Hljóð bæn húsmóður fyrir mannréttindum og frelsi fólksins í Burma

Ohh hvað það er ömurlegt að vera bara húsmóðir úti í heimi og horfa upp á hvernig illskan rænir völdum yfir mannlegri reisn og réttlæti...að illvirkjarnir ráðist gegn friði og frelsi án þess að veröldin bregðist við af krafti. Og að þeir sem við höfum kosið til að fara fyrir þessum gildum fyrir hönd þjóðarinnar séu svona máttlausir í mannrétttindabaráttu þeirra sem eru troðnir undir skítugum skóm aflanna sem við viljum ekki sjá. Við ættum öll sem eitt að flykkjast út á götur og stræti til að standa saman í þögn og sýna þessu hugrakka fólki samstöðu og um leið að krefjast þess að við tökum skýra afstöðu gegn öllum mannréttindabrotum á þessari jörð.

Setjum a.m.k eitthvað saffranlitt í gluggann hjá okkur svo allir geti séð að hjarta okkar slær með fólkinu í Burma og förum með hljóða bæn að réttlætið og friðurinn sigri að lokum.

Athugasemdir

[Þórður Runólfsson (IP-tala skráð) 26.9.2007 kl. 12:35]

Hjartanlega sammála

[Ragnhildur Jónsdóttir, 26.9.2007 kl. 12:53]

Heyr heyr

[Katrín Snæhólm Baldursdóttir, 26.9.2007 kl. 12:57]

Var að lesa það í blöðunum hér að ógnarstjórnendurnir hafa tekið til þess bragðs að krúnuraka nokkra af sínum mönnum og klæða þá í saffranlita kufla og lauma þeim í raðir mótmælendanna til þess eins að gera uppsteyt innan frá og gefa þar með hernum ástæðu til árásar. Þeim er ekkert heilagt þessum andskotum. Vil bara hvetja alla sem þetta lesa að setja eitthvað saffranlitt í gluggann eða þar sem það sést og sýna þannig samhug og stuðning. Það hjálpar líka að senda ljós í aðstæður og blessun. Sérstaklega ef það er sent á þá sem vita ekki hvað þeir eru að gera!!!

[Heimir Lárusson Fjeldsted, 26.9.2007 kl. 13:02]

Ljótt mál.

Falleg hugsun hjá þér.

[Steinunn Helga Sigurðardóttir, 26.9.2007 kl. 14:29]

geri það, og ég er hjartanlega sammála þér. það er samt svo frábært að sjá þegar fólkið sjálft grípur til sinna ráða og mótmælir. þetta minnir mig svolítið  á afríku og nelson mandela. það er betra þegar hlutirniir gerast á þennan hátt en með innrásum utan frá eins og í iraq og afganistan !

ljós til þín

steina 

[Ingi Geir Hreinsson, 26.9.2007 kl. 15:33]

Ég á bara ekki neitt sem er saffranlitað, en hugurinn ber mig hálfa leið. Nú er bara tímaspursmál hvenær fjöldamorðin hefjast. BÖÐLAR TIL HELVÍTIS MEÐ YKKUR.

[Ragnhildur Jónsdóttir, 26.9.2007 kl. 16:10]

Ég er með saffran rautt blóm í glugganum. Sendi ljós og fyrirbæn í aðstæðurnar. Ég er sammála, ég held að eina vitræna leiðin til friðar er að beita friði og friðsamlegum aðgerðum. Það er ekki hægt að berja fólk til friðarhugsunar ...

ljós og englar.......  

[Ásthildur Cesil Þórðardóttir, 26.9.2007 kl. 16:43]

Já megi allir góðir vættir vera með þeim og vernda. 

[Svava frá Strandbergi , 26.9.2007 kl. 18:00]

Ég heyrði það í útvarpinu klukkan ca. hálf fimm að þeir hefðu drepið einhverja munka. Mér finnst að við ættum að efna til mótmælastöðu eða samstöðu stöðu með fólkinu í Miranmar.

Ég er með rauðar rósir í glugganum.  

[www.zordis.com, 26.9.2007 kl. 22:01]

Á morgun kaupi ég Saffran og set í alla glugga!

Bænin til alheims verður send út sem ávallt til þeirra sem kunna að þurfa.

Ég ætla að biðja fyrir svefninn!

[Þórarinn Þ Gíslason (IP-tala skráð) 26.9.2007 kl. 22:12]

Það er gott til þess að vita ,að við látum okkur skifta það máli ,þegar troðið er  fólki með þessu lákúrulega vopnavaldi. Sem krakki var ég svo hugfanginn af þessu landi, að ég hef fylgst með öllu sem þar gerist, æ síðan.Takk fyrir þitt innlegg.Og ég bið Algóðan Guð að koma inn í þessar aðstæður fólkinu til HJÁLPAR.

[Katrín Snæhólm Baldursdóttir, 26.9.2007 kl. 22:48]

Ljótt sem maður sér í fréttunum. Það einhvernveginn snertir mig svo sterkt að fólk sem hefur helgað lífi sínu voninni og framtíðinni sé svona fótum troðið af mönnum sem varla teljast mennskir. Á einhverjum stað verðum við hin að bregðast við og vera þátttakendur í því sem er að gerast í veröldinni. Ekkert þarna úti er okkur óviðkomandi...við erum á endanum öll eitt. Ég er búin að setja saffranlitað ljós í elshúsgluggann minn..og er með þeim sem eru tilbúin að fórna lífi sínu fyrir betra mannlífi í huga og hjarta. Núna eru miklir umbreytingartímar...það sem við þuerum að vita og kunna er að senda ljós og belsssun í aðstæður og sértakelga til þeirra sem eru að fótumtroða mannréttindi og frelsi. Í stað þess að hata þá að senda þeim ljós svo þeir megi sjá. Það hjálpar. Þetta er kannski ein stærsta lexía okkar allra ...að senda gerendunum blessun og ljós svo þeir megi sjá í stað þess að auka á hatrið með því að vera þátttakendur í því með því að viðhalda hatrinu. Ég og þú verðum að geta gert það. Annars erum við bara eins og olía á eldinn sem við viljum í raun slökkva.

Við sem á jörðinni erum erum bræður og systur...og okkur ber að bregðast við.

Man þegar ég var á ítalíu þegar árás var yfirvofandi á Írak..þá voru litrík flögg í hverjum glugga í Flórens sem hvöttu til friðar. Það var svo magnað að sjá samstöðuna þar og að ALLIR settu mark sitt og von á sinn glugga. Mótorhjólagengi hjóluðu um alla borg með fánana...og það fór ekkert á milli mála hvað fólki fannst.

Verum öll með. Þessi hljóðláta bylting kúgaðra hefur fengið viðurnefnið saffran vegna litarins á klæðum munkanna..látum saffran flæða yfir landið og verða sýnilegt alls staðar. Kannski og vonandi segir það okkar leiðtogum hver hugur okkar er og hvernig við viljum sjást sem þjóð og sem manneskjur.

[Jónína Dúadóttir, 27.9.2007 kl. 08:06]

[josira, 27.9.2007 kl. 09:36]

Fegurð í hugsun og gjörð, eflir frið í alheimi og á jörð...

[Ívar Pálsson, 27.9.2007 kl. 11:11]

Falleg hugsun. Veltum svo fyrir okkur þessu ríki, Myanmar: Herstjórn  í raun síðan 1962, spilltasta ríki veraldar, næst mesti ópíumframleiðandi heims, stórt í amfetamíni og er rammfátækt. Ríkið vantar strúktúr, skæruliðahópar vaða uppi og erjur eru tíðar. Munkarnir mótmæltu Bresku nýlenduherrunum forðum. Það er erfitt að beina ljósinu að þessum myrkustu hornum jarðar. Amk. eru líkurnar á því að það takist að koma óspilltri stjórn í Myanmar hverfandi.

[Ágúst H Bjarnason, 27.9.2007 kl. 13:11]

Þakka þér fyrir þessa góðu og þörfu hugvekju. Allt hugsandi fólk hlýtur að taka undir orð þín, en ég geri ekki ráð fyrir að þeir sem standa fyrir þessari illsku sé hugsandi mannverur. Líklega líkari vélum.

Ég tók þig á orðinu og setti saffranlitaða skál í gluggann hjá mér á skrifstofunni, en ég var svo heppinn að hafa slíka við hendina.  Hún minnir mig á málstaðinn og færslu þína. Vonandi smá vottur um samhug.

[Huld S. Ringsted, 27.9.2007 kl. 19:39]

Falleg hugsun hjá þér

[Katrín Snæhólm Baldursdóttir, 27.9.2007 kl. 21:44]

Fékk e mail frá systur minni heima...Á morgun föstudag eru allir hvattir til að klæðast rauðum skyrtum eða peysum sem tákn um stuðning við mótmæli munkanna í Myanmar....fyrrum Búrma. Vonandi verður heimurinn rauðklæddur á morgun Saffranlitaða ljósið í eldhúsglugganum logar og minnir mig á að senda ljós og blessun hvern dag, alla daga.  Takk fyrir skrifin ykkar. Það er alltaf svo gott að vita að það er fullt af fólki sem vill það sama.

[Guðný Anna Arnþórsdóttir, 27.9.2007 kl. 23:08]

[Fríða Eyland, 28.9.2007 kl. 00:00]

Þú ert engill, auðvitað sýnum viðsamstöðu í verki allavega á mínu heimili

[Jóhanna Magnúsar- og Völudóttir , 28.9.2007 kl. 11:41]

Fann rauðan bol djúpt inní skáp, svo rauðklædd er konan í dag. Vinnum að friði í þessum særða heimi.

[Ragnhildur Jónsdóttir, 28.9.2007 kl. 15:32]

Auðvitað klæðumst við rauðu í dag. Ég bloggaði líka "Burma rautt" í tilefni dagsins.