Back to normal....Sound of Music!

Tónlist hússins leikin fyrir heimaganga.

Einu sinni stúderaði ég áhrif tónlistar á fólk,flugur og plöntur.

Klassísk tónlist hafði þau áhrif á appelsínur þar sem þær voru ræktaðar með undirspilin að það var 25% meira c vítamín í þeim sem fengu klassíska tónlist að hlusta á. Kýr mjólkuðu líka betur með klassískri tónlist.

Blóm brugðust mjög misjafnlega við mismunandi tónlist. Flest þeirra drápust við síendurteknum rokktónum en besta tónlistin fyrir þau til vaxtar var barrokk tónlist og indverskur shítar. Það átti við um öll blóm nema Afrísku Liljuna. Hún dafnaði undir allri tónlist. Algjör töffari sú jurt!!

Tónskáld sem samdi undurfagra tóna undir þakskeggi tók eftir að lítil könguló kom alltaf niður í þræði og hlustaði best á millikaflann í tónverkinu sem hann var að semja. Lét sig svo hverfa eftir þá hlustun.

Hvaða tónlist finnst þér best að hlusta á???

Og af hverju?

Hvað gerir hún fyrir þig?

Athugasemdir

[Anna Einarsdóttir, 5.9.2007 kl. 22:45]

Indíánatónlist.... veit ekki af hverju... bara heilluð af því.

Harmonikkutónlist.... af því að pabbi spilaði á nikku og ég ólst upp við þannig tónlist.

Klassík....  sérstaklega þekkt tónverk

Allskonar tónlist sem var vinsæl á mínum unglingsárum.... minningarnar sko. 

En þú Katrín ?

[Hulda Bergrós Stefánsdóttir, 5.9.2007 kl. 22:57]

Gæti ekki lifað án hennar

Líkar best þegar rafvirkinn situr í stofunni á dimmum kvöldum  og glamrar á gítarinn sinn

[Katrín Snæhólm Baldursdóttir, 5.9.2007 kl. 22:58]

Allskonar klassísk verk..trumbur og trommur með miklum karfti sem tengja við jörðina...gregoríska munkatónlist...drengjakóra....indíánatóna....englasöngva og allskonar popptónlist og rokk. David Bowie er einn af mínum uppáhalds sem og Kóratónlist. Ég er eiginlega alæta á tónlist og ég fæ mikið út úr að hlusta á Óskastundir á Rás eitt vikulega.  Tonlist er bara himnesk!!!!!!!

[Katrín Snæhólm Baldursdóttir, 5.9.2007 kl. 23:01]

Sum tónlist bara lyftir andanum í hæstu hæðir....lætur mann fljúga og tengjast!!! Og ég sem get ekki spilað á eitt einasta hljóðfæri og syng eins og hræddur hrafn!

[Guðríður Hrefna Haraldsdóttir, 5.9.2007 kl. 23:07]

Háklassísk kórtónlist er í mestu uppáhaldi, líka rokk og rapp ...

[Jenný Anna Baldursdóttir, 6.9.2007 kl. 00:12]

Allt nema blöðrupopp og tónlist a la Atli Heimir Sveinsson.

Mest: Bowie, Bítlar, Stóns, Van Morrison æi þetta er ekki hægt.  Hættu að spyrja svona kona.  Muhahaha

[www.zordis.com, 6.9.2007 kl. 08:52]

Man hvað mér þótti Sound of Music skemmtileg söngvamynd!  Tónlist almennt er yndisleg, misgóð eins og gengur og gerist.

Afríkutónlist hefur leitað til mín

Klassísk tónlist hreint yndisleg og svo er meiriháttar að fara á Lúðrasveitartónleika .... það er bara eitthvað sem gerist í ysta lagi húðarinnar við svoleiðis upplifun!

Emma Sjaplin er í miklu uppáhaldi

Svo var ég t.d. að fá Lummudiskinn og hann er bara kúl Góð tónlist er eins og væn vítamínsprauta en getur líka verið stíngandi ... s.s. dauðarokk og kattarvælstegundin!

[Ibba Sig., 6.9.2007 kl. 17:35]

Ha Jenný?  Atli Heimir er snillngur, já ég segi og skrifa snillingur!

Fáir Íslendingar hafa skapað jafn mikið af jafn fallegri tónlist og hann, maðurinn hlýtur að vera tengdur beint til himna.

Heldurðu að þetta séu ekki bara fordómar í þér?

Ég er ekki nægilega dugleg að hlusta á tónlist, mest bara kallinn að glamra á gítar eins og Hulda hér að ofan. 

 Bowie og Sting eru þó mínir menn, sem og Bubbi þegar hann var  ungur og reiður. 

[Katrín Snæhólm Baldursdóttir, 6.9.2007 kl. 18:02]

"Og strútarnir stinga höfðunum í eyðisanda" þetta er ljóðlína úr tónverki eftir Atla Heimi..og ég gæti jafnvel talsungið hana ef ég hefði hljóðbók hérna fyrir ykkur

Pavarotti er nú allur..einn af mínum uppáhalds. Hann fer eflaust beint til himna til að gleðja englana með sinni himnesku röddu.