Ég er ekki ég þegar ég syng...get svo svarið það!

Þetta er ekki venjuleg bloggfærsla...þetta er bara hugarburður eða upplifun!!!!

Ég er nefninlega í sumarfríi og fer bara um lönd og strendur og leik mér þessa dagana enda er hér sólargeisli sem yfirgnæfir minningar um rigningar og syndaflóð.

Maður verður alltaf að horfa á það jákvæða.

 Grænu regndropastígvélin eru vel geymd í skúrnum og nú er bara labbað um jarðir og sanda á glitfögrum sandölum og með bleikan dúk um sig miðja og sólarvörn númer 15. Var í þessum töluðu orðum að syngja minn svanasöng með því að taka þátt í singstar og syngja barbie girl og algerlega fyrirgera öllum rétti mínum í popidol framtíðarinnar.

 En mikið skemmtu þau sér vel sem á horfðu.

Kannski einn góðan veðurdag verða þessar söngminningar bara fallegar

og ég get borið höfuðið hátt og sagt..."Já þetta var ég sem söng Barbie girl svona fallega"

Þangað til gref ég haus í sand og afneita öllu!!!!

Þegar þið sjáið vídeó á youtube af konu sem fer hamförum í söng þá er það tengdó á þriðja rauðvínsdropanum..ekki ég!!!

 

 

Athugasemdir

[Hulda Bergrós Stefánsdóttir, 7.8.2007 kl. 22:41]

SKÁL  

[Guðný Anna Arnþórsdóttir, 7.8.2007 kl. 22:49]

Sól, faktor15, rauðvín og Barbie. How good can it get?

[Svava frá Strandbergi , 8.8.2007 kl. 01:43]

Já skál fyrir þér.

[Kristín Katla Árnadóttir, 8.8.2007 kl. 10:26]

[Kristján Kristjánsson, 8.8.2007 kl. 13:31]

[Marta B Helgadóttir, 8.8.2007 kl. 15:49]

Skál  og njóttu vel.

[Anna Ólafsdóttir (anno) (IP-tala skráð) 8.8.2007 kl. 22:06]

Er ekki frekar næsta skref að hringja í Einar Bárðar og segja honum að hann geti alveg sleppt öllu þessu veseni við að finna nýja Nylon söngkonu, nýja Nylon stelpan sé að að tala við hann right this minute???

[Katrín Snæhólm Baldursdóttir, 8.8.2007 kl. 22:13]

Ertu að tala um moi???

Ég er æðisleg í nylonsokkum...og ég er mjög skemmtileg þegar ég syng. Er ekki alltaf sagt að þetta sé spurning um útgeislun en ekki  bara sönghæfileika?

Ég meina fólkið hérna er enn að hlægja ég skemmti þeim svo mikið með söng mínum um Barbie. Þau lofa að þetta verði komið á youtube um leið og ég segi þeim hvar ég faldi upptökuna..