Jæja, magapína og fiðrildaveisla

Jæja.

Og aftur Jæja.

 Núna er kominn tími á að segja aldrei aftur jæja.

Jæja er einhvernveginn svona orð sem er sagt í óþolinmæði og þar sem hlutir eru ekki að gerast alveg á réttum hraða.. Svona.."Jæja eigum við ekki að fara að koma" ...eða ´"jæja fer ekki maturinn að verða tilbúinn". Þess vegna á þetta orð ekki við hjá mér lengur. Það er nefninlega ekki eftir neinu að bíða!!!

Við erum búin að vera að vinna hörðum höndum að verkefni sem nú fer að líta dagsins ljós. Öll gögn og kynningar verða tilbúin í byrjun september og þá verður verkefnið okkar Óla kynnt. Óli er lífsförunautur og sálufélagi minn. Það er mikið búið að læra,stúdera, þjálfa sig og safna reynslu og þekkingu til að ná þessu marki.  Í meira en 20 ár á fjölda mörgum sviðum.  Og í gegnum besta kennarann...lífið sjálft.

En nú er bara alveg að koma að þessu.  Má segja að við séum að tala um lífsverkefnið mitt/okkar. Er alveg með fiðrildi í maganum sem stafar bæði af eftirvæntingu og smá svona spennu tilfinningu um hvað gerist svo í framhaldinu......er samt búin að sjá fyrir mér í mörg ár hreint magnaða útkomu.

Sem ég trúi einlæglega á að sé einstök og muni hjálpa svo mörgum með svo margt.

Og ég veit svo í hverri einustu frumu innra með mér að akkúrat þetta er lífið, starfið og ég í einum pakka. Mér líður eins og marmara sem búið er að höggva utan af og í ljós kemur....ÉG!!!!

Tilbúin eftir margar fíniseringar og stærri og smærri lagfæringar á öllum sviðum til að láta ljós mitt skína.

 Magapína.

Hafið þið hugsað um hversu mörg frábær verk urðu aldrei að veruleika eingöngu vegna þess að fólk fékk magapínu af tilhugsuninni einni saman?

 Ég er með magapínu og fiðrildi.

Sterka ætlun og titrandi hjarta

Vissu og vongleði

Hamingju og hughreysti

Mig í eigin höndum.

Fullskapaða

 

 

Athugasemdir

[Guðný Anna Arnþórsdóttir, 14.8.2007 kl. 11:21]

Vá, hvað þetta hljómar stórfenglega. Í orðsins fyllstu. Sendi þér árangurs - og styrktarkveðjur!  Spennandi að fylgjadt með því hvað þetta í rauninni er.....

[Guðný Anna Arnþórsdóttir, 14.8.2007 kl. 11:22]

- fylgjassssssst....átti þetta að vera...

[Inga Helgadóttir (IP-tala skráð) 14.8.2007 kl. 11:57]

Já hugsa sér hvað magapína getur haft mikil áhrif og drepið mörg sköpunarverk.  Spennandi að sjá útkomuna hjá ykkur Óla.

[Rebbý, 14.8.2007 kl. 12:48]

verður spennó að sjá hvað veldur magapínunni og fiðrildunum

[Steinunn Helga Sigurðardóttir, 14.8.2007 kl. 13:25]

ég tek undir með guðnýju, það verður spennandi !

það er ekkert betra en lífsförunautur sem er með manni í gegnum lífið og hjálpar manni að slípa kanta og vankanta, og hjálpar manni að finna égið !

Gangi ykkur best !

þér og óla !

AlheimsLjós til þín

steina í Lejre

[Jenný Anna Baldursdóttir, 14.8.2007 kl. 14:31]

Bíð með öndina í hásli.  Smjúts.

[Jóna Á. Gísladóttir, 14.8.2007 kl. 17:37]

En spennandi. og hvenær fær maður að vita meira.

þetta gullkorn er bara frábært. Ætla að muna það.

[Marta B Helgadóttir, 14.8.2007 kl. 18:16]

Hlakka mikið til að sjá útkomuna 

[Kristín Katla Árnadóttir, 14.8.2007 kl. 20:24]

Þetta verður spennandi.

[Þröstur Unnar, 14.8.2007 kl. 20:30]

Jæja, þetta verður gamanhjá þér.

[Katrín Snæhólm Baldursdóttir, 14.8.2007 kl. 21:15]

Já ég leyfi ykkur að fylgjast með.  Alltaf svo gaman að koma einhverju endanlega saman sem hefur verið lengi að fæðast.  Gaman að hafa fiðrildi í maganum...

[Ásthildur Cesil Þórðardóttir, 14.8.2007 kl. 22:26]

Já endilega leyfðu okkur að fylgjast með Katrín mín.  Þetta er spennandi. 

[Katrín Snæhólm Baldursdóttir, 15.8.2007 kl. 00:13]

Hef bara of lengi verið að fela mig og fyrir hvað ég stend og hvað ég er að gera dagsdaglega. Það er alveg að verða tímabært að standa upp og taka sér stöðu. Og gera sitt. Bara þannig.