkar

knús knús á gistheimilið GRINSTED ala´kataóli

Hulda Bergrós Stefánsdóttir, 3.8.2007 kl. 17:42

Loksins kom góða veðrið til Englands, þótt fyrr hefði verið! Hér er bara heimilislegt veður, rok og rigning víða. Fullkomið á Skaganum og fallegar öldur.

Guðríður Hrefna Haraldsdóttir, 3.8.2007 kl. 19:04

Æi mætti blása meira hér if you ask me. Til hamó með allar heimsóknirnar. Ég er auðvitað fastur lesandi.

Takk fyrir mig kjútípæ.

Jenný Anna Baldursdóttir, 3.8.2007 kl. 20:15

til hamingju með innlitin öll - og bloggið þitt - og óska okkur til hamingju með þig. Eruði nokkuð að fara að æla?

Guðný Anna Arnþórsdóttir, 3.8.2007 kl. 21:55

Hrönn Sigurðardóttir, 3.8.2007 kl. 23:22

Enda ekki leiðinlegt að sækja þig heim, Katrín mín. Vonandi hættirðu aldrei að blogga.

Hugarfluga, 3.8.2007 kl. 23:49

Ég er einlægur aðdáandi

Marta B Helgadóttir, 4.8.2007 kl. 00:17

Hingað er alltaf gott að koma Katrín mín. Og vonandi færð þú sól og yl núna. Ég er alsæl með þessa rigningu sem kom í kvöld loksins. En vona að það verði sól á morgun þegar hún litla frænka mín og bloggvinkona Sunneva giftir sig. Hún er hér á moggabloggi, svo þið getið heimsótt hana og óskað til hamingju. http://sunneva.blog.is/blog/sunneva/ Þessi elska ætlar að gifta sig á morgun kl. 5.

Ásthildur Cesil Þórðardóttir, 4.8.2007 kl. 01:12